Donostiako suteak etxetik aterarazi zituen bizilagun ia guztiak gaur itzuli ahal izango dira etxera
San Martzial kaleko 8. atariko eta Etxaide kaleko 6.eko bizilagun ia guztiak gaur bertan itzuli ahal izango dira etxera, Donostiako Udalak ohar baten bidez jakinarazi duenez.
San Martzial kaleko eraikinaren kasuan, bizilagun guztiak itzuli ahal izango dira, 4C eta 5C etxebizitzetako bizilagunak izan ezik.
4C etxebizitza zigilatuta geldituko da, eta bakarrik garbiketa eta eskoramendu lanak egingo dituzten beharginak sartu ahal izango dira, betiere, beharrezkoak diren EPIak erabilita.
Era berean, 5C etxebizitza ere zigilatuta geldituko da, behin jabeek behar dituzten gauzak hartu ondoren.
Etxaide kaleko 6. atariko etxebizitza guztietako bizilagunak itzuli ahal izango dira, 5. eskuina eta 6. eskuina barne, kalteak jasan dituen patioaren ondoko bi etxebizitzak barne, alegia. Hala ere, suak kaltetutako gelak ezingo dira erabili, segurtasun-baldintzak bermatzen diren arte.
Donostiako Udalak adierazi duenez, Udaleko Gizarte Zerbitzuek bazekiten asteazkenean su hartu zuen etxean Diogenes sindromea duen pertsona bat bizi dela, eta haren jarraipena egiten ari ziren.
Asteazkeneko 16:30 baino lehentxeago piztu zen sua San Martzial kaleko eraikin horretan, barruan inor ez zegoela. Garbiketa-lanak egiten ari ziren, barruan objektu asko baitzeuden gordeta, "batez ere zaborra", EFEri adierazi ziotenez.
Gaur lanean jarraitu dute etxebizitzan pilatutako material eta zabor guztia ateratzeko, baina suhiltzaileek alde egin dute jada.
Suteak kalteak eragin ditu gutxienez hamar etxebizitzatan, eta horietako sei "nahiko hondatuta" daude, Martin Ibabe Herritarren Segurtasunerako zinegotziak ostegunean azaldu zuenez. Su hartu zuen etxeko gela batzuetan zaborra atearen parera iristen zen ia, eta suhiltzaileek ezin izan zuten bertara sartu.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.