Auzitegi Nazionalak Rubiales epaituko duela berretsi du, Jenni Hermosori emandako musuagatik
Auzitegi Nazionaleko Zigor arloko Salak baztertu egin ditu Luis Rubialesek eta gainerako auzipetuek aurkeztutako helegiteak, eta Jenni Hermoso futbol jokalariari baimenik gabe emandako musuagatik eta ondoren egindako mehatxu eta presioengatik epaituko duela berretsi du.
Ahoko epaiketa zabaltzeko erabakiaren kontra helegitea aurkeztu zuten Rubiales Espainiako Futbol Federazioaren presidente zenak, Jorge Vilda futbolarien hautatzaileak, Albert Luque selekzioaren kirol zuzendariak eta Ruben Rivera Marketing burua izandakoak.
Lau autotan, bana helegite bakoitzeko, Salak azaldu du auziaren une honetan ez direla gertakariak egiaztatu edo frogatu behar , hori ahozko epaiketan egin behar dela. Hala, ikertutakoek argudiatutakoak baztertu ditu.
Epaileen esanetan, emakumezko futbolariek Munduko kopa irabazi zuten gau hartan jazotakoek bat egiten dute sexu askatasunaren kontrako delitu batekin, eta derrigortze delituarekin.
Urtarrilean ebatzi zuen Francisco de Jorge Auzitegi Nazionaleko epaileak Rubiales eta gainerako hiruak epaitzea. Autoan ondorioztatu zuenez, Luis Rubialesek Jenni Hermosori emandako musua "baimenik gabekoa" izan zen, eta ikertuak "alde bakarrez" eta "ustekabean" jokatu zuen. De Jorgeren arabera, jokalariak jasan behar izan zituen presioek "antsietate eta estres handia" eragin zizkioten.
Fiskaltzak bi urte eta erdiko kartzela zigorra eskatu du Rubialesentzat, bi delituak leporatuta, eta urtebete eta erdikoa gainerako hirurentzat, derrigortze delitua egin dutelakoan.
Horrez gain, zigorrak dirauen artean kirol munduan lan egiteko gaitasungabetzea ezartzea eta lau urtez Hermosorekin harremanetan jartzeko eta hurbiltzeko debekua (200 metrora) jartzea eskatu du.
Rubialesek jokalariari 50.000 euroko kalte ordaina ematea ere eskatu du fiskalak, eta beste hainbeste gainerako hiru akusatuek (kasu honetan, hirurek, modu solidarioan).
Zure interesekoa izan daiteke
Gizon bat atxilotu dute Huelvan bikotekide ohia hiltzea leporatuta
47 urteko emakumezko biktimaren lankideek horren gorpua aurkitu zuten, indarkeria zantzuekin, lan egiten zuen eta bizi zen nekazaritza-lursailean bertan. Emakumearen alabak joan den astean Guardia Zibilari jakinarazi zionez, atxilotuak ama mehatxatu egin zuen, beste pertsona batekin ezkonduko zela iragarri ondoren.
Gabonetako trena, gaueko lasterketa eta mahai-futbol txapelketa: horrela ospatuko ditu Metro Bilbaok bere 30 urteak
Bilboko metroak hiru hamarkada beteko ditu aurten, eta kontzertuak, zozketak eta dekorazio bereziak eskainiko ditu, baita ‘Gabonetako trena’, futbolin txapelketa eta Underrun gaueko lasterketa ere.
Emakume bat San Ignazioko metro geltokian erditu da, Bilbon
Emakumea, senarrarekin batera, Lutxanako geltokian zegoen, eta zenbait bidaiarik ohartarazi dute urak egin dituela, eta, bagoirik bagoira, mediku bila aritu dira.
Bernedoko kanpalekuak antolatzen dituen elkartearen aurkako zehapen-espedientea abiatu du Arabako Aldundiak
Sarrea Euskal Udaleku Elkartearen aurkako zehapen-espedientea ireki du Aldundiak, araudiaren "bi betebehar ez betetzea" leporatuta: eskumena duen departamentuari jardueraren berri ez ematea eta eskatutako dokumentazioa Aldundiari ez helaraztea. Orain arte, 21 salaketa aurkeztu dira udaleku horietan parte hartu zuten adingaberen familien partetik, sexu-erasoa eta exhibizionismoa delituengatik.
Talde kriminal bateko hamar pertsona atxilotu dituzte Bilbon, salgaien salerosketan 300.000 euroko iruzurra egiteagatik
Guardia Zibilak faltsututako banku-egiaztagirien bidez enpresei iruzur egiten zien talde bat desegin du. 'Vencal' operazioaren barruan egindako operatiboan, iazko apiriletik Estatuko 18 probintziatan egindako 39 delitu argitu dira.
Gaueko zaintza-patruilak antolatzea pentsatzen ari dira Lemoan, azken hilabeteetako lapurretak direla eta
Azken bi hilabeteetan, kristalak puskatu eta 43 autotan lapurtu dute herriko hainbat puntutan. Ertzaintzak bi pertsona atxilotu ditu dagoeneko, eta beste bat ikertzen ari da.
Lehen aldiz ikusi dute ibis eremita hegaztia Nafarroan
"Giselbert 916" izena duen hegazti-alea bere espezieko lehena da eskualdean, eta Eremita Proiektuari esker dokumentatutako migrazio-ibilbide baten barruan kokatzen da.
Euskal Herriko saharar diasporak bere gaitzespena adierazi du Marokoko autonomia planaren aurrean
Euskal Herriko saharar diasporak elkarretaratzea egin du gaur Gasteizen, Mendebaldeko Sahararen autonomia plana gaitzetsi, eta Marokoren subiranotasunaren pean jarriko lukeen plana errefusatzeko. Sahararren hitzetan, Espainiako Estatua da "gure lurra abandonatu behar izatearen erantzulea", eta, hori dela eta, Espainiako Gobernuari exijitu diote autonomia plana publikoki baztertzeko, independentzia erreferenduma bat egin ahal izateko.
Argentina euskal giroan murgildu da: 2025eko Euskal Aste Nazionala hartu du Tandilek
Hiria Argentinako euskal diasporaren topagune bihurtu da. Dantza, herri kirol eta kalejira artean, mila lagun baino gehiago bildu dira euskal kultura aldarrikatzeko.
AP-8ko sarbidea bost gauez itxiko dute Zarautzen, ordainlekuetan lanak egiteko
Mozketak astelehenetik ostiralera egingo dira, 22:00etatik 06:00etara.