Espainiako Gobernua Europako Justizia Auzitegira jotzeko prest dago, euskara EBn ofiziala izan dadin
Jose Manuel Albares Espainiako Gobernuko Atzerri gaietako, Europar Batasuneko eta Lankidetzako ministroak ez du baztertu Europako Justizia Auzitegira jotzea euskara, katalana eta galiziera Europar Batasunean ofizialak izan daitezen.
Espainiako Gobernuak duela urtebete pasatxo, 2023ko abuztuan, eskatu zuen hiru hizkuntzak Europar Batasuneko hizkuntza-erregimenean sartzea. Sanchezen inbestidura babestearen truke, Juntsekin lortutako akordio bat zuen oinarri eskaerak. Ordutik, baina, auzia atzeratzen ibili dira 27ak.
Albaresek gaur Catalunya Radio irrati katean egindako elkarrizketa batean nabarmendu duenez, ofizialtasunari baiezkoa emateko "benetako oztoporik ez" dago; zinez, Europako Alderdi Popularrak ultraeskuinarekin koalizioan zuzendutako herrialdeen "errezelo politikoak" daude atzean. Horren harira, Espainiako PPri eskaera babesteko deia egin dio, beste behin.
"PPren babesa gorabehera, lortuko dugulakoan nago, eta bestela prest nago Europako Justizia Auzitegira joateko, beharrezkoa balitz", aurreratu du. Dena dela, aitortu duenez, "aukera hori urrun dugu oraindik".
Albaresen ustez, arazoa ez da itzultzaile falta: egon badaude, eta teknologia berriekin "oso erraza litzateke", horren hitzetan. Kostu aldetik ere ez litzateke arazo izango, "Espainia bere gain hartzeko prest dagoelako ", gaineratu du. Beste hizkuntza minorizatu batzuentzat aurrekaria izan daitekeenik ere baztertu du ministroak. Azaldu duenez, eskaerak Espainiak bakarrik betetzen dituen hainbat baldintza txertatu dituzte (hizkuntzan Konstituzioan egotea, dagokion estatuko parlamentuan erabiltzea edota Europako erakundeekin itun administratiboak egotea).
"Hiru hizkuntzen ofizialtasuna lortzea helburu ukaezina da Espainiarentzat", nabarmendu du ministroak. Bestalde, hizkuntzok Europako Parlamentuan erabili ahal izateko bidea ere jorratzen ari direla azaldu du. Antza, gutuna bidali berri dio Roberta Metsola ganberako presidenteari; asmoa da berarekin urrian biltzea eta auzia gai-zerrendan sartzea, eztabaidatu ahal izateko.
Albiste gehiago gizartea
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.