Basauriko sutean kaltetutako lau eraikinak erortzeko arriskuan daudela adierazi dute teknikariek
Atzo Basaurin su hartu zuen eraikinera eta haren ondoko beste hiru blokeetara sartu dira gaur goizean udal teknikariak eta suhiltzaileak, eta lau eraikinak erortzeko arriskuan daudela ikusi dute, Udalak jakinarazi duenez.
Atzo, ostirala, piztu zen sua, Kareaga Goikoa kaleko 5. atarian, eta 1 eta 7 zenbakidun atariei eta hutsik dagoen 3 zenbakidunari ere eragin zien. Sutearen eraginez, gizon bat hil zen, 3. solairutik behera erorita.
Gaur goizean, teknikariak suhiltzaileen eskailerak erabilita sartu behar izan dira eraikinetara, atarietako eskailerak oso egoera txarrean geratu baitira.
Hori dela eta, eraikinen egitura sakon aztertu ostean, lau eraikinak kolapsatzeko arriskua dagoela adierazi dute.
5. atariko bizilagunak ezingo dira etxera itzuli, eta, momentuz, ezta 1. eta 7. atarikoak ere, erretako eraikinaren egitura arriskutik kanpo dagoela bermatu arte. Hala ere, azken horiei txandaka sartzen utzi diete, suhiltzaileek lagunduta, premiazko gauzen bila, Udalak azaldu duenez.
Guztira 33 laguni eragin die ezbeharrak, hotel batean eman diete ostatu, eta "aldi baterako bizitoki-irtenbidea" bermatuko diete, etxera itzultzeko modurik ez duten bitartean. Alkatea Etxebizitza Sailarekin harremanetan dago "etorkizunera begira irteera bateratua" aurkitzeko.
Sua zerk piztu zuen ez dute oraindik argitu. Astelehenean berriz sartuko dira eraikinetara udal teknikariak, suhiltzaileak eta Ertzaintzako agenteak, sutea zerk piztu zuen argitzeko aztarnaren baten bila.
Eraikinaren egoera "desegokia" dela-eta Udalak azaldu duenez, jabetza pribatukoak dira eta etxejabeek dute "euren etxebizitzak egoera onean mantentzeko eta degradazioa saihesteko ardura".
Era berean, azpimarratu du azken urteetan jabeei eskatu zaiela "eskatutako gutxieneko hobekuntzak eta konponketak egiteko, higiezinak hiri-antolamendutik kanpo baitaude".
Ezer egiten ez zenez, Udalak, Hiri Antolamenduko Plan Orokorraren (HAPO) aldaketa zehatz baten bidez, orube hori udal-jabetzako beste orube bati lotzea erabaki zuen, hirugarren bati saltzea ahalbidetzeko.
Sutearen eraginez kaltetu diren eraikin horiek bota, ingurua urbanizatu eta 94 etxebizitza eraikitzeko asmoa zuten.
Bizilagunek, bestalde, gertatutakoa saihesteko ezer egin ez izana egotzi diote Udalari. "Eraikina egoera oso txarrean zegoen, ez zegoen bertan bizitzeko moduan, baina behin eta berriro kexatu garen arren, inork ez du ezer egin", esan du auzoko batek ETBko mikrofonoen aurrean.
"Oso etxebizitza zaharrak dira, eta askotan gertatzen dira gauzak. Inork ez du ezer jakin nahi, eta alkateak entzungor egiten du", adierazi du beste bizilagun batek.
Halaber, gogora ekarri dute duela hilabete inguru beste sute bat izan zela, eta aldamio bat jarri zutela bertan aspaldi, eraikinetako baten aurrealdea erortzeko arriskuan zegoelako.
Albiste gehiago gizartea
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.