Albiste izango dira: EITB Data, omenaldia lehen Eusko Jaurlaritzari eta Cerdan auzia
Honako gai hauek hartuko dituzte gaur, 2025eko ekainaren 16an, hedabideetako lerroburu nagusiak:
- EITB Data: Lehenengo Eusko Jaurlaritza abian jarri zenetik igaro diren 45 urteetan euskal gizarteak izan dituen aldaketak aztertu ditu azken EITB Data azterlanak. Horren arabera, Euskal Autonomia Erkidegoko biztanleria % 3,7 hazi da, jaiotza-tasak behera egin arren etorkin kopurua hazi egin delako. Osasun publikoak bilakaera handia izan du azken lau hamarkadetan. 1983an, Osakidetza sortzeko legean onartu zen, eta estaldura zabalduz joan da ordutik, unibertsala izan arte, eta baliabideak nabarmen indartu dira. Euskararen ezagutzak gorakada handia izan du azken lau hamarkadatan eta euskaraz hitz egiteko inolako gaitasunik ez dutenen kopurua % 27ra jaitsi da. Azkenik, euskal gizartearen hezkuntza mailak nabarmen egin du gora urteotan.
- Omenaldia lehen Eusko Jaurlaritzari: Ekainaren 16 hau egun garrantzitsua da Jaurlaritzarentzat, Carlos Garaikoetxea lehendakariaren karguaren zinaren eta estatutu garaiko lehen Eusko Jaurlaritzako Gobernu Kontseiluaren lehen bileraren 45. urtemuga baita. Hori dela eta, diktadura osteko lehen Eusko Jaurlaritza omentzeko ekitaldia egingo du astelehen honetan. Imanol Pradales buru izango duen ekitaldia Ajuria Enean izango da, eta eitb.eus atariak zuzenean eskainiko du 12:00etatik aurrera. Carlos Garaikoetxea lehendakariak eta bere gobernuko kide izan ziren Pedro Miguel Etxenike, Javier Lasagabaster eta Pedro Luis Uriarte sailburuak ekitaldian izango dira, baita hildako sailburuen senideak ere.
- Cerdan auzia: PSOEren Batzorde Exekutibo Federalak bilera egingo du astelehen honetan, eta Santos Cerdan orain arte Antolakuntza idazkaria izandakoak dimisioa eman ondorengo lehena izango da. Esandakoa betetzen badu, Cerdan PSOEko Antolakuntza idazkari ohiak astelehenean egingo dio uko bere diputatu aktari.
Albiste gehiago gizartea
Osakidetzan inbertsioa areagotzearen garrantzia azpimarratu du arartekoak, hiritarren kexen aurrean
Ines Ibañez de Maeztuk Osasun Itunaren ostean hartuko diren neurrien esperoan dagoela adierazi du, egoera hobetuko dutenaren itxaropenarekin. "Etxebizitza eskubidearen eraginkortasuna bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.
Orexa, estaldurarik gabe jarraitzen duen herria
Gipuzkoako Orexa herriak Europako zati batek jasandako itzalaldiaren ondorioak pairatzen jarraitzen du: estaldurarik gabe daramatzate zazpi aste. Movistar konpainiak ez die irtenbiderik ematen eta inpotentzia da nagusi herrian.