Langile bat hil da Bilbon, eraikin bateko teilatutik erorita
61 urteko langile bat hil da ostegun honetan Bilbon, eraikin bateko teilatuan mantentze-lanak egiten ari zela erorita, EITB Mediak jakin ahal izan duenez.
Lan istripua 10:30 aldera izan da, Jose Maria Ugarteburu, Arabella auzoan, eta bertaratu diren osasun-langileek beharginaren heriotza baino ez dute baieztatu.
Horrekin, lau dira aste honetan Hego Euskal Herrian lan istripuz hildako pertsonak: Atxondon, AHTko obretako langile bat, Amurrioko Tubos Reunidoseko beste bat eta Nafarroan, Andosillan, obra batean lanean ari zen Calahorrako bizilagun bat.
LABek "ikuskapen kanpaina erraldoia" martxan jartzea eskatu du
LAB sindikatuak salatu duenez, lan-heriotzek "joera larria" dute Euskal Herrian egun gutxitan lau behargin hil ostean, "bi piezek zanpatuta eta beste bi altueratik erorita".
Horren ildotik, "aurrekaririk gabeko ikuskapen kanpaina erraldoi bat" martxan jartzeko eskatu du, "hiltzen gaituen patronalaren inpunitatearekin amaitzeko".
LABek, ohar baten bidez, elkartasuna eta babesa adierazi die gaur goizean Bilboko etxe bateko teilatutik erorita hildako langilearen senideei, lagunei eta lankideei.
Sindikatuak azpimarratu duenez, istripu horiek "prebentzio neurri xumeekin ekidin zitezkeen", eta heriotza horiek "prebentzio neurriak ez betetzea guztiz ohikoa den zantzu" direla salatu du. "Patronal honi ezin zaio minutu bakar batez ere inpunitateaz gozatzen utzi", nabarmendu du.
Ildo horretan, Imanol Pradales lehendakariari eta Maria Chivite Nafarroako presidenteari dei egin die "premiazko" Gobernu Kontseiluak deitzeko, "CEN eta Confebask patronalei erantzukizuna eskatzeko eta premiazko neurriak hartzeko".
Azkenik, LABek iragarri du bihar, ostirala, Bilbon, astelehenean AHTren lanetan hildako beharginaren heriotza salatzeko intersindikalak egingo duen elkarretaratzean, heriotza berri hori ere salatuko dutela, eta bertan parte hartzeko deia egin du.
Zure interesekoa izan daiteke
Ikerketa batek melatoninaren kontsumo luzea bihotz gaixotasunen bat izateko arriskuarekin lotu du
Amerikako Bihotzaren Elkarteak aurkeztutako lan batek eztabaida sortu du adituen artean, iradoki baitu urtebete baino gehiagoz melatonina-gehigarriak hartzeak bihotz-gutxiegitasuna izateko arriskua areagotu dezakeela. Espezialistek lasaitasunerako deia egin dute, eta gogorarazi dute farmazietan errezetarik gabe saltzen diren produktuak ez direla bi miligramotik igotzen.
Abisu horia baso-sute arriskuagatik EAEn
Abisua indarrean egongo da asteartean eta asteazkenean, hegoaldeko haize-bolada bortitzak aurreikusten direlako.
Gaur hasiko da Bizkaiko DYAko presidente ohiaren aurkako epaiketa, 4,75 milioi euro bereganatzea leporatuta
Fiskaltzak 7 urteko espetxe zigorra eskatu du Fernando Izaguirrerentzat.
21 urteko gizonezko bat atxilotu dute Gasteizen, bikotekideari eraso egin eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Asiar liztorra, espezie inbaditzaile eta kezka eragilea
Bi astean hiru pertsona hil dira Galizan asiar liztorrek ziztatuta. Horrek espezie inbaditzaileak eragiten duen kezka areagotu egin du Euskal Herrian ere. Zer egin beharko genuke asiar liztorren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu horri aurre egiteko.
Taldean egindako eraso faxista eta LGTBIfobiko bat salatu dute Gorraizko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak kritikatu du Eguesibarko Udalak irailean gertatutako erasoaren aurrean deus ere ez esan izana.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.
Hizkuntza Ofizialen Kontseilu berria eratu da, "forma eta funtsa" aldatuta
Osaera berria izango du, eta berritasun nagusienetako da kontseilura batuko direla autonomia erkidegoetako hizkuntza politiketako ordezkariak.