Tolosako kirol elkarte batek entrenatzaile bat apartatu du, hainbat sexu-jazarpen kasurekin lotura duelakoan
Tolosa C.F. kirol elkarteko entrenatzaile bat apartatu du klubeko zuzendaritzak, hainbat sexu-jazarpen kasurekin zerikusia izan dezakeelakoan. Hala baieztatu dute Tolosako Udalak eta kirol elkarteak berak, gaur kaleratu dituzten ohar banatan.
Udalak jakinarazi duenez, "kirol jardueratik kanpoko eremuetan gertatu dira jazarpenak, oro har, klubeko nahiz klubaz kanpoko emakumeekin". Udalbatzak aho batez gaitzetsi ditu erasoak. "Gisa horretako jarrerak onartezinak dira gizarteko esparru guztietan. Bereziki, botere-harremanak egon daitezkeen kasuetan. Kirol heziketan jarduten duen orok kode etiko bat bete behar du, baita kirol eremutik kanpo ere. Are gehiago adin txikikoen heziketaz ari garenean", jaso dute, zabaldutako testuan.
Goiuri Ezeiza Berdintasun zinegotziak herritarrei jakinarazi die laguntza juridikoa zein psikologikoa eskura dituztela Udalean eta Andragora Emakumeen Etxean.
Bide beretik, Tolosa C.F. taldeak ere gogor gaitzetsi ditu gertakariak, eta bere zerbitzu juridikoak kaltetutako pertsonen esku jarri ditu. "Pertsonen duintasuna eta oinarrizko eskubideak urratzen dituzten jokabide guztiak arbuiatzen ditugu, pertsona horiek klubarekin lotura izan ala klubarekin zerikusirik ez izan".
Oraingoz, kasuekin lotutako salaketa formalik ez da jarri Ertzaintzan.
Hurrengo egunotan, Tolosako Udalak herriko kirol klubetako zuzendaritzak deituko ditu bilera batera, "halako kasurik suertatuko balitz, nola jokatu jakiteko jarraibide batzuk izan ditzaten". Era berean, kasu horietarako "protokolo sakonago baten lanketa abiatuko du".
Azkenik, Udalak argi utzi nahi izan du gertakariok ez dutela zerikusirik joan den astean Usabal kiroldegian izandako erasoarekin.
Zure interesekoa izan daiteke
Gizon batek alaba adingabea hil du Torreviejan
Guardia Zibila indarkeria bikarioko krimen gisa ikertzen ari da bi edo hiru urte zituen haurraren hilketa.
Preso bat hilik aurkitu dute Baionako espetxean
23 urteko gizonak bere buruaz beste egin du. Arazo psikiatrikoak zituen, eta bakarkako ziega batean zegoen preso.
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
Gizon batek emakume bat hil du tiroz Zaragozan
Oraindik ez dira jakinarazi gertakariaren inguruabarrak, ezta gizonaren eta emakumearen arteko harremana zein zen ere.
Garazi eta Jon, maitasunarekin eta euskararekin engaiatuta
Korrikaren 387. kilometroa egin dute, Caparrosotik Valtierrara bidean, trajez eta zuriz jantzita, maitasunarekin eta euskararekin duten konpromisoa erakutsiz. Aurtengo irudi bitxietako bat utzi digu irailean ezkonduko den Zamudioko bikoteak.
Gero eta baso gehiago dugu Euskal Herrian: larreek zuhaitzei leku utzi diete
Lur Geroak baso-kudeaketa planak egin ohi ditu Nafarroako udalentzat. Izan ere, bertan mendi eta baso gehienak publikoak dira; Nafarroako udalek dute basoen % 80 ingururen jabegoa. Nafarroako araudiaren arabera, baso-kudeaketa planak finantzatzeko eskuduntza Foru Gobernuak dauka, baina udalek plan horiek onartu behar izaten dituzte eta askok herritarren parte-hartzea eskatzen dute. Aholkularitza enpresak, besteak beste, baso horiek modu sostenigarrian nola ustiatu proposatzen du; alegia, baso bakoitzetik zenbat egur atera daitekeen 10 edo 15 urtetan, basoak bolumenik galdu gabe. Horrez gainera, udalak behartuta daude mendian inbertitzera haien ustiapenetik (egurraren salmentatik edota lursailen alokairutik) jasotzen duten diruaren % 20. Inbertsio horiek nola egin ere aholkatzen du.
Pinutik eukaliptora: eraldatzen ari diren basoen erradiografia
Azken 30 urteetan, Araba, Bizkaia eta Gipuzkoako basoek hartzen duten eremuaren azalerak gora egin du. Ez da jauzi handia izan, baina bai joera-aldaketa bat. Gaur egun, zuhaiztiek EAEko zoruaren % 54,81 hartzen dute, eta presentzia gehien duen espeziea intsinis pinua da oraindik ere, nahiz eta % 17,81 atzera egin duen.
Teruelgo aireportua hegazkinez beteta dago, gerra dela eta ezin direlako Ekialde Hurbilera itzuli
Ostiralean, 10 hegazkin komertzial lurreratu dira, gehienak Qatar Airlines konpainiakoak. Teruelgo aireportua 140 hegazkinen aparkaleku izan zen pandemian.
Athleticek gaitzetsi egin ditu Jon Uriartek jasotako mehatxuak eta bere “babes osoa” adierazi dio
Erakundeak adierazi duenez, "errespetua irmo aldarrikatuz baino ez dugu gizarte eta Athletic hobea eraikiko".
Martxoaren 23an irekiko dute Osakidetzako EPErako izen-ematea
Probak ekainaren 19an, 20an eta 21ean egingo dira, eta horietan LEP eredu berri bat ekarriko du: test motako azterketak egingo dituzte eta nota hurrengo deialdietarako erreserbatuko da.