Egoera irregularrean zeuden etorkinak erregularizatzen zituen sare bat desegin dute Nafarroan eta Errioxan
Polizia Nazionalak egoera irregularrean zeuden etorkinei egoitza baimena lortzen laguntzen zien enpresa sare bat desegin du Nafarroan eta Errioxan. Charco izena jarri dioten polizia operazioaren baitan 17 pertsona atxilotu dituzte, legez kontrako immigrazioa eta dokumentuak faltsutzea leporatuta. Halaber, delitu horiengatik beste pertsona bat ikertzen ari dira eta ez da baztertzen pertsona gehiago atxilotzea.
Hedabideetara bidalitako ohar batean Polizia Nazionalak jakinarazi duenez, errioxar bat buru zuen enpresa sare baten bitartez lan kontratu bat eta egoitza baimena lortzen zuten marokoar jatorriko hiritarrek.
Aipaturiko enpresak egoitza baimen eskari ugari eginak zituela eta, 2023an abiatu zuen Polizia Nazionalak ikerketa. Ildo horretan, Nafarroako Erriberara joan ziren, bertan bizi baitziren onuradun horietako asko, kontratu horien egiazkotasuna ziurtatzeko.
Lan kontratuen truke 10.000 eta 14.000 euro bitartean ordaintzen zituztela adierazi zieten agenteei, eta, ondorioz, enpresaburua ikertzen hasi ziren.
Gainera, ustez sarean parte hartzen zuten beste hiru enpresaburu eta beste hainbat kide identifikatu zituzten. Azken horiek lan kontratu bat lortu nahi zuten marokoarrak aurkitzeko eginkizuna zuten.
Lan kontratu horiek, ordea, ez ziren benetakoak, ez baitzegoen lan harremanik enpresaren eta itxurazko langileen artean. Behin lan kontratu faltsua eskuan zutela, bizileku baimena eskatzen zuten atzerritarren bulego ezberdinetan (Logroño, Burgos, Donostia edo Bilbo), "susmorik ez pizteko".
Lehen unean, biktima ziren horiek 2.000 euro inguru ordaindu behar zituzten, eta gainerako zenbatekoa behin egoitza baimena lortutakoan.
Zure interesekoa izan daiteke
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.