Epaileak espetxera bidali ditu Aintzane Pujanaren hilketagatik atxilotutako biak
Epaileak espetxera bidali ditu Aizarnazabalen Aintzane Pujana donostiarra hiltzea leporatuta Ertzaintzak atxilotutako 24 eta 23 urteko bi gazteak, Segurtasun Sailak ostiral honetan jakinarazi duenez.
Aintzane Pujanaren hilotza langile batzuek topatu zuten urtarrilaren 4an, Urola ibaitik hurbil, sastrakak garbitzen ari ziren bitartean.
Ertzaintzak urtarrilaren 12an atxilotu zituen bi susmagarriak. Bikote dira eta Aizarnazabalgo landetxe batean bizi ziren aldi baterako. Gaur goizean eraman dituzte epailearen aurrera, eta honek biak behin-behinean espetxeratzeko agindua eman du.
Segurtasun Sailak azaldu duenez, hilketa urtarrilaren 2ko goizaldean burutu zen. Hipotesi nagusiaren arabera, bezperan, 23:30 inguruan, bikoteak biktimarekin liskar handia izan zuen eta hainbat labankada eman zizkioten. Hilketa erasotzaileen etxean gauzatu zela eta ondoren gorpua Urola ibaiaren inguruan abandonatu zutela uste dute.
Frogak desagerrarazten saiatu ziren
Ikerketaren arabera, ondoren ibilgailua hartu eta kostaldeko hainbat herritatik igaro ziren biktimaren arropak eta gauzak botatzeko.
Kasualitatez, Ertzaintzaren patruila batek ohiko kontrol-gune batean geldiarazi zituen, Zumaia eta Getaria artean. Identifikatu egin zituzten, baina, hala ere, bidean jarraitu zuten eta Tolosaraino joan ziren.
Udalerri horretako saltoki batean hainbat produktu erosi zituzten –lixiba, amoniakoa, paperezko ezpainzapiak eta eskuoihal hezeak, besteak beste- Aintzane Pujanaren hilotza lekualdatzeko erabili zuten ibilgailua eta euren etxebizitza garbitzeko eta hilketarekin lotutako edozein froga desagerrarazteko asmoz.
Bestalde, Ertzaintzak azpimarratu du Aizarnazabalgo landetxe horretan urte-zahar gauean izandako jaiagatik identifikatutako lagunek ez dutela inolako zerikusirik gertakari honekin.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.