Errekaldeko gaztetxea husteko istiluetan gazte bat nola zauritu zen argitzeko ikerketa abiatu du Ertzaintzak
Ertzaintzak barne-ikerketa abiatu du Bilboko Errekalde auzoko Etxarri II gaztetxea husteko lanetan ostegunean izandako istiluetan gizon gazte bat nola zauritu zen argitzeko.
Gaztetxearen sustatzaileek ohar baten bidez adierazi dutenez, ertzain batek foam-balaz tiro eginda zauritu zuen. Zauritua Basurtuko Ospitalera eraman behar izan zuten, eta larrialdiko ebakuntza egin behar izan zioten.
ETBk zauritutako gizonarekin hitz egin du larunbat honetan. Iker Arana Iralako 33 urteko bizilagunak ETBri azaldu dionez, tiroaren ondorioz, barrabiletako bat galdu du, eta medikuen txostenaren zain dago ertzain-etxean salaketa jartzeko.
Segurtasun Sailaren esanetan, barne-ikerketa hasi du gazte hori "Ertzaintzak zauritu zuen argitzeko". Sailetik azaldu dutenaren arabera, ikerketa ostiralean abiatu zuten, "komunikabideen bidez gertaeren berri izan bezain laster", orain arte ez baitago salaketarik erregistratuta.
Ostegun gaueko bederatziak jotzeko minutu batzuk falta zirenean hasi ziren istiluak. Ertzainak gaztetxea zaintzen ari zirenean, biharamunean, ostiral goizean, epailearen aginduz gaztetxea hustea aurreikusita zegoelako, "kaputxadun batzuek botilak, material piroteknikoa eta beste objektu batzuk jaurtiz eraso zieten", Sailaren komunikatuan adierazi dutenez.
Liskar horietan, Ertzaintzak lau gazte atxilotu zituen agintaritzaren aurkako atentatua egotzita. Hamabost agente eta hainbat manifestari zauritu ziren istiluetan.
Desordena publikoetan, edukiontziak zeharkatu zituzten kalean, eta seiri su eman zieten. Bilboko Udalaren arabera, kalte materialak 6.000 eurotik gorakoak dira.
Albiste gehiago gizartea
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Muturreko beroa izango dugu gaur eta bihar
Abisu horia ezarri dute ostiralera arte; tenperaturak oso altuak izango dira, 27 eta 35 gradu artekoak.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.