Arrebaordeari sexu-erasoa egin eta bortxatu zuen gizonak hamabi urteko kartzela-zigorra bete beharko du
Nafarroako Auzitegiko Bigarren Sekzioak 12 urteko kartzela zigorra ezarri dio arrebaordeari sexu erasoak egin zizkion gizonezko bati; 2020ko martxoan eta apirilean bortxatu eta ukituak egin zizkion indarrez, Iruñean elkarrekin bizi ziren etxean.
Epaia asteazken honetan jakinarazi dute, eta helegitea jar diezaiokete. Ondorioz, kondenatua, behin-behineko askatasunean zegoena, kartzelan sartu dute, ihes egiteko arriskua zegoelako.
Auzitegiaren arabera, biktimaren deklarazioa "guztiz sinesgarria" izan zen. Emakumeak, gaineratu duenez, "modu zehatz, sinesgarri, koherente eta kontraesanik gabean, kontakizuneko aldeen arteko beharrezko konexio logikoa mantenduz" eman zuen lekukotza.
Horrez gain, auzitegiak uste du ez dela frogatu faltsukeriarik, erresuminik, mendekurik, etsaitasunik ezta biktima salaketa aurkeztera eraman duen bestelako arrazoi ez-zilegirik dagoenik ere. Izan ere, salaketa jartzeak arazoak ekarri zizkion, besteak beste, aitarekin harreman oro galtzea.
Epaiaren arabera, erasotzaileak ezingo du biktimarekin komunikatu, ezta harengana hurbildu ere, 200 metro baino gutxiagora, 15 urtez, eta, gainera, zaintzapeko askatasun neurria bete beharko du, askatasunaz gabetzeko zigorraren ostean gauzatu beharrekoa, hori ere 15 urtekoa.
Erantzukizun zibil gisa, salaketa jarri duen emakumeari kalte-ordaina emango dio: 25.000 euro, eragindako kalte moralagatik, eta 855 euro, eragindako lesioengatik.
Zure interesekoa izan daiteke
Joko areto baten kontra protesta egiteagatik auzipetutako Sopelako lau gazteen kontrako epaiketa atzeratu dute, datarik gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Gizon batek bikotekidea hil du Pontevedran
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Guardia Zibila gizonaren bila ari da atxilotzeko.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.