Giro goibelarekin hasiko dugu astea
Datorren astea giro goibelarekin hasiko dugu eta ildo beretik jarraituko du aste osoan. Hodeitza espero da lurralde osoan, eta termometroetan ez da gorabehera handirik egongo; asteazken eta ostiralean, balio hotzagoak espero dira, eta hodeiek euria utziko digute, Euskalmeten iragarpenaren arabera.
Gaur, igandea, eguna lainotuta hasi dugu isurialde atlantikoan, eta apur bat argiagoa izan da hegoaldean. Orduek aurrera egin ahala, behe-hodeiak ugaritu dira eta zirimiria egin du kostaldean. Hegoaldean, berriz, egunsentiko behe-lainoak desegin ostean, eguzki giroa nagusitu da.
Bihar ere, hodeitza espero da isurialde atlantikoan, baina orduek aurrera egin ahala arinduz joango da, eguerdirako ostarteak irekitzen joango dira eta arratsaldean eguzkitsu geldituko da. Hegoaldean, berriz, egunsentiko behe-lainoa desegin ostean, zerua nahiko garbi agertuko da. Haizea ahul ibiliko da, eta tenperaturan ez da gorabeherarik espero; igandeko balio bertsuak izango ditugu.
Etzi, asteartea, giro nahasiagoa espero da Euskal Herrian. Zerua lainotuta agertuko da, batez ere isurialde atlantikoan, eta baliteke zenbat momentutan zirimiria egitea ipar isurialdean. Haizeak mendebaldetik joko du, eta ipar-mendebaldera egingo du arratsaldean. Tenperaturak maila berdintsuan jarraituko du, 15-19 ºC-ren bueltan maximoak.
Asteazken eta ostiralerako, termometroak nabarmen jaistea eta euria egitea espero da. Ostegunean, ordea, aldaketa txikia izango dugu termometroen gorakadarekin, eta ostarteak nagusituko dira.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.