Higerko errepidean luizi baten ondorioz martxotik itxita dagoen bideko erreietako bat asteartean irekiko dute
Hondarribian (Gipuzkoa) Higerko itsasargirako errepidean martxoan izandako luizi baten ondorioz itxita dauden erreietako bat asteartean irekiko dute, uztailaren 9an. Trafikoa semaforo bidez txandakatuko dute, luiziak eragindako kalteak konpontzeko obra osagarriak bukatu bitartean. Aurreikuspenen arabera, errepidea abuztu hasieran irekiko dute osorik.
Gipuzkoako Foru Aldunditik jakinarazi dutenez, Higerko itsasargirako bidea (GI-3361) itxita dago martxoaren 3tik, mendi hegalean izan zen luizi baten ondorioz. Harrezkero, ezpondari eusteko lanak egin dituzte, eta ezponda egonkortu ondoren, errepideko erreietako bat asteartean irekiko dute berriro, 10:00etan.
Oraindik egiteke daude luiziak eragindako bide zoruaren, euste sistemaren eta drainatze sistemaren obra osagarriak, baina lan horiek errei bakarra irekita eta zirkulazioa semaforo bidez txandakatzen duten bitartean egin daitezke. Horrela, eraginak ahalik eta txikienak izatea eta Higer itsasargirako zirkulazioa erraztea nahi dute.
Aurreikuspenen arabera, hilabete inguru beharko da egiteko dauden lanak bukatzeko, betiere eguraldiak horretarako aukera ematen badu; ondorioz, gauzak ondo, errepidea abuztuaren hasieran irekiko dute guztiz.
Eremu horretan oraindik obrak egiten ari direnez, Higerko itsasargira joateko ordezko ibilbide gisa Pierre Lhande kalea erabil daiteke Hondarribiko portuan barrena.
Zure interesekoa izan daiteke
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.