Identitatea ordezkatu diotela salatu du sareetan zabaldutako mezuengatik ikertutako EHUko irakasleak
Sare sozialetan zabaldutako mezuengatik ikertutako EHUko Farmazia fakultateko irakasleak identitatea ordezkatu diotela salatu du, eta, hortaz, ez omen da mezu horien egilea. Are gehiago, pasa den ostiralean Ertzaintzara jo zuen identitatea ordezkatu diotela eta sare sozialetako kontuak lapurtu dizkiotela salatzeko.
EHUk gaur ohar bidez jakinarazi duenez, pasa den ostiralean Errektoretza Taldeak barne prozedura bat abiarazi zuen Ikasle Kontseiluak eta Ikamak egindako kexa formalari "berehalako erantzuna" emateko. Zehazki, Arabako Campuseko irakasle batek mezu faxista, arrazista, transfobo eta frankistak argitaratu zituela salatu zuten.
"Unibertsitateko komunitate osoaren interesak defendatzeko, lehen urratsa bitartekaritza lana abian jartzea eta kasua ikertzen hastea izan zen", gehitu du EHUk.
Euskal Herriko Unibertsitatearen arabera, iIrakasleak, "hasiera-hasieratik", adierazi du ez dela mezu horien egilea eta gertatutakoa "eraso zibernetikotzat" jo du.
Ikertutako irakasleak EHUko Errektoretza Taldeari eta Farmazia Fakultateko Dekano Taldeari jakinarazi dionez, iragan ostiralean aurkeztu zuen salaketa Ertzaintzaren aurrean.
Halaber, nabarmendu du izena erabilita idatzi diren iruzkinen aurka dagoela eta barkamena eskatu du sortutako "ondoezagatik".
Era berean, honakoa adierazi du: "Jakinarazi nahi dizuet eraso honek ez duela inolako loturarik gure erakundean sustatzen ditugun balioekin, ezta egiten ditugun jarduera akademikoekin ere. Erasoa nire kontrolpetik guztiz kanpokoa izan da, eta biziki sentitzen dut horrelako gertaerek, nire borondatetik kanpo daudenek, zuen artean eragozpenak eta nahasmena sortu izana".
Zure interesekoa izan daiteke
Gizon bat atxilotu dute Bilboko Zorrotza auzoan, bi edukiontzi erretzea egotzita, eta beste zortzi erre ote dituen ikertzen ari dira
Atxilotuak bi edukiontzi erre dituela aitortu du. Manipulatutako metxero bat zeraman atxilotu duten unean, sua bizkortzeko asmoz.
Angulen legez kanpoko trafikoaren aurkako operazioa 10 atxiloturekin eta 400 kilo atzemanda amaitu da
Guardia Zibilak eta Jendarmeriak elkarlanean egindako operazioan, Gipuzkoan eta Iparraldean aritzen zen talde bat desegin dute.
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.
Arrazismoaren aurkako martxa batek "faxismoaren gorakada" eta "zigorgabetasuna" salatu ditu Bilbon
Arrazagatiko Diskriminazioa Ezabatzeko Nazioarteko Eguna dela eta, ehunka pertsonak bat egin dute larunbat honetan Arrazakeriaren aurkako Bilboko M21 Asanbladak deitutako manifestazioarekin. "Faxismoaren gorakada" salatu, eta "talde neonazi eta supremazisten" jarduera eta diskurtsoen "zigorgabetasunaz" ohartarazi dute. 12:00ak jota zirenean hasi da martxa, Mariaren Bihotza plazan, eta San Frantzisko kalea Zabalbururaino zeharkatu eta gero, Bilboko udaletxearen aurrean amaitu da, manifestu bat irakurrita.
Edukiontziak erre dituzte bart Getxon eta Bilbon, eta ikerketa zabaldu du Ertzaintzak
Getxoko Areeta auzoan, 12 edukiontziri eman diete su, eta Bilboko Zorrotza auzoan, 3 erre dituzte. Ikerketa abiatu dute, eta Getxoko Udaltzaingoa susmagarri bat identifikatzeko lanean ari da jada.
Durango, Palestinaren alde
Musikari ez ezik, bertsolariei eta umoregileei ere ireki die leihoa Oihu bat Palestinara jaialdiak; izan ere, Maialen Lujanbio, Amets Arzallus, Txaber Altube eta Nerea Ibarzabal bertsolariek eta Antton Telleria eta Asier K. bakarrizketariek hartu dute parte.
Nafarroako Erribera luze-zabalean zeharkatuta, Iruñerako bidea hartuko du gauerdian Korrikaren lekukoak
13:23an iritsiko da igandean Korrika Nafarroako hiriburura, bere laugarren egunean. Euskararen aldeko pausoek Erribera hartu dute larunbat honetan, korri eginez eta euskaraz bizitzeko aldarria ahotan.
Ehunka lagun elkartu dira Bilbon, "Kuba bizirik. Blokeorik ez!" lelopean
Hegoak plataformak deituta, Kubaren aldeko elkarretaratzea egin dute gaur eguerdian Bilboko Areatzan, "EBk ezarritako itolarri ekonomiko eta energia blokeo politika arbuiatzeko". Habanara iritsiko den konboi solidarioaren alde ere agertu dira. Bilbon bezala, Iruñean ere mobilizatu dira plataforma horrek deituta.
47 urteko gizon bat atxilotu dute Ermuan, anaia sastatzea egotzita
Erasoa 06:00ak aldera gertatu da, San Pelaio auzoko etxebizitza batean. 46 urteko biktima larri eraman dute ospitalera, gorputzeko hainbat lekutan zauriak baitzituen.