Energia enpresa handiek biodibertsitateari egindako kalteen % 47 estaltzen dute, EHUren ikerketa baten arabera
Euskal Herriko Unibertsitateko (EHU) ikerketa batek ondorioztatu ahal izan duenez, energia enpresa handiek ezkutatu egiten dute euren jardunak bioaniztasunari eragindako kalteen ia erdia (% 47), eta gertakari negatibo horien % 23 bakarrik adierazten dituzte argi.
Goizeder Blanco ikertzaileak egindako azterketaren arabera, badira enpresa energetikoek "modu lausoan" komunikatzen dituzten gertaerak ere. Gainera, aztertutako 14 kasutan (% 30) antzeman du enpresek "ardura neutralizatzeko estrategiak" erabiltzen dituztela.
EHUk ohar baten bidez azaldu duenez, Euroguneko 30 energia enpresa nagusienei lotutako 47 gertakari aztertu dituzte (deforestazioak, hegaztien elektrokuzioak, habitaten suntsitzea…), eta horietatik 22 ez dira agertu ere egiten haien jasangarritasun txostenetan.
"Europako direktibek derrigortu egiten dituzte enpresa handiak ingurumenari eta bioaniztasunari lotutako dokumentuak argitaratzera, baina ez dago guztiz zehaztuta horietan azaldu beharreko informazioa. Norberak erabakitzen du zeri buruz hitz egin. Beraz, askatasunez jokatzen dute eta euren irudia leuntzen dute", dio Blancok.
Ikertzailearen esanetan, enpresek eragin negatiboak estaltzeko gehien erabiltzen duten teknika alde onak eta ekintza positiboak azpimarratzearena da. "Adibidez, batzuek bioerregaiak ekoizteko olio palmondoak landatzen dituzte inguru tropikaletan, bertako ekosistemak suntsituz. Aldiz, jasangarritasun txostenetan hori leuntzeko arreta desbideratzen dute, beste lurralde batzuetan zuhaitz ugari landatu dituztela azpimarratuz. Horrek ez du konpontzen, ordea, enpresak palmondoekin eragindako deforestazioa, besteak beste, kaltetutako tokitik oso urrun egiten dituztelako landaketak", ohartarazi du.
Beste batzuetan, energia enpresek diote ez dagoela argi zein den sarraskiaren eragilea, edota, zuzenean, beste batzuei leporatzen diete errua. Esaterako, hornitzaileei.
Zure interesekoa izan daiteke
Epaileak Amaya Zabarteren kasua artxibatu du, inpaktuaren jatorria egiaztatu ez duelako
Donostiako epaileak itxi egin du 2024ko martxoan jasandako lesioagatik irekitako auzia, eta familiak helegitea aurkezteko aukera du orain.
Epailearen arabera, Estatuko administrazioarena zen El Bocaleko pasabidea mantentzearen ardura, eta ikerketapean jarri ditu Trantsizio Ekologikoko bi funtzionario
Epailearen ustez, Estatuko administrazioa da martxoaren 3an Santanderko hondartza horretan istripua izan zen pasabidearen "kontserbazio-egoera eta mantentzea egokia bermatzeko arduradun bakarra", eta pasabide horretako eta beste batzuetako lanak "amaitu gabe" daudela. Sei pertsona hil ziren eta bat larri zauritu zen, martxoaren 3an, itsaso ondoko pasabidea behera etorrita.
Alokairuen eskaintza, amilduta: Bilbon eta Donostian % 70 baino gehiago murriztu da
Iruñean alokairuen eskaintza % 47 jaitsi da, eta Gasteizen % 26, Idealistaren arabera. Bilbon, etxebizitza baten bila dabiltzanen lehiak % 864 egin du gora bost urtean.
Ordu aldaketa: Bueltan da udako ordutegia
Martxoaren 28tik (larunbata) 29ra (igandea) bitarteko goizaldean, 02:00etan ordua aldatu egin beharko da, eta 03:00ak izango dira. Atseden hartzeko ordubete gutxiago egongo da. Egungo ordutegi ereduarekin jarraitzeko beharrak eztabaida sortzen du, batez ere bi arrazoi garrantzitsu direla eta: Osasuna eta energia kostua.
Futbol arbitro neska batek salatu du irainak eta mehatxuak bota zizkiotela partida batean, Basaurin
Bizkaiko Futbol Federakundeko lehiaketa batzordea gaur elkartzekoa da gertatutakoa aztertzeko eta balizko neurriak aztertzeko. Basauriko futbol taldeko jokalariak, teknikariak eta zaleak barne, irainka hasi zitzaizkion, talde bisitariak berdinketa (3-3) lortu eta gero.
BI-30 errepidean izandako istripu batek auto-ilarak eragin ditu Txorierrin eta Arrontegin
Ezbeharra goizean goiz gertatu da Erandion, eta errei bat itxi behar izan dute Galdakaorako noranzkoan. Ilara luzeak sortu dira.
EHUk unibertsitate-komunitatean errespetua eta bizikidetza indartzeko protokolo bat bultzatuko du
Ekimenak bitartekotza, partaidetza eta sentsibilizazio-neurriak izango ditu, eta komunitate osoaren ekarpenak jasotzeko plataforma digital bat izango du oinarri.
Albiste izango dira: Korrika zuzenean, krisi energetikoa eta Berdintasunerako Emakunde Saria
Orain-ek gaur landuko dituen albiste nagusien laburpena.
Korrika Gipuzkoan sartu da!
Atallu eta Araitz-Betelu atzean utzi eta Lizartzatik sartu da Korrika Gipuzkoan, Tolosaldean. Berastegiko udaleko ordezkariek sartu dute lekukoa Gipuzkoara. Ondoren, Galtzaundi Tolosako euskaltzaleen elkartearen txanda izan da. Mailopeko eta Tolosaldeako eskualdeak bat egin dute, Korrikaren alde. Gauean, besteak beste, Tolosa, Andoain, Hernani, Oiartzun eta Irun igarota, Nafarroara itzuliko da berriz ere eta goizaldeko 06:00ak aldera Beran izango dute.
Familia batek salatu du Durangoko egoitza bateko erabiltzaileek "gabezia larriak" dituztela
Egoitzako zuzendaritzak ukatu egin ditu akusazioak, lantaldearen "profesionaltasuna" defendatu du, eta ziurtatu du Bizkaiko Aldundiak ezarritako baldintza guztiak betetzen dituztela.