Noaingo eztandaren ondorioz ebakuatu zituzten 80 familia berehala itzuli ahalko dira etxera
Noaingo eztandaren ondorioz etxebizitza utzi behar izan zuten 20 ataritako 80 familiak etxera itzultzeko baimena jaso dute, arriskurik ez dagoela egiaztatu eta gero.
Sebastian Marco alkateak, Amparo Lopez Nafarroako Gobernuko Barne kontseilariak eta eta Alicia Echeverria Espainiako Gobernuak Foru Erkidegoan duen ordezkariak prentsaurrekoan azaldu dutenez, teknikariek ziurtatu dute dagoeneko "etxera itzultzea segurua" dela.
"Arazoa non egon zen ikusi da" eta "lasaitasuna" helarazi dute, "etxeetara itzultzea segurua delako", berretsi dute.
40 etxetako bizilagunak bueltatzeko baimenaren zain daude oraindik, eta horietatik zortzi, leherketatik gertuen dauden bi atarikoak, "kalte larriak" jasan dituzte. Agintariek zortzi etxebizitza horietako bizilagunak noiz itzuli ahal izango diren ez dute zehaztu.
Gainerakoak —32 bat etxebizitzatako bizilagunak— kalteak konpondutakoan bueltatuko dira, baina agintariek, kasu horretan ere, ez dute data zehatzik eman.
Bestalde, atariko fasean dagoen ikerketan gas-ihesa zuen hodia aurkitu dute, 24. atariaren inguruan. Ikuskapenak eta argazkiak egin dira, baina Espainiako Gobernuaren ordezkaria, ezohiko leherketa izan ote den galdetuta, ez da erantzuteko gai izan, ikerketak erabakitzen duenaren zain.
Kontseilariak eta Espainiako Gobernuaren ordezkariak segurtasun indarren eta larrialdi zerbitzuen arteko "koordinazioa" nabarmendu dute, "hasieratik".
Goizean, kontseilariak ziurtatu duenez, "gas enpresak ebatzi zuen ez zegoela gas isuririk", eta, beraz, "arriskurik" ere ez etxebizitzetako bizilagunak etxera itzul zitezen gauzak jasotzera.
Gas-leherketan zauritutako bederatzi pertsonatatik bostek jarraitzen dute erietxeratuta, gertakari larria jazo eta bi egunera, Nafarroako Gobernuak jakinarazi duenez. Zauritutakoen egoerari buruz egindako azken balantzean jaso dutenez, hainbat kontusiorengatik ospitalean zegoen 54 urteko gizonezkoak sendagiria jaso du gaur, asteazkenarekin. Atzo goizean beste batek, 58 urteko gizaseme batek, jaso zuen alta.
Albiste gehiago gizartea
Getxoko Areetako hondartza hustu dute lehergailu bat izan zitekeen objektu bat agertu ostean
Pertsona batek "objektu herdoildu bat" aurkitu du itsasertzean, 10:30ean, eta abisua eman du. Ertzaintzako artezilariek ezingo dute ezer egin gauean marea jaitsi arte. Hori dela eta, Ertzaintzak eta Getxoko Udaltzaingoak hondartza itxita izango dute.
Fiskaltzak zazpi urteko tratamendu psikiatrikoa eta inhabilitazioa eskatu du Kabiezeseko erizainarentzat
Alberto Martinez Osasun sailburuak ziurtatu duenez, Osakidetzak pertsona bat jarri zuen Santurtziko Kabiezes osasun zentroan txertaketak simulatzea egotzita epaitu duten erizaina "zaintzen", gertatzen ari zenaren berri izan bezain laster, lehen kexak jaso ondoren.
Robert Treviñok auzitara eraman du Euskadiko Orkestra, kaleratzeagatik
Euskadiko Orkestraren Administrazio Kontseiluak urtarrilean erabaki zuen Treviño zuzendari artistikoaren eta Roch orkestraren zuzendari nagusiaren zikloari amaiera ematea.
2023an Tolosako inauterietan foam pilotakada batek zauritutako gaztearen auzia berriz irekitzeko agindu dute
Gipuzkoako Probintzia Auzitegiak iaz artxibatutako auzia berriro irekitzeko agindu dio Tolosako Instrukzioko 1 zenbakiko Epaitegiari. Bere ustez, beharrezkoa da beste eginbide batzuk egitea Ertzaintzaren foam-pilotakada batek zauritutako gaztearen kasuan.
Hiru urteko kartzela zigorra ezarri diote entrenatzaile bati Barakaldon, hiru adingaberi sexu erasoak egiteagatik
Pauldarrak futbol taldean 20 urte zeramatzan gizonari zera egotzi diote: adingabeei sexu-erasoa egitea, exhibizionismoa eta osotasun moralaren aurkako delitua.
Barakaldon entrenatzaile baten sexu-erasoak jasan dituzten nesken abokatua: "Pozik gaude epaiarekin, ez dugu helegiterik aurkeztuko"
Bizkaiko Auzitegiak hiru urteko kartzela-zigorra ezarri dio Barakaldoko Pauldarrak futbol taldeko entrenatzaile bati, 14 eta 15 urte bitarteko lau jokalariri sexu-erasoa egiteagatik. Juan Carlos Soto salaketa jarri duten familien abokatuak azpimarratu duenez, "beste frogarik ez egon arren, epaileak sinesgarritasuna eman die adingabeen testigantzei".
Iruindarren % 52 ados daude zezenketekin, eta % 46, kontra
Zezenketak nahi dituztenen artean, % 31 erabat ados daude, eta % 20,6 ados. Ezezkoen artean, berriz, % 26,3 ez daude batere ados, eta % 19,3 ez daude ados. Herritarren % 2k ez dute gai horri buruzko iritzirik eman nahi izan.
Nobel satirikoek alkoholari buruzko ikerketa bat goraipatu dute hizkuntzak ikasteko duen paperagatik
Herbehereetako, Erresuma Batuko eta Alemaniako zientzialariek Bakearen Ig Nobel saria eskuratu dute, alkohol dosi txiki batek batzuetan atzerriko hizkuntza bat hitz egiteko gaitasuna hobetzen duela ondorioztatu duen ikerketagatik; dirudienez, alkoholak norberarengan konfiantza handitzen du.
Osakidetzak urrian hasiko ditu Basurtuko ospitaleko kanpo-kontsulten eraikin berriaren obrak
Eusko Jaurlaritzako Osasun Sailak 135 milioi euroko inbertsioa egin du 38.000 metro koadroko azalera izango duen azpiegitura berri horretan. Guztira, 175 kontsulta berri zabalduko dituzte, bi bloketan banatuta. Obra hiru urte barru amaituko dute.
9.900 eurorainoko isunak zazpi akusaturentzat, Aroztegia proiektuaren aurkako hertsapenagatik
Magistratuak akusazioek egotzitako talde kriminaleko delitutik absolbitu ditu auzipetuak; izan ere, “lekukoen eta agirien froga ugari” aztertu ondoren, ezin da egiaztatu talde kriminaleko deliturik dagoenik, horretarako “ezinbestekoa” baita adostasuna.