Homizidio saiakera leporatuko diote Baionan gizon bat larri zaurituta uzteagatik atxilotutako gizonari
Homizidio saiakera leporatu diote ostegun gauean Baionan izandako liskarrean gizon bat oso larri zaurituta utzi zuen gizasemeari.
Jerome Bourrier Baionako fiskalak esan duenez, biktima (58 urteko gizonezkoa) Ondresera bueltan zihoan autobusean, etxera, Baionako festetan eguna pasa ostean. Mozkor zegoen, eta odol litroko 1,87 gramoko alkohol-tasa zuen. Akusatua, aldiz, 39 urteko guadalupetarra, ez zebilen festa giroan.
Bourrierrek prentsaurrean azaldutakoaren arabera, "biktimak ahoz iraindu zuen akusatua. Akusatuaren bikotekideak irain arrazistak aipatzen ditu. Autobusean zihoazela, giroa gaiztotzen joan zen, eta, une batean, bi gizonak autobusetik jaitsi ziren".
Behin kanpoan, akusatua biktimarengana zuzendu zen eta "bi kolpe bortitz" eman zizkion aurpegian.
Larrialdi zerbitzuek oso bizkor artatu zuten, artean konortea zuela, baina haren egoerak okerrera egin zuen oso azkar, fiskalaren hitzetan. Erietxera eraman zuten, eta larri jarraitzen du.
Erasotzaileak aurrekariak ditu, hamaika aldiz zigortu dute indarkeriagatik, eta apirilean atera zen azkenekoz espetxetik. Hori dela eta, behin-behineko espetxealdia eskatuko du fiskalak harentzat.
11 eraso festa hasieratik
Ipar Euskal Herriko Itaiak salatu du asteazkenean Baionako jaiak hasi zirenetik 11 eraso zenbatu dituztela, "bortxaketa zantzuak, eraso fisikoak eta ahozko erasoak tartean". Azken egunean bakarrik, bi sexu-eraso salatu dituzte.
Mugimendu feministak salatu duenez, "Baionako bestak ez dira giro lasaian iragaten ari, Herriko etxeak dioen bezala". Aldiz, Baionako bestak "bortizkeriaz beteak" direla salatu dute, eta horren erakusle, babesgunean bertan militanteek jasandako intimidazioak aipatu dituzte.
Hori dela eta, larunbat honetan, babesgunea goizaldeko ordu batean ixteko erabakia hartu dute, eta igandean, uztailak 14, 11:00etan, Merkatu plazan egingo den elkarretaratzera deitu dituzte herritarrak.
Bestalde, bart bi lagun larri zauritu dira harresitik erorita. Zaurituak, 18 urteko mutil bat eta 20 urteko neska bat, 6 metroko altueratik erori dira, Lautrec zubitik gertu.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.