Bi atxilotu, 27 emakumeren irudi sexualak grabatzeagatik eta zabaltzeagatik
Biktimetako batzuk Nafarroakoak, Bizkaikoak eta Gipuzkoakoak ziren. Atxiloketak Errioxan eta Sorian egin dituzte. Askotariko metodoak erabiltzen zituzten bideoak lortzeko eta Telegram eta WhatsApp bidez partekatzeko, biktimen baimenik gabe.
Bi pertsona atxilotu dituzte 27 emakumeren sexu-edukia lortu, sailkatu, editatu eta zabaltzeagatik, beren baimenik gabe. Biktimen artean daude Nafarroako hiru emakume eta Bizkaiko eta Gipuzkoako hainbat.
Guardia Zibilak Errioxan eta Sorian egin ditu atxiloketak. Guztira, 27 biktima daude; gehienak, hamahiru, errioxarrak. Besteak Albacete, Palentzia, Soria eta Zaragozakoak dira.
'Vinteox' izeneko operazioa martxoan hasi zen, Miguel Angel Saez Errioxako Guardia Zibilaren bozeramaileak azaldu duenez.
Operazioa zabalik dago oraindik. Irudiak eta bideoak Telegram eta WhatsAppeko taldeen bidez zabaltzen zituzten, eta atxilotuetako bat administratzailea zen.
Talde horietan biktimen irudi intimoak partekatzen ziren, haiek jakin eta onartu gabe. Biktimetako batzuk adingabeak ziren grabatu zituztenean. Gainera, taldeetako parte-hartzaileek eduki mota hori lortzeko jarraibideak ematen ziren. Emakumeak nola engainatu, norbaiten identitatea nola ordeztu eta emakumeen gailu elektronikoetan nola sartu azaltzen zuten.
Besteak beste, atxilotuek kamera ezkutuak jarri zituzten emakume batzuekin konpartitzen zituzten pisuetan, ostatu turistikoetan eta biktima batzuen etxebizitza partikularretan. Harreman sentimentalak ere abiatu zituzten, eduki sexualeko bideo-deiak egin eta baimenik gabe grabatzeko asmoz.
Eduki hori guztia mezularitza-taldeetan zabaltzeaz gain, zehatz-mehatz sailkatuta zuten, biktimaren, berarekin zuten harremanaren eta bizilekuaren arabera.
Atxilotuei sekretuak ezagutaraztea leporatzen zaie, ohorearen, intimitate pertsonalaren eta sistema informatikoetara legez kanpo sartzea.
Gizarteari buruzko albiste gehiago
Uda honetako beroak 41 heriotza utzi ditu orain arte Euskadin
Abuztu honetan, oraingoz, pertsona bakarra hil da Euskadin tenperatura altuen ondorioz. Heriotza hori udako bigarren bero-boladaren hasierarekin batera gertatu da, oraindik egun batzuk luzatuko dena. Segurtasun Sailak hainbat abisu hori aktibatu ditu horren harira.
Jaurlaritzak diskoteketan atezain izateko betekizunak aldatzeko prozesua hasi du, Gasteizko Mitikan gazte bat hil ondotik
Gasteizko Mitika diskotekaren aurrean atezainak kolpea jota hil zen gaztearen gurasoek eskatuta, Eusko Legebiltzarreko gehiengo zabal batek Jaurlaritzari eskatu zion gaueko aisialdiko segurtasun pribatua arautzen duen legedia azter eta molda dezan, atezainek dituzten "jarrera oldarkorrak" saiheste aldera.
Bilbori Aste Nagusi usaina dario! Txosnak muntatzen hasi dira
Aurten, "Txosnak. Gureak, denonak" kanpainaren kolore arrosa izango da nagusi txosnaguneko dekorazioan, konpartsak eta txosnak Euskal Herriko ondare immaterial izenda ditzaten aldarrikatzeko. Bilboko Konpartsek azpimarratu dute txosnagunean ez dutela inolako erasorik onartuko.
"Erraz sar daiteke Cotolinon, bista politak ditu, baina arriskutsua da gauean"
Endika Martinez Kantabriako DYAren larrialdietako teknikari eta itsasoko operatiboen arduradunak Castro Urdialesko itsaslabarretik erori eta ospitalean hil den 12 urteko haurraren erreskatea azaldu du.
Hiru gizon atxilotu dituzte Donostian biltegi batean indarra erabiliz lapurreta egiteagatik
27 urteko bi gizon eta 29 urteko beste bat dira Ertzaintzak asteazken goizaldean Intxaurrondo auzoan hauteman dituen delitugileak.
Bilbotar bati 15.000 euroko iruzurra egin dio talde kriminal batek, bankuko datuak erabiliz
Gaizkileek finantza-erakundeko langileak zirela esan zioten biktimari, eta, guztira, 23 kargu egin zituzten haren txartelarekin.
Bizkaiko biztanleen % 73k dio konfiantza gutxi edo batere ez duela politikan
Ikerfelek egindako azterlan baten arabera, etxebizitza da kezka iturri nagusia bizkaitarrentzat, enplegua eta segurtasunik eza atzetik dituela.
Perez Iglesias, IBMren ordenagailu kuantikoaz: "Zientziaren munduan punta-puntan lan egiten duten pertsonak erakarriko ditu"
Eusko Jaurlaritzako Zientzia, Unibertsitate eta Berrikuntzako sailburu Juan Ignacio Perez Iglesiasek Radio Euskadiko "Boulevard" saioan adierazi duenez, IBMk aurten Donostian instalatuko duen superordenagailu kuantikoaren piezak dagoeneko Ibaetan dira. Sailburuaren ustez, "zientziaren munduan punta-puntan lan egiten duten pertsonak erakartzeko gunea izango da".
Mutil bizkaitar bat hil da Castro Urdialesen, eremu harritsu batetik erorita
12 urteko gazteak bularrean kolpea hartu zuen, eta Santanderreko Valdecilla Ospitalera eraman zuten.