Medikuntzako euskarazko graduan 40 plaza gehiago egotea adostu dute EHUk eta Eusko Jaurlaritzak
Datorren ikasturtean (2025/2026) Medikuntzako Graduko plaza kopurua zabaltzea adostu dute Eusko Jaurlaritzako Osasun Sailak eta Euskal Herriko Unibertsitateak (EHU): zehazki, euskarazko adarrean 40 plaza gehituko dira. Bi erakundeotako arduradunen hitzetan, helburua da "osasun-sistema indartzea". Halaber, euskarazko eskaintza zabalduta, "bi hizkuntzen arteko oreka" lortu nahi da.
Alberto Martinez Osasun sailburuak EHUren Leioako unibertsitate-campusa bisitatu du gaur, kargua hartu zuenetik lehen aldiz. Han, Eva Ferreira EHUko errektorearekin eta Medikuntza eta Erizaintza Fakultateko ordezkariekin bildu da, aurrera begirako erronkak lantzeko, eta ondoren, ikasle talde batekin partekatu ditu zenbait gogoeta.
Lankidetzarako "konpromiso sendoa" agertu dute Ferreirak eta Martinezek, "lehentasunezkotzat jo dituzten erronkei ahalik eta erantzun onena emateko". "Ezin dugu ahaztu Medikuntza eta Erizaintza Fakultate hau dela gure osasun-sistemaren harrobia, eta, beraz, gakoa euskal herritarrei osasun-arreta ematen dietenen bikaintasun profesionala eta humanoa bermatzeko", esan du Osasun sailburuak.
Adostu dituztenen artean, Medikuntzako Graduko euskarazko adarrean 40 plaza gehitzea da, datorren ikasturtetik aurrera. Jakinarazi dutenez, bi erakundeak "lanean ari dira plaza berri horiek sartzeko". "Modu horretan, EHUren eskaintzan Medikuntzako 400 plaza izateko helburua lortuko litzateke, betiere behar adina baliabide izanez gero, eta bi hizkuntzen arteko oreka lortuz. Gaur egun, 200 plaza dira gaztelaniaz eta 168 euskaraz", erantsi dute.
Zure interesekoa izan daiteke
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, gaineratu du beherakada "matrikulazio bizia" delakoarekin konpentsatuko dela. Izan ere, irailetik 5400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerrian, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.