Kokaina banatzen zuen sare bat desegin eta bost pertsona atxilotu dituzte Nafarroan
Nafarroan, Tarragonan eta Cambrilsen (Tarragona) droga banatzen zuen sare bat desegin dute Foruzaingoak eta Guardia Zibilak, elkarlanean. Guztira, bost pertsona atxilotu dituzte Nafarroan —horietako hiru espetxeratu egin dituzte— eta 21 kilo kokaina atzeman. Konfiskatutako droga horrek 2,5 milioi euroko balioa luke merkatuan.
Foruzaingoak eta Guardia Zibilak zabaldutako informazioaren arabera, 21 kilo kokainaz gain, haxixa, speeda, 48.000 euro eskudirutan, gama altuko 4 ibilgailu (horietako bi 200.000 eurotik gorako baliokoak), 8 telefono mugikor eta 2 eskopeta.
Pasa den urteko ekainean Foruzaingoak gizon bat atxilotu zuen Tuteran, soinean 338 gramo kokaina zeramatzala. Epailearen aurretik igaro ostean, espetxean sartu zuten.
Hari horri tiraka, foruzainek egiaztatu zuten Katalunian finkatutako talde kriminalak kokaina kantitate handiak banatzen zituela, bereziki, Nafarroako Erriberan.
Ikerketan zehar baieztatu zuten Cambrils (Tarragona) udalerrian bizi zen gizon batek droga kantitate handiak garraiatzen zituela errepidez, droga ezkutatzeko sistemak erabilita.
Sarearen kideak identifikatu eta horiek atxilotzeko dispositiboak martxan jarri zituzten. Horietako batean gizon bat atxilotu zuten Zuastiko ordainlekuan (AP-15), gidatzen zuen ibilgailuan 14 kilo kokaina ezkutatuta zituelako.
Atxilotuaren Cambrilseko eta Tarragonako bi etxebizitzatan egindako miaketatan eskudirua eta telefonoak aurkitu zituzten.
Egun gutxira, taldeko beste kide bat atxilotu zuten Tuteran. Horren eginbeharra kokaina Erriberan eta inguruko tokietan banatzea zen.
Gerora pabiloi batean egindako miaketan 7 kilo kokaina, 43.000 euro, gama altuko bi ibilgailu eta bi eskopeta konfiskatu zituzten.
Azkenik, beste bi pertsona atxilotu zituzten Imarkoainen eta Corellan; sarean pisu txikiagoa zuten.
Albiste gehiago gizartea
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.
CIC bioGUNEren ikerketa batek gibeleko minbizi arraro eta oldarkor bat tratatzeko bide berri bat aurkitu du
Aurkikuntzek iradokitzen dutenez, zelulen barruan magnesioa garraiatzeaz arduratzen den CNNM4 proteinaren blokeoak tratamendu zuzen, seguru eta eraginkorra eskain lezake, minbizi horren aurkako terapia pertsonalizatuetarako bide berriak irekiz.