Gaur hasi da Aintzane Pujana auziaren epaiketa: espetxe iraunkor berrikusgarri eskaera lehen aldiz Gipuzkoan
Gaur hasi da Gipuzkoako Lurralde Auzitegian 32 urteko Aintzane Pujana hiltzea leporatzen zaion bikotearen aurkako epaiketa, herri-epaimahaiarekin. Aizarnazabalen (Gipuzkoa), Urola ibaitik gertu, sastraka inguru batean lanean ari ziren langile batzuek aurkitu zuten emakumearen gorpua, 2021eko urtarrilaren 4an.
Azpeitiko (Gipuzkoa) instrukzio epaitegiak, urte bereko urtarrilaren 15ean, 24 urteko gizon bati eta haren bikotekideari, 23 urteko emakume bati, behin-behineko espetxealdia ezarri zien, Pujana hil zutelakoan. Esan bezala, Pujanaren gorpua Aizarnazabalgo (Gipuzkoa) sastrakadi batean topatu zuten behargin batzuek, arma zuriz egindako zauriekin.
Ertzaintzaren ikerketaren arabera, Pujana hil zuten, eta ondoren gorpu utzi zuten 2021eko urtarrilaren 2ko (larunbata) goizaldeko lehen orduetan.
Hipotesi nagusia izan zen biktimaren eta bikotearen arteko eztabaida gogorrak erasoa eragin zuela 2021eko urtarrilaren 1eko 23:30ak aldera, eta labankadak bizi ziren etxebizitzan gertatu zirela.
Pujanaren hilketa, legez kanpoko atxiloketa eta prostituzioa egotzita auzipetutako bikotearen aurkako epaiketa gaur hasi da 09:30ean, Gipuzkoako Auzitegian.
Lehen aldia da Gipuzkoako Fiskaltzak espetxealdi iraunkor berrikusgarria eskatzen duela akusatuentzat hilketa delituagatik. Beste bi ustezko delituengatik zortzi urteko espetxe-zigorra eskatzen du.
Aurreikusita dago saio guztiak ordu berean hastea eta epaiketa ia hilabetez luzatzea. Irailaren 27an, bi akusatuei galdeketa egingo diete, eta espero da bost lekukok deklaratzea espero da.
Irailaren 30etik aurrera, lanegun guztietan egingo dira saioak, urriaren 21era arte; orduan, erabakia epaimahaiaren esku uztea aurreikusten da.
Zure interesekoa izan daiteke
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.