Epaileak arrazoia eman dio Elizari eta Beloradoko moja ohiak kaleratzeko agindu du
Epaiak ez du moja ohiek komentua uzteko eperik ezartzen. Gainera, erlijiosoen legezko ordezkariak dagoeneko iragarri du errekurtsoa jarriko dutela, eta, beraz, litekeena da prozesu hori denboran luzatzea.
Briviescako (Burgos) Lehen Auzialdiko eta Instrukzioko epaileak arrazoia eman dio Eliza katolikoari Beloradoko moja ohiak kaleratzeko eta monasterioa uzteko salaketan, iturri judizialek jakinarazi dutenez.
Epaileak adierazi duenez, zortzi moja ohiek monasterioa utzi beharko dute Burgosko Artzapezpikutzaren esku "askatasun osoz" uzteko, eta, "borondatez egiten ez badute, bertatik botako dituztela ohartarazita".
Epaiak ez du moja ohiek komentua uzteko eperik ezartzen. Gainera, erlijiosoen legezko ordezkariak dagoeneko iragarri du Burgosko Auzitegian errekurtsoa jarriko dutela, eta, beraz, litekeena da prozesu hori denboran luzatzea.
Moja ohien abokatuek ohar bat kaleratu dute epailearen erabakiaren berri izan ondoren, eta salatu dute epaiak “ez duela oinarririk” eta “nahita aipatzen ez duela” artzapezpikuak erkidegoa ordezkatzeko legezko botererik ote duen inguruko eztabaida.
Halaber, ahozko ikustaldian funtsezko dokumentazioa aurkeztea galarazi izana kritikatu dute, eta “Konstituzioaren aurkako” interpretazio bati buruz ohartarazi dute, pertsona juridikoei oinarrizko eskubideak ukatu zaizkietelakoan, hala nola erlijio-askatasuna.
Ohar horretan, “bereziki larritzat” jo dute epaileak zortzi emakumeek beren komunitatea erlijio-elkarte bihurtzeko hartutako erabakiaren deuseztasuna bermatzea, Barne Ministerioko Idazkariordetzaren ebazpen batean soilik oinarrituta, “horretarako eskumenik gabeko erakundea” baita.
Halaber, epaitzaren pasarte bat zalantzan jarri dute, zeinak baieztatzen baitu elkartzeko eskubidea edo erlijio-askatasuna ez direla agertzen Kode Zibilak aitortutako jabetza eskuratzeko moduen artean. “Inolako argudiorik gabe, pertsona juridikoen erlijio-askatasuna airean geratzen da”, diote, eskubide hori babesten duen jurisprudentzia aipatuta.
Bestalde, zortzi erlijioso horien prentsa bozeramaileak ere bere zalantza agertu du prozesuaren azkartasunagatik. “Epaia 48 ordu eskasetan eman da, uztailaren 29ko ikustaldiaren ondoren”, adierazi du, eta monasterioa uzteko saiakera “ezohikoa eta aurrekaririk gabea” dela esan du.
Hala ere, moja ohiak lasai eta konfiantzaz jarraitzen dutela adierazi du: “Beloradoko ahizpek zailtasun asko gainditu dituzte beren 667 urteko historian. Honakoa beste bat izango da”. Canalsek ondorioztatu duenez, erlijiosoek “fedeak gidatuta” eta Probintzia Auzitegiaren ebazpenaren zain jardungo dute. Izan ere, errekurtsoa jarriko dute.
Ildo horretatik, zortzi erlijioso ohiek epaiketan aurreratu zuten "komunitatean" erabakiko zutela hurrengo urratsa: "eutsi edo borondatez irten".
Moja ohien (2024ko ekainean eskumikatu zituzten zisma delitu batengatik) abokatuak ziurtatu Zuenez, ez ziren emakumeak izan, banaka, Eliza Katolikotik bereiztea erabaki zutenak. Erabakia Beloradoko Santa Klara monasterioko komunitateak hartu zuten. Beraz, komunitate gisa, haiek direla komentuaren jabeak defendatu zuen.
Bestalde, Burgosko artzapezpikua den Mario Icetaren abokatuak adierazi zuenez, erakunde erlijioso batek eliza katolikotik bereiztea "zuzenbide kanonikoaren kontua da".
Zure interesekoa izan daiteke
21 urteko gizonezko bat atxilotu dute Gasteizen bikotekideari eraso egitea eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Liztor asiatikoa, espezie inbaditzaile eta kezkagarria
Bi aste eskasetan hiru pertsona hil dira Galizan liztor asiatikoaren ziztadez. Horrek espezie inbaditzaile honekiko kezka areagotu egin du Euskal Herrian ere. Zer egin beharko genuke liztor asiatikoaren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu honen aurrean.
Taldean egindako eraso faxista eta LGTBIfobiko bat salatu dute Gorraitzeko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak Eguesibko Udalaren isiltasuna kritikatu du, irailean gertatutako erasoaren aurrean.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.
Hizkuntza Ofizialen Kontseilu berria eratu da, "forma eta funtsa" aldatuta
Osaera berria izango du, eta berritasun nagusienetako da kontseilura batuko direla autonomia erkidegoetako hizkuntza politiketako ordezkariak.
Lagun bat ospitaleratu dute Gasteizen, patinetea lehertu eta kea arnasteagatik
Ibilgailuak lokal baten barruan egin zuen eztanda, eta jabeek bateria bertatik atera eta su-itzalgailu batekin busti zuten, suhiltzaileak iritsi aurretik.
Gizon bat atxilotu dute bikotekide ohia hiltzea leporatuta, Huelvan
47 urteko emakumezko biktimaren lankideek horren gorpua aurkitu zuten, indarkeria zantzuekin, lan egiten zuen eta bizi zen nekazaritza-lursailean bertan. Emakumearen alabak joan den astean Guardia Zibilari jakinarazi zionez, atxilotuak ama mehatxatu egin zuen, beste pertsona batekin ezkonduko zela iragarri ondoren.
Gabonetako trena, gaueko lasterketa eta mahai-futbol txapelketa: Bilboko metroak 30 urte bete ditu, eta ospatzen dabil
Bilboko metroak hiru hamarkada beteko ditu aurten, eta kontzertuak, zozketak eta dekorazio bereziak egingo ditu, baita Gabonetako trena, futbolin-txapelketa eta Underrun gaueko lasterketa ere.