Horrela eragingo dio triatloiak Bilboko trafikoari
Larunbat honetan, irailaren 14an, XIII. Bilbao Triathlon egingo da Bizkaiko hiriburuan. Proba horrek aldaketa handiak eragingo ditu trafikoan eta oinezkoen joan-etorrietan.
Udalak garraio publikoa, metroa eta trena batez ere, erabiltzeko gomendatu du. Trafiko aldaketak izango dira ibaiadarraren alde bietan, Deustuko barrutian eta Olabeagan, 13:30etik 18:20ra, gutxi gorabehera. Abandoibarran, Leizaola lehendakariaren kalean eta Euskalduna zubian ere aldaketak izango dira 13:30 eta 15:00 artean.
Bilbobusen hainbat lineatako ibilbideetan eta geralekuetan eta Euskalduna zubiaren eta Udaletxearen artean doan bidegorrian eragozpenak sortuko dira 15:50etik 20:00etara bitartean, gutxi gorabehera.
Trafiko-aldaketak
Deustu eta Zorrotzaurre: Errepideak itxiko dira Deustuko barrutian eta Zorrotzaurren, 13:30etik 18:20ra. Honako kaleetan izango du eragina:
- 13:30etik 15:00etara bitartean, Euskalduna zubiko beheranzko zirkulazioa etengo da, larrialdi-zerbitzuentzat izan ezik. 14:30etik 18:30era, berriz, goranzko eskuineko erreia okupatuko da.
- 13:30etik 15:00etara bitartean, erreia itxiko da Bernaola tuneletan, Enekuriko noranzkoan.
- 13:30etik 15:00etara bitartean, etenek eragina izango dute Eraso jeneralaren kalean (Ballets Olaeta eta Morgan kaleen artean), Morgan kalean (Eraso jenerala kalearen eta Bernaola tunelen artean), Enekuri etorbidean (Ibarrekolanda eta Bernaola tunelen errotondaren artean).
- 14:30etik 18:20ra aldizkako zirkulazio-etenak egingo dira Zorrotzaurreko sarrera-irteeran, bi noranzkoetan, Olaeta baletak kalearen eta Frank Ghery zubiaren arteko bidegurutzearen parean.
Ibarrekolanda, San Ignazio eta Elorrieta Erribera: 14:30etik 18:20ra, gutxi gorabehera, trafiko-etenak egingo dira Ibarrekolanda eta San Ignazio auzoetan eta Elorrietako erriberan. Elorrietatik ezingo da ez Bilbora sartu ez Bilbotik irten.
Olabeaga: 14:30etik 18:20ra, gutxi gorabehera, Olabeaga auzorako sarbidea itxiko da, Olabeaga kaian, Jesusen Bihotza plazako biribilgunetik, larrialdi-zerbitzuei eta Bilbobusei izan ezik. Ibilgailu partikularrak Ventosa bidetik eta Olabeaga aldapatik sartu beharko dira auzora.
Albiste gehiago gizartea
Oñatiko Larraña Etxeak 20 herrialdetako 100 errefuxiatu hartzen ditu
Zehar-Errefuxiatuekin elkarteak kudeatzen du zentroa. Plataformak salatu du Atzerritarrei buruzko Araudiaren erreforma berriak nazioarteko babesa eskatzen duten pertsonak “zigortzen” dituela. Euskadin, 3.633 pertsonak eskatu dute nazioarteko babesa 2025ean.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.