Eusko Jaurlaritzak onartu du Onkologikoa Osakidetzan integratzea
Donostiako osasun-zentroa ekainaren 30ean sartuko da ofizialki Euskal Osasun Zerbitzuan, Euskadin arreta onkologikoa indartzeko funtsezko urrats gisa.
Gobernu Kontseiluak Onkologikoa Osakidetza osasun-erakunde publikoan titulartasun publikoko baliabide gisa integratzeko dekretua onartu du gaur. Integrazioa datorren ekainaren 30ean gauzatuko da, gaur baliozkotutako dekretua Euskal Herriko Agintaritzaren Aldizkarian argitaratzearekin batera. Dekretu horretan, osasun-zentro hori Euskal Osasun Zerbitzuaren sarean organikoki eta funtzionalki txertatzeko baldintzak ezartzen dira.
Alberto Martinez Osasun sailburuak azpimarratu du oso urrats garrantzitsua dela Donostia Unibertsitate Ospitalea onkologiako mugaz gaindiko erreferentzia-zentro bihurtzeko, batez ere 2027an protonterapia-taldea martxan jarri ondoren. Helburua osasun-estaldura espezializatua eskaintzea da, ez bakarrik Gipuzkoarako, Bizkairako eta Arabarako, baita Nafarroa eta Iparralderako ere.
Integrazioaren bidez, gaur egun Onkologikoan lan egiten duten 297 pertsonen lan-eskubideak subrogatuko dira. Horietatik 232 langile finkoak dira, eta Donostialdeko ESIan sartuko dira, indarrean dagoen hitzarmenaren baldintzen arabera. Subrogazio horretatik kanpo goi-zuzendaritzako kontratuak eta hitzarmenetik kanpoko banakako akordioak geratuko dira.
Sailburuak eskerrak eman dizkie prozesua amaitzen lagundu duten pertsona guztiei. 2024ko urrian berrekin zitzaion, profesionalei entzuteko prozesu baten ondoren. Nabarmendu duenez, integrazioak aukera emango du Euskadiko onsasun-zerbitzuetako garapenean horizonte bat irekitzeko eta euskal osasun-sistema onkologiaren nazioarteko esparruan kokatzeko.
Albiste gehiago
"Bruce Springsteenek garrantzi berezia eman nahi izan dio euskarari Donostiako bi kontzertuetan"
Amaia Ispizua Get In enpresako promotoreak Bruce Springsteenek Anoetan interpretatu dituen bost abesti euskaratu ditu. "Askatasunaz hitz egiten duten abestiak dira, eta Trumpen administrazioa hartzen ari den ildoaren aurkakoak dira", adierazi du Ispizuak.
Euskarak BAME azterketan nola puntuatuko duen aztertzen ari da Osasun Ministerioa, baina "ez da aurretiazko baldintza izango”
Gainera, hizkuntzak ez du BAME azterketako baremazioa aldatuko, Monica Garcia ministroak Kongresuko Osasun Batzordean esan duenez.
Kamioi batek su hartu du AP68 errepidean, Zuian
Autoak zeramatzan kamioi batek su hartu du AP68an, Zuian, Zaragozarako noranzkoan. Arabako suhiltzaileak bertaratu dira eta errepidea itxita dago oraindik. Trafikoko zuzendaritzak azaldu duenez, auto-pilaketak daude.
Sexu-esplotazioko sare batean zeuden 12 emakume askatu dituzte Euskadin
Polizia Nazionalak sei autonomia-erkidegotako prostituzio-etxeetan emakumeak sexualki esplotatzen zituen erakunde kriminal bat desegin du, besteak beste, Euskadin. Askatutako 18 biktimak —12, Euskal Autonomia Erkidegoan— Kolonbian erakarri zituzten, lan egingo zutela zin eginda, gezurra esanda. Proposamen faltsua onartutakoan, 8.000 euroko zorra zuten esplotatzaileekin, eta prostituzioan jardunez kitatzera behartzen zituzten. Bost atxilotu daude —hiru Bilbon eta bi Gijonen—, horietako bi behin-behineko espetxealdian sartu dituzte, eta sei etxebizitza itxi dituzte.
Lau pertsona atxilotu dituzte sei probintziatako supermerkatuetan 36 lapurreta egiteagatik
Lapurretak 2024ko uztailetik 2025eko apirilera bitartean egin ziren Burgos, Kantabria, Gipuzkoa, Nafarroa, Araba eta Bizkaiko hainbat supermerkatu-katetan.
Arabako Auzitegiak gizon bat epaituko du asteazken honetan, emaztea eta bien alaba adingabeak behin baino gehiagotan bortxatzea leporatuta
Fiskaltzaren eta akusazio partikularraren arabera, gizonak tratu txarrak ematen zizkion emakumeari eta behin baino gehiagotan bortxatu zituen bikotekidea eta bi neskatoak.
Hilketa matxista: gizon batek bikotekidea hil du Getafen
Gertakariak Madrilen jazo dira. Bizilagunek Poliziari ohartarazi diotenez, gizonezko bat oihuka ari zen, emaztea hilko zuela ohartaraziz.
Artolazabalek gaitzetsi egin ditu Gasteizko lorezainen grebaren testuinguruan jasan dituen "erasoak"
Azken protesta San Joan jaien bueltan gertatu da, bart: lorezainek Beatriz Artolazabalen aurpegidun panpina bota dute Judimendi auzoko sutara. Gasteizko Udalak dagoeneko adostu du gaitzespen testua bozeramaileen ezohiko batzordean; ez da aho batez adostu, baina, EH Bilduk ez baitu ekintza gaitzetsi. "Isilik daogena ere erruduna da", adierazi du Artolazabalek.
Hernaniko alkateak esan du "lintxatu behar zuten" pertsona bat babestu zutela
Istiluak izan dira bart, Hernanin, hainbat talderen artean. Borrokak izan dira, eta Ertzainei objektuak jaurti dizkiete. Segurtasun Sailak adierazi du lagun bat atxilotu dutela.