Verdeliss influencer nafarrak gertu du erronka erraldoia: 5 maratoi irabazi ditu, 5 egunetan, jarraian
Verdeliss influencer nafar ezagunak aurrerapausoa eman du gaur atletismoaren munduan historia egin eta bere epopeia handia burutzeko. Izan ere, 7 egunetan jarraian eta 7 kontinentetan 7 maratoi korritzea du erronka, eta orain arte 5 egin ditu. Eta 5ak irabazi, gainera!
Estefania Unzu (hori da haren benetako izena) atletak Madrilen, Jarama zirkuituan, lortu du gaur 5. garaipena, mundu osoko 65 korrikalariren aurka lehiatuta.
Verdelissek 39 urte ditu eta 8 seme-alaba dauzka. Haren erronka handi honek helburu solidarioa du: Claudia 6 urteko ume murtziarrak pairatzen duen gaixotasun arraroa (Menke-Hennekam sindromea) ikertzeko dirua lortzea. Misioa abiatu baino lehen, EITBren mikrofonoen aurrean azaldu zuen erronka:
CONTENIDO NO ENCONTRADO
Verdeliss gaur bertan iritsi da Madrilera Dubaitik, atzoko maratoian parte hartu eta gero. Aldez aurretik, Antartidan, Lurmutur Hirian (Hegoafrika) eta Perthen (Ozeania) ere eskuratu ditu garaipenak.
Orain, bi maratoi besterik ez zaizkio falta: bihar Fortalezan (Brasil) izango da, eta etzi, Miamin (AEB). Horrenbestez, Amerikako bi hemisferioetan egingo du korrika hurrengo bi egunetan.
"Naturaren legeen aurka ari naiz borroka egiten. Gorputzak atseden hartzeko eskatzen dit, maratoi bat bestearen atzetik ari naiz egiten. Film batean egotea bezalakoa da hau. Gorputza muturrera eraman dut, baina oraingoz eutsi egiten diot erronkari", adierazi du Unzuk, gaurko maratoia hasi aurretik.
Gaur sari berezia izan du Madrilen: bikotekidea eta zortzi seme-alabak (3 eta 19 urte artekoak) zain izan ditu, babesa emateko.
"Ametsa da. Nire historia idazten ari naiz. Haientzat eredu izan nahi dut, ikus dezaten ametsak lortzeko lan egin behar dela, baina ondoren saria badagoela", nabarmendu du, hunkituta.
Gaixotasun arraroa duen umearen ama, Georgina, Madrilera joan da gaur, babesa ematera. "Guretzat, oso lagungarria izan daiteke Verdeliss egiten ari dena", esan du. 270.000 euro behar dituzte, hain zuzen ere, Menke-Hennekam sindromea aztertzeko ikerketa aitzindari bat gauzatu ahal izateko.
Iaz, Unzuk beste erronka bat lortu zuen, 12 hilabetetan 12 maratoi korritzea. Oraingoan, are zailago izango du.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.