Hauek dira Irun eta Brinkola arteko tren zerbitzuan abuztuaren 3tik 25era izango diren aldaketak
Abiadura Handiko Trenaren ibilbidea osatzeko lanen eraginez, aldaketak izango dira Irun eta Brinkola arteko tren-zerbitzuan abuztuaren 3tik 25era. Aldirietako trenetan, distantzia ertaineko trenetan eta distantzia luzeko trenetan izango dute eragina aldaketek. Erabiltzaileek autobusak izango dituzte erabilgarri eta Renferen txartelarekin bidaiatu ahal izango dute topoan.
Egunaren eta zerbitzuaren araberako aldaketak izango dira, Renfek bere webgunean jakitera eman duenez.
Abuztuaren 3an eta 4an
Aldirietako trenak: Hernani eta Irun artean, autobusak bi norabideetan ibiliko dira, eta geldialdi hauek izango dituzte: Hernani, Donostia, Gros, Ategorrieta, Intxaurrondo, Herrera, Pasaia, Lezo-Errenteria, Irungo Bentak eta Irun. Era berean, mikrobusak erabiliko dituzte Martutene zein Loiola geltokietako bidaiariak hartu eta Hernanin trenarekin eta Donostian autobusarekin lotzeko.
Distantzia ertaineko trenak: Irun eta Andoain artean, autobusak bi norabideetan ibiliko dira, eta geldialdi hauek izango dituzte: Irun, Lezo-Errenteria, Pasaia, Donostia eta Andoain.
Distantzia luzeko trenak: Madril eta Irun arteko trenak aldaketa egingo du Tolosa eta Irun artean. Abuztuaren 2an, Madrildik Donostiara doan azken trenak errepidez egingo du. Bartzelona eta Donostia arteko trenak errepidez egingo du Iruñea eta Donostia arteko ibilbidea.
Abuztuaren 5etik 24ra arte
Aldirietako trenak: Donostia eta Irun artean, autobusak bi norabideetan ibiliko dira, eta geldialdi hauek izango dituzte: Gros, Ategorrieta, Intxaurrondo, Herrera, Pasaia, Lezo-Errenteria, Irungo Bentak eta Irun.
Distantzia ertaineko trenak: Hernani Erditik 16:36an irteten den trenaren ordez, autobusek egingo dute Hernani Erdia eta Irun arteko ibilbidea, eta geldialdi hauek izango dituzte: Donostia, Pasaia, Lezo-Errenteria eta Irun.
Distantzia luzeko trenak: Donostia eta Irun arteko distantzia luzeko tren guztiek autobusez egingo dute ibilbidea bi norabideetan. Abuztuaren 5ean, Donostiatik irteten den goizeko lehenengo trenak errepidez egingo du Donostia eta Tolosa arteko ibilbidea.
Abuztuaren 24an eta 25ean
Aldirietako trenak: abuztuaren 25ean 20:00ak arte, Donostia eta Irun artean, autobusak bi norabideetan ibiliko dira, eta geldialdi hauek izango dituzte: Gros, Ategorrieta, Intxaurrondo, Herrera, Pasaia, Lezo-Errenteria, Irungo Bentak eta Irun. Abuztuaren 25ean, 20:00etatik aurrera, Hernani eta Irun artean, autobusak bi norabideetan ibiliko dira, eta geldialdi hauek izango dituzte: Hernani, Donostia, Gros, Ategorrieta, Intxaurrondo, Herrera, Pasaia, Lezo-Errenteria, Irungo Bentak eta Irun. Era berean, mikrobusak erabiliko dituzte, Martutene zein Loiola geltokietako bidaiariak hartu eta Hernanin trenarekin eta Donostian autobusarekin lotzeko.
Distantzia ertaineko trenak: Andoainera 20:49an heltzen den trenaren ordez eta Andoaindik 19:40an irteten den trenaren ordez, Irun eta Andoain artean, autobusak bi norabideetan ibiliko dira, eta geldialdi hauek izango dituzte: Irun, Lezo-Errenteria, Pasaia, Donostia eta Andoain.
Distantzia luzeko trenak: aldaketak egingo dira Irun eta Donostia artean edo Irun eta Tolosa artean, trenaren arabera.
Albiste gehiago gizartea
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.