Gasteizko San Frantzisko eliza memoria gune izendatuko dute 1976ko martxoaren 3ko gertakariengatik
Gasteizko San Frantzisko eliza, 1976ko martxoaren 3an bost langile Poliziak tirokatuta hil zituztelako; Eibar, II. Errepublika aldarrikatzen lehena izateagatik; Mutrikuko Saturrarango kartzela, 1938 eta 1944 bitartean frankisten esku egon zen emakumeentzako espetxea; Irungo etorbideko zubia, Bidasoa ibaia zeharkatzen duena; eta San Kristobal gotorlekua, espetxe militar frankista, memoria demokratikorako gune izendatuko ditu aurten Espainiako Gobernuak.
2025 osorako egitaraua antolatu du Espainiako Gobernuak Francoren heriotzaren 50. urteurrenaren harira, eta memoria gune gehiago izendatzeko aprobetxatuko du aukera. 2022ko Memoria Demokratikoaren Legeak aurreikusten duen kategoria horretan daude jada 20 bat leku, tartean Gernikako herrigunea, eta 30 bat izendatuko dituzte aurten.
Espainiako Estatuaren "memoria demokratikoarentzat garrantzi berezia" duten lekuak edo ekitaldiak identifikatzea eta babestea da helburua.
Horrela, Eibar izendatuko dute memoria gune 1931ko apirilaren 14an II. Errepublika aldarrikatu zuen lehena izan zelako, eta Gasteiz ere sartuko dute kategoria horretan, 1976ko martxoaren 3an Poliziak, Zaramaga auzoko San Frantzisko Asiskoaren elizan, langileen asanblada bat desegin zuenean, bost langile tiroka hil zituela oroitzeko.
Besteak beste, Mutrikuko Saturrarango kartzela, San Kristobal gotorlekua eta Irungo etorbideko zubia ere izendatuko dituzte memoria gune.
Zure interesekoa izan daiteke
Azpeitiko sutean kaltetutako bi lagunei alta eman eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Orain, Udaleko teknikariek eraikinaren egoera aztertuko dute, hartu beharreko neurriak zehazteko eta sutea zerk eragin duen ikertzeko.
Aldaketak Bilboko trafikoan datorren astelehenean, Itzulia Basque Country 2026 dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak daude.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.