Mbappe ikertzen ari dira Stockholmen izandako bortxaketa batengatik, Suediako prentsaren arabera
Kylian Mbappe Real Madrileko futbolari frantziarra ikertzen ari dira aurreko astean Stockholmen izandako bortxaketa batengatik, Suediako hainbat hedabideren arabera. Jokalariak eta ingurukoek informazioa gezurtatu dute.
Aftonbladet egunkariak adierazi duenez, Polizia jokalaria ikertzen ari da, ostegunean izandako bortxaketa batekin lotuta. Momentu horretan Suedian zegoen paristarra. Expressen kazetak, bestalde, Stockholmeko hotel batean izandako erasoaren susmagarritzat jo du futbola. Egunkari horren arabera, Suediako Polizia arropa aztertzen ari da.
TV4 kateak, bere aldetik, azpimarratu du salaketa jarri zuen emakumea larunbatean joan zela ospitalera, eraso baten biktima izan zela salatu, eta Mbappe erasotzailetzat jo zuen.
Fiskaltzak ohar batean baieztatu duenez, ikerketa bat dago abian "Stockholmen izandako bortxaketa susmoagatik", baina ez du inplikatutako pertsonei buruzko daturik eman. "Fiskalak baieztatu dezake Poliziak bortxaketa txosten bat jaso duela; horren arabera, 2024ko urriaren 10ean gertatu zen, Stockholm erdialdeko hotel batean", azpimarratu du, datu gehiagorik eman gabe.
"Fiskala ez dago hedabideekin hitz egiteko prest, eta une honetan ezin du informazio gehiago eman. Informazio gehiago dagoenean, prentsa-ohar bat bidaliko da", gaineratu du.
Kylian Mbappe bera mintzatu da gaiari buruz, X sare sozialean: "Fake news (albiste faltsuak). Aurreikustekoa zen, epaiketaren bezperan, kasualitatez", PSGk ustez aurrelariari zor dion diruari (55 milioi euro) inguruko epaiketari erreferentzia eginez.
Aftonbladeten arabera, haren ingurukoek ohar labur bat bidali diote AFP albiste agentziari, "akusazio horiek erabat faltsuak" direla eta horiek argitaratzea "arduragabea" dela azpimarratzeko.
Mbapperen abokatuetako bat: "Beti dago norbait berarekin"
TF1 telebistari egindako adierazpenetan, Marie-Alix Canu-Bernard futbolariaren abokatuetako batek esan du Mbappe ez dagoela "inoiz bakarrik" bizkartzainei eta une oro jokalariarekin dauden beste pertsona batzuei erreferentzia eginez. "Horrek erabat baztertzen du bere aldetik ekintza gaitzesgarri bat egotea (...) hori erabateko ziurtasuna da", azpimarratu du.
Abokatuak aurreratu duenez, salaketa bat prestatzen ari dira "hurrengo orduetan" aurkeztuko duten "kalumniengatik". "Oso lasai dago, baina txundituta ulertzen ez duen zurrunbilo mediatiko honekin, ezin baitzaio ezer aurpegiratu", gaineratu du Canu-Bernardek.
Frantziako izarrak Suediako Justiziaren aurrean erantzungo ote lukeen galdetuta, abokatuak baietz esan du, baina Mbappe "erabat lasai" dagoela errepikatu du. "Horren erakusgarri da gaur entrenatu izana (bere klubarekin, Real Madrilekin). Ez dago ezer aurpegiratu dakiokeenik", erantsi du.
Zure interesekoa izan daiteke
Zedarriak Foroak etxebizitzarako euskal bizitegi-kontratu bat eta bizi arteko gozamena duen arrisku-kapitaleko funts bat proposatu ditu
Foroak uste du 7.000 milioira arteko inbertsio publiko-pribatua beharko dela etxebizitza-arazoari aurre egiteko eta 5 urtean 10.000 etxebizitza mobilizatzeko.
Gazteen % 75ek sare sozialen bidez jasotzen dute informazioa, eta % 13k soilik identifikatzen dituzte albiste faltsuak
Gazteen % 20a baino gehiago eduki ideologikoen eta eztabaidagarrien eraginpean jartzen dira egunero. Hala ere, "berdintasunaren, demokraziaren edo immigrazioaren alde jarraitzen dute" ikerketaren arabera.
Gure Eskuk “HERRITU” aurkeztu du, Euskal Herriaren erabakitzeko eskubidearen alde agertzeko
Gure Eskuk “HERRITU” ekimena aurkeztu du gaur, euskal komunitatea sendotzeko eta zutabeak indartzeko helburua duen tresna gisa. Euskarri modura txartel fisiko edo birtuala izango du. Harpidetza egiten duenak Euskal Herria 7 herrialdek osatutako nazio bat dela, eta euskararen eta erabakitzeko eskubidearen aldeko atxikimendua adieraziko du. Durangoko azokan jarriko da martxan eta asmoa herriz herri zabaltzea da, 10 euroko harpidetzaren truke.
Etxerik gabeko pertsonen kopurua bikoiztu egin da EAEn, eta 1.500 baino gehiago ziren 2024an
Argitan, Atxurigorri, AZET edo Berri-otxoak bezalako eragile sozialek manifestazioa egin dute gaur Bilboko Udalaren aurrean kartoi artean lurrean etzanda, "etxebizitza duina" izatea eragozten duen administrazioen etxebizitza-politika gaitzesteko.
Osakidetzak anbulatorioetan psikologoak kontratatzeko prozesua ireki du
Profesional horien bidez, Euskal Osasun Zerbitzuko anbulatorioetan insomnioa, antsietatea, depresio arina edo antzeko nahasmendu eta ondoezei hobeto erantzutea da helburua. Kontratatuko diren psikologoak Lehen Mailako Arretan erreferenteak izango dira, eta bitartekari lanak egingo dituzte pazientearen eta familiako medikuaren eta, kasu konplexuagoetan, ospitalez kanpoko osasun mentaleko zentroetan ematen den arreta espezializatuaren artean.
![VITORIA, 17/11/2025.- El juzgado de lo Penal número 1 de Vitoria inicia este lunes el juicio contra 21 antiabortistas acusados de coacciones por realizar concentraciones frente a una clínica en la que se realizan abortos en Vitoria. EFE / L. Rico [POOL]](https://s7g10.scene7.com/is/image/eitb/juicios-askabide-efe?fmt=webp-alpha&qlt=80)
Akusatuek ukatu egin dute inor presionatu izana, eta Askabideren aurrean isilean otoitz egin zutela ziurtatu dute
Gehienek adierazi dute ez zirela inorengana hurbildu, otoitzak isilean izan zirela, eta poliziak ez ziela inoiz alde egiteko eskatu. Argumentu horiek errepikatu dira gaur Askabide klinikaren aurrean egindako kontzentrazioengatik epaitzen ari direnek emandako bertsioetan.
Jaliscoko Kartelaren Espainiako 'bulegoa' desegin dute, adar operatiboa bat Bilbon zuena
Polizia Nazionalak 20 pertsona atxilotu ditu nazioarteko makrooperazio batean. 1.870 kilo kokaina atzeman ditu, eta Espainiako Jalisco Nueva Generacion kartelaren egitura desegin du.
Bi gizon atxilotu eta droga saltzeko gune bat desegin dute Barañainen
Azaroaren 12an egindako polizia-operazioan, 35 eta 41 urteko bi gizonezko atxilotu zituzten, droga-trafikoko delitu baten ustezko egile gisa. Auzokideen salaketen ondorioz hainbat zaintza, jarraipen eta egiaztapen-lan egin ondoren jarri zen martxan polizia-operazioa.
Zabaldu dute N-1 errepidea Legorretan, Irungo noranzkoan, bi ibilgailuren arteko istripuagatik itxita egon ondoren
Goizeko lehen orduan kamioi batek eta furgoneta batek istripua izan dute, eta furgonetako gidaria Tolosako Asuncion klinikara eraman dute, zaurituta. Errepidea zabaldu arren, 09:30ean oraindik auto ilarak zeuden.
Askabideren aurrean egindako kontzentrazioengatik auzipetuek gaur deklaratuko dute Gasteizen
21 akusatuek deklaratuko dute gaur, atzo lekukoek klinikaren aurrean presio "etengabea" egiten zutela esan ostean. Fiskaltzak dio hertsapenak egon zirela.