2,1 milioi ibilgailuk baino gehiagok zeharkatuko dituzte euskal errepideak gaur abiatuko den trafiko operazio berezian
Trafiko handiena uztaileko azken asteburuan eta abuztuko lehenean, eta abuztuko azken bi asteburu luzeetan espero dira.
Bi milioi ibilgailuk baino gehiagok zeharkatuko dute Euskadi, Eusko Jaurlaritzaren aurreikuspenen arabera. Iturria: Irekia
Arratsaldeko 15:00etan hasiko da ofizialki udako irteera-operazioa, eta 550 ertzainek osatutako dispositiboa prestatu du Segurtasun Sailak.
Eusko Jaurlaritzako Babes Zibileko sailburuorde Joana Egiluzek eta Trafikoko zuzendari Estibaliz Olabarrik Gasteizko hegoaldeko irteeran dagoen Lopidanako zerbitzugunean egin dute Araba, Bizkaia eta Gipuzkoako udako trafiko-operazio bereziaren aurkezpena.
Eusko Jaurlaritzak aurreikusita du nazioarteko trafikoa —iparraldetik sartu eta Euskal Herria zeharkatzen duena— % 3,8 haztea. Guztira, 2.100.000 bat ibilgailuk zeharkatuko dituzte euskal errepideak, eta 4.000 bat joan-etorri izango dira. Barne-trafikoari dagokionez, berriz, aurreikuspenen arabera, igoera % 3koa izango da (42,3 milioi joan-etorri).
Nazioarteko trafikoaren fluxuaren data nagusiak, Irteera Operazioan (ibilgailuak Europatik Espainia eta Portugal hegoaldera doazenean), uztaileko azken asteburua eta abuztuaren lehena dira. Itzulera Operazioan (ibilgailuak Espainia eta Portugal hegoaldetik Europara doazenean) abuztuko azken bi asteburu luzeak, hau da, ostegunetik igandera, izango dira egunik kritikoenak dira auto-ilarei dagokienez.
Aurreikuspenen arabera, bi milioi ibilgailuk baino gehiagok zeharkatuko dituzte euskal errepideak nazioarteko joan-etorrietan
Aurten ere arreta berezia jarriko dute ohiko puntu kritikoetan: Gipuzkoan, AP-8an, Biriatuko ordailekuan; Araban, AP-1 eta N-622 arteko lotunean Burgoserantz eta Gasteizerantz, eta Armiñongo lotunean; eta Bizkaian, A-8an, Kantabriarako irteeran.
Hori guztia aurrera ateratzeko Eusko Jaurlaritzak seinaleztapen operatibo bereziak jarriko ditu, baita informazio panelak ere. Bosgarren urtez jarraian, garabi zerbitzua ere izango da, istripua edo matxura izan duten ibilgailuei laguntzeko.
Iaz, 2024an, uztaila eta abuztua bitartean, zazpi pertsona hil ziren EAEko errepide-sarean (2, Araban; 2, Bizkaian, eta 3, Gipuzkoan).
Horregatik, Babes Zibileko sailburuorde Joana Egiluzek gogorarazi du Eusko Jaurlaritza batere biktimarik ez izateko ari dela lanean, eta 2025eko Udako Irteera-Itzulera Operazio Bereziari begira hartutako neurri guztiak horretara bideratu direla.
GOMENDIOAK
- Ibilgailua ondo dagoela ziurtatu
- Gidatu aurretik ez kontsumitu ez alkoholik ez drogarik, eta ez egin otordu astunik
- Ertzaintzako agenteen aginduak bete
- Arretaz, arduraz eta errespetuz gidatu
- Segurtasun-tarteak gorde
- Bi orduz behin edo 200 kilometro egin ondotik atseden hartu
Gizarteari buruzko albiste gehiago
Izkiko Parke Naturalak 'Starlight helmuga' ziurtagiria lortu du, zeru izartuak behatzeko ezaugarri onak izateagatik
Hautagaitzak balioa eman die duela urte batzuetatik hona landu diren ekimenei, hala nola ingurumen-hezkuntzaren eskaintza eta ingurumenaren gaineko ekintza sustatzeko neurriak.
San Fermin Txikito jaiak hasi dira Iruñeko Alde Zaharrean
Zinegotzi txikiek bota dute txupinazoa Nafarroako hiriburuko Alde Zaharreko klaretarren elizako teilatutik. Gaurtik igandera bitartean, jardueraz betetako agenda izango dute herritarrek eta bisitariek.
Eusko Jaurlaritzak Es-Alert sistemaren eraginkortasuna probatuko du urriaren 2an
Balmasedan eta inguruetan egingo da proba. Udalerri horretan kokatutako gailuetan alarma soinu bat entzungo da, eta testu-mezu bat zabalduko da. Mezuak probat bat dela adieraziko du, eta ez benetako arrisku-egoera bat.
Amaitzear da inoiz egin den mahats bilketarik laburrena
Eguraldiak eta mildiu gaitzak baldintzatuta, uzta ez da oparoa izan, baina amaitzear den bilketa labur honetan jasotako mahatsa oso kalitate onekoa omen da.
Zupiriak salaketa jartzeko eskatu die Bernedoko udalekuetako haurren familiei, deliturik dagoela uste badute
PPko legebiltzarkide Ainhoa Domaicak adingabeak babestu ez izana aurpegiratu dio Segurtasun sailburuari, Jaurlaritza "beste alde batera" begira egon dela iritzita.
Sindikatuek lanuzte orokorra deitu dute Palestinaren alde urriaren 15erako Hego Euskal Herrian
Ohar batean, LAB, CCOO, Steilas, Solidari, Etxalde eta Hiru sindikatuek adierazi dute "borroka, mobilizazioa eta langileen batzarrak" izango direla Hego Euskal Herriko lantokietan.
Nolako kontrolak pasa behar dituzte udalekuek?
Bernedoko udalekuen inguruan sortutako polemikaren ostean, horiek bete beharreko baldintzen inguruko eztabaida piztu da.
Arabako Foru Aldundiak adierazi duenez, inoiz ez dute kexarik jaso Bernedoko udalekuen inguruan
Ana Del Val Kultura eta Kirol diputatuak adierazi duenez, Arabako Foru Aldundia datozen egunetan bilduko da familiekin, haien testigantzak bertatik bertara ezagutzeko. Gainera, udaleku horiei buruzko informazio guztia biltzen ari direla esan du, foru erakundeak zer neurri hartuko dituen ikusteko. "Guztiz salagarriak dira gertakari horiek", gaineratu du Del Valek.
Bernedoko udalekuen erabiltzaileak: 'Dutxatzen gintuzten bitartean, monitoreak ere biluzik zeuden'
Duela 16 urte Bernedoko udalekuetan egon ziren bi neskaren testigantzak jaso ditugu. Haien esanetan, euren garaian jada gertatzen ziren salatutako gertakariak.
Gizon batek bikotekide ohia hiru egunez atxiki du Gasteizko etxebizitza batean eta eraso egin dio
Gizona atxilotu egin dute agindu judizial bat urratzea eta bikotekideari lesioak egitea egotzita.