Noaingo alkateak esan du ez dakiela nork eman zien bizilagunei sartzeko baimena bigarren leherketa baino lehen
Sebastian Marco Noaingo alkateak gaur ziurtatu du ez dakiela nork eman zien bizilagunei euren etxeetan sartzeko baimena bigarren leherketa gertatu baino lehen, hori izan zen eztandarik handiena, nahiz eta lehenengoa ere "handia" izan, azaldu duenez. Alkateak azaldu duenez, eztandak bi puntutan jazo ziren, eta hori "arrarotzat" jo du. Gainera, bigarren leherketa "etxebizitza zehatz batean izan zen, eta erabat suntsituta geratu da", zehaztu duenez.
Marcok esan duenez, gertakaria "guztiz ustekabekoa" izan zen, izan ere, zaurituetako bi gas konpainiako langileak izan ziren, "gaia ondo ezagutzen pertsonak, eta, beraz, hartu zuten ezustekoa ikaragarria izan zen. Gertakari bitxia da", errepikatu du.
Guardia Zibilaren artezilariek, gas-konpainiako teknikariek eta Foruzaingoak kaltetutako pisuak ikuskatu dituzte gaur, gas-leherketak zerk eragin dituen argitu nahian. Guardia Zibilak gas-ihesa aipatu du hipotesi nagusitzat, eta lehergailuren baten presentzia guztiz baztertu dute.
Eztandaren ondorioz etxea galtzea "zoritxarra" eta hildakoak edo zauritu gehiagorik ez izatea "miraria" dela iritzi diote bizilagunek, astelehenean gertatutakoari buruz galdetuta.
Lehen leherketa batek, 15:35 aldera, bizilagunak etxetik atera izanak, ordu batzuk geroago, 18:00etan, bigarrena gertatu zenean, tragedia handiagoa izatea eragotzi zuen. Hala ere, denek galdetzen dute nork pentsatu zuen ideia ona zela gauzen bila etxera sartzea baimentzea, egoera benetan kontrolpean ez egon arren.
Agintariek ez dute gaiari buruz hitz egin nahi izan, eta ikerketa abian dagoela esan dute, leherketa zerk eragin zuen argitzeko eta bizilagunei etxeetan sartzeko baimena nork eman zien jakiteko.
Horren ildotik, Amparo Lopez Nafarroako Gobernuko Barne kontseilariak ikerketak gertatutakoa argitu arte itxarotea eskatu du gas-ihesaren eta ondorengo leherketaren arrazoiak eta balizko erantzukizunak zehazteko. Hala ere, arduradunen eta larrialdi zerbitzuen esku-hartze "azkarrak pertsonak babestu eta bizitzak salbatu" dituela azpimarratu du.
Leherketaren ondorioz, bederatzi pertsona zauritu ziren (sei ospitaleratuta daude oraindik, eta horietako bi zainketa intentsiboetako unitatean) eta 250 pertsona inguru etxetik atera behar izan zituzten, horietako batzuei kalte handiak eragin dizkie gertatutakoak.
Gas-ihesa antzeman eta inguruko etxebizitzak hustu eta ordu batzuk geroago gertatu zen lehen eztanda hori. Hala ere, une jakin batean bizilagunei etxeetatik gauza batzuk biltzen utzi zitzaien, eta bigarren leherketak ingurukoak zauritu ¡zituen.
Horri buruz galdetuta, kontseilariak berretsi du operazio guztia, eztanden arrazoiekin batera, "ikerketa prozesuan dagoela eta ezin dela informazio gehiago eman. Errespetu handiz jokatu behar da, kalte handiak eta ospitaleratutako pertsonak daudelako". Hala ere, ziurtatu duenez, "ez dakigu inork bizi-arriskua zegoela jakin zuenik".
"Hala izan balitz, ez zitzaiekeen utziko" bizilagunei etxebizitzetara itzultzen, ohartarazi duenez. Horregatik, "informazioarekin oso zorrotzak izatea" eskatu du. Azkenik, gas-ihesa antzeman ondoren hornidura eten zuten enpresako teknikariak bertaratu zirela "eta hasiera batean ez zegoela inolako arriskurik", gogorarazi duenez.
Zure interesekoa izan daiteke
Hantabirusa duten hiru bidaiari ebakuatu dituztela eta Herbehereetara bidean direla baieztatu du MOEk
Ontziko medikua ez dute azkenean Kanarietara eramango, bere osasunak hobera egin baitu. Munduko Osasun Erakundearen zuzendari nagusiak azpimarratu duenez, osasun publikorako arrisku orokorrak "txikia izaten jarraitzen du".
Gizakien artean kutsa daitekeen andui batekoa da gurutzaontziko hantabirus agerraldia
MV Hondius ontzian izandako agerraldiak hiru heriotza eragin ditu, eta MOErekin lankidetzan ari den laborategi baten arabera, Andes anduiari dagokio.
Maialen Mazon hiltzeaz akusatutako gizona, lagun bati: "Ederra egin dut"
Prozesu judizialak aurrera egin du, eta akusatuak krimenaren ondorengo orduetan zer egin zuen agerian geratu da: Valentziara ihes egin nahi izan zuela zehaztu dute.
Clavijok ez du nahi hantabirusak kutsatutako gurutzaontziak Kanarietan geldialdia egitea, eta Sanchezekin premiazko bilera bat egitea eskatu du
Kanarietako presidenteak zalantzan jarri du Espainiako Gobernuak ontzia Kanarietan amarratzeko hartutako erabakia, eta eskatu du kasuaren osasun-kudeaketako protokolo-aldaketari buruz azalpenak eman ditzala berehala.
19 urteko kartzela zigorra ezarri diote Jerome Verin boxeolari ohiari, Eric Courdy hiltzeagatik
2024ko uztailaren 11n, eztabaida baten ostean, Jerome Verinek eraso egin zion Eric Courdyri autobus geltoki batean, eta sei egun koma egon eta gero hil zen.
Gutxienez 21 lagunek salaketa jarri dute Arratiko Zekorrak errugbi taldeak saldutako loteria txartelen auzian
Behar baino 225 partaidetza gehiago saldu zituela aitortu du Arratiko Zekorrak errugbi taldeak eta, horren ondorioz, 80 bat lagunek ezin izan dute saria kobratu: 10.000 euro partizipazioko; 2,2 milioi euro inguru, guztira.
Bi ibilgailuk istripua izan dute Erandion, eta auto-ilarak daude BI-30 errepidean, Txorierriko igarobidean,
Ezbeharra 12. kilometroaren parean gertatu da, eta zirkulazioa murriztu behar izan dute Galdakaorako noranzkoan.
Hantabirusa agertutako gurutzaontzia Kanarietan atrakatzeko baimena eman du Espainiako Gonbernuak, eta larri dagoen medikua han artatuko dute
147 lagun daude ontzian, eta hiru hildako daude. Cabo Verden dago, eta hiruzpalau egun barru artxipelagora iristea espero dute. Bertan, larri dagoen medikua artatuko dute.
Ertzaintzak 65 urtetik gorakoen 11.976 biktimizazio erregistratu zituen 2025ean
Biktimizazio mota horretako kasuen erdiak baino gehiago 50.000 biztanletik gorako udalerrietan gertatu ziren.
Euskaltzaleon Martxak euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".