Bularreko minbiziaren kontrako sendagaien konbinazio "eraginkor" bat ikertu dute CCUNk eta Biogipuzkoak
Nafarroako Unibertsitateko Cancer Center Klinika (CCUN) eta Biogipuzkoa Osasun Ikerketako Institutuak bularreko minbizia "oldarkorrenari" aurre egiteko botiken konbinazio "berri eta eraginkor" baten inguruko ikerketa zuzendu dute.
CCUNk, Gregorio Marañon Unibertsitate Ospitale Orokorrak eta Biogipuzkoak koordinatutako Espainiako 24 ospitalek parte hartu dute ikerketan eta emaitzek iradoki dutenez, bularreko minbizi hirukoitz negatibo aurreratua duten pazienteetan, antigorputz monoklonal (Nadunolimab) baten eta kimioterapiako bi sendagairen (Gemzitabina eta Karboplatinoa) konbinazioak "jarduera anti-tumoral esanguratsua erakutsi du, segurtasun-profil onargarriarekin", CCUNko Bularreko Minbiziaren Arloko espezialista den Marta Santisteban doktoreak azaldu duenez.
Santiestebanek, saiakuntzaren koordinatzaileak, adierazi duenez, "ikerketa honetan ikusi dugu tumoreen aurkako erantzuna dagoela pazienteen % 60tan, batez beste 13 hilabeteko biziraupen globala dutenak". Ikertzaileek azpimarratu dutenez, Nadunolimab erabiltzeak "ez du toxikotasuna nabarmen handitzen kimioterapia bakarrik aplikatzearekin alderatuta", eta, beraz, bere ustez, "gaixotasun honen pronostikoa kontuan hartuta, arrisku-onura balantzea aldekoa da".
Bularreko minbizi hirukoitz negatiboa da azpimota oldarkorrena eta pronostiko txarrenekoa, eta kasu guztien % 15etik % 20ra bitartekoa da. Batez ere emakume gazteei eragiten die, eta bost urterako biziraupen-tasa % 12koa baino ez da kasu aurreratuetan.
Santistebanek azpimarratu duenez, "kimioterapiari immunoterapia gehitzeak onura moderatuak erakutsi ditu hautatutako paziente batzuen biziraupen globalari dagokionez".
Entsegua Cantargia konpainiak sustatu du GEICAM – Bularreko Minbiziaren Ikerketa programaren bidez, eta emaitzak Santistebanek aurkeztu ditu Minbiziaren Ikerketarako Amerikako Elkarteak Texasen egin duen tumore horri buruzko sinposioan.
Atropinaren eraginkortasuna
CCUNk, Madrilgo Severo Ochoa Unibertsitate Ospitaleak eta Toledoko Unibertsitate Ospitaleak gidatutako eta AEBko sinposio berean aurkeztutako beste ikerketa kliniko batek frogatu du eraginkorra dela atropina gehitzea prebentzio-tratamendu gisa, Sacituzumab Govitecan jaso duten bularreko minbizi hirukoitz negatiboko pazientengan, botika horren albo-ondorioen intentsitatea murrizteko.
Emaitzek erakusten dutenez, atropina profilaktikoak beherako larriak agertzea saihestu du, eta intzidentzia asko murriztu du gradu arin eta neurritsuetan, medikamentuaren eraginkortasunari eutsiz.
Sacituzumab Govitecan antigorputz monoklonal droga-konjugatua (ADC) da, minbizi-zelulen gainazaleko proteina bati lotzen zaio, eta, ondoren, zelulen heriotza eragiten duen agente kimioterapiko bat askatzen du. Beherakoa da medikamentu horren albo-ondorioetako bat, pazienteen erdietan baino gehiagotan agertzen da, eta larria da kasuen % 10ean.
Zure interesekoa izan daiteke
Blusa eta nesken kalejiraren ibilbidea moldatzea proposatu du Gasteizko Udalak, segurtasun arrazoiengatik
Andre Mari Zuriaren plazan hasi eta bukatuko den ibilbide zirkularra jarri du mahai gainean Udalak. Orain, kuadrillek hilabeteko epea dute proposamena aztertu eta ekarpenak egiteko.
Adituek ongi ikusten dute 16 urtetik beherakoei sare sozialak debekatzea
Psikologo eta pedagogoentzat erreferentziazko adin bat izatea onuragarria da, nahiz eta argi duten ez dela erraza izango debekua betetzea. Kalean, berriz, denetariko iritziak daude, baina askorentzat debekuak ez du arazoa konponduko.
Iraungitako txertoa jaso zuten 23 pertsonari txerto hexabalentea jarri diete berriro
Alberto Martinez Osasun sailburuak azaldu duenez, iraungitako txerto hexabalentea 29 pertsona gehiagori jarri ote zitzaien ikertzen ari dira, baina erregistroan egindako akatsak izan daitezkeela aurreratu du. Dena den, txertoen intzidentzia "bideratuta" dagoela eta orain gertaturikoa argitzea falta dela adierazi du.
Hiru pertsona atxilotu dituzte Obanosen, horietako bat larri zaurituta, etxebizitza batean izandako leherketa batean
Lehen hipotesien arabera, hiru atxilotuak leherketa eragin duen osagairen bat manipulatzen ari ziren.
Espainiako Gobernuak sare sozialetan sartzea debekatuko die 16 urtetik beherakoei
Pedro Sanchezek iragarri du Espainiak sare sozialen zuzendariak erantzule egingo dituela legez kanpoko eta gorrotozko edukiengatik.
Goiz gorabeheratsua Kataluniako Rodaliesen, zirkulazioa bi bider eten da eta
Lehen mozketa 07:10 eta 07:15 artean gertatu da; bigarrena, berriz, 08:08 eta 08:19 artean. Renfek adierazi duenez, trenak normaltasunez dabiltza dagoeneko.
38 urteko gizon bat hil da Bergaran, auto batek harrapatuta
Ezbeharra 07:15ean gertatu da, Ibarra kalean.
Auto-ilarak Bilbon, hainbat ibilgailuk istripua izan baitute Zorrotza parean
Hiru ibilgailuk talka egin dute eta ondorioz erreietako bat itxi dute. Hori dela eta, lau kilometrorainoko auto-ilarak sortu dira.
Albiste izango dira: iraungitako txertoak, San Blas eguna eta EEEa Tubos Reunidosen
Gaurkoan Orain-en albiste izango direnen laburpena, bi hitzetan.
Zaldi-probek beteko dute idi-proben lekua Abadiñoko San Blas egunean
Erroskilla eta eztarria babesteko lokarriekin batera, idi-probek leku berezia izan ohi dute sanblasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.