Cadizko inauterietako epaimahaiak txirigota negazionista kanporatu du, ahal baino kide gehiago zituen eta
"Abre los ojos" txirigota negazionistaren inguruan sortutako polemikaren ondotik, Cadizko inauterietako epaimahaiak taldea kanporatu egin du kopla txapelketak baimentzen duen kide kopurua gainditzeagatik.
Cadizko inauterietako araudiaren arabera, gehienez ere 12 pertsona egon daitezke aldi berean oholtzan. Katy Balberrek zuzendu eta Oscar Terolek aurkeztu zuen "Abre los ojos" txirigotak 13 alditan gainditu zuen kopuru hori, eta debekatuta egon arren figuranteetako batek aldi horietan guztietan abestu zuen.
Txirigota horren emanaldiak hautsak harrotu ditu Cadizen. Zenbaitek uste dute oholtzara igo aurretik talde guztien errepertorioa berrikusi behar dela, beste batzuk, ordea, aurkezten diren guztien artean aukeraketa bat egitearen aldekoak dira.
Bestalde, epaimahaiari esku hartzeko botere handiagoa ematea defendatu du Cadizko Inauterietako Egileen Elkarteak, igandekoa berriz gerta ez dadin.
Txistuak eta oihuak "Abre los ojos" txirigotaren abestiak entzutea galarazteko
Cadizko inauterietako taldeen lehiaketa ofizialeko (COAC) publikoak galarazi egin zuen, zarataka, "Abre los ojos" txirigotaren abestiak entzutea. Oscar Terol euskal umoregileak aurkeztutako txirigotak iragarria zuen klima aldaketaren eta txertoen aurkako mezu negazionistak zabaltzeko asmoa zuela.
Publikoak gogo txarrez hartu zuen atzo plazaratutako ikuskizuna; izan ere, ikus-entzuleek iritzi zioten interpretazioaren, musikaren eta eszenografiaren maila ez zela lehiaketari zegokiona, eta segituan hasi ziren oihuka eta ozen abesten.
Publikoak behin eta berriz eskatu zion epaimahaiari emanaldia etenarazi zezan, baina egungo araudiak, aurrekoak ez bezala, ez du jasotzen emanaldia eteteko aukera segurtasun arazoengatik edo bestelako premiazko egoera batek eraginda ez bada.
Taldeak aitortu zuen ez zela lehiaketaren kantu eta interpretazio mailara iristen, baina azaldu zuten barne boikot bat jasan zutela, kideetako batzuek lehiaketa baino egun batzuk lehenago taldea utzi zutelako.
Taldeak ikuskizuna amaitu zuen, entzuten ez bazen ere, baina gitarra-jotzaileetako batek alde egin zuen amaitu baino lehen, eta kide gazteenak, neska adingabe batek, negarrez amaitu zuen.
Txirigotak antzokitik atera zenean ere jaso zituen desadostasun oihuak.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.