Bi gazte hil dira, eta bi zauritu, auto-istripuz, Okondon
Autoaren gidaria tokian bertan hil da, eta beste gaztea, ospitalean.
19 urteko gazte bat hil da gaur goizaldean, auto-istripuz, Okondon (Araba). Beste bat ospitalean hil da, istripuaren ondorioz.
Lau gazteak zihoazen autoa errepidetik atera eta udalerriko errepide batean irauli da. Istripuaren ondorioz, 19 urteko gidaria bertan hil da, eta beste bat ospitalean zendu da. Beste bi gazteak zaurituta daude.
Larrialdietako zerbitzuak istripuaren tokira bertaratu dira eta zaurituak ospitalera eraman dituzte. Ertzaintzak ikerketa abiatu du istripuaren arrazoiak argitzeko.
Istripua goizaldeko ordu bata aldera gertatu da, A-3632 errepidean, Okondo parean.
Barruan lau gazte zihoazen, bi mutil eta bi neska.
Osasun-zerbitzuek bihotz-biriketako bizkortzea egin diote larrien zegoenari, baina bertan hil da. Bestea ospitalean hil da.
Jon Escuza Okondoko alkateak Radio Vitorian nabarmendu duenez, herria atsekabetuta dago; alkteak berak bi hildakoak ezagutzen zituen.
Okondoko Udalak ezohiko osoko bilkura deitu du 15:00etarako, eta hiru dolu-egun ofizial ezarriko ditu, gaur goizaldeko istripua dela eta.
Zure interesekoa izan daiteke
Auto baten eta kamioi baten arteko istripua izan da AP-8an Elgoibarren, eta erabat itxita dago errepidea bi norabideetan
Segurtasun Sailak jakitera eman duenez, zaurituak daude.
Hamar urteren ostean Eibarren atzera zezen-ikuskizunak programatzea gaitzetsi du Haiekin elkarte animalistak
Elkartearen iritziz "atzerapauso handia" da, herriko San Juan jaietan hiru sokamutur saio programatzea, eta ohartarazi duenez "2016an PSE-EEk berak hartutako konpromiso ofizialen kontra doa".
Irungo Isuri Gutxiko Eremua 2028ko udaberrian sartuko da indarrean
Irungo udalbatzak, osoko bilkuran, 30 salbuespen aurreikusten dituen ordenantzari hasierako onespena eman dio eta orain alegazioak aurkezteko epea zabaldu da. Behin betiko testua aurtengo azken hiruhilekoan onartuko da.
Bi gidari hil dira astearte honetan Nafarroan izandako bi istriputan
56 urteko motozale bat hil da Izaban motorretik erorita. 60 urteko beste gizon bat hil da Esteribarren, bidetik irten ostean.
Baldintzak, epeak eta nola eman izena Osakidetzako EPEko azterketetan
Eskainitako 41 kategorietako batean izena emateko gida, pausoz pauso.
United Airlinesek Bilbo eta New York arteko hegaldi zuzenak eskainiko ditu irailaren 23ra arte
Konpainiak hiru hegaldi eskainiko ditu astean Loiuko eta Newmarkeko aireportuen artean. Zerbitzua joan den udan jarri zen martxan lehen aldiz, eta 14.400 bidaiari baino gehiago jaso zituen 2025ean.
17.000tik gora ikaslek hasi dituzte gaur unibertsitatean sartzeko probak Hego Euskal Herrian
Azterketak, ohi bezala, hiru egunez egingo dira, eta prozedurak bi fase ditu: sarbidea eta onarpena. Azterketen emaitzak ekainaren 10ean argitaratuko dira.
Global Sumud Euskal Herriak kereila kriminala aurkeztu du Ertzaintzaren eta Zupiriaren aurka, Loiuko jarduketa "basatiagatik"
Global Sumud Flotillaren euskal ordezkaritzak kereila kriminala aurkeztu du astearte honetan Loiun aktibisten ongietorrian aritu ziren ertzainen, polizia-dispositiboa zuzendu zuten buruzagien eta Bingen Zupiria Segurtasun sailburuaren aurka, hainbat delitu egotzita; besteak beste, legez kanpoko atxiloketa, lesioak eta gorroto-delitua, Bilboko aireportuan ontzidiko aktibistei egindako harreran izandako istiluen ondorioz. Hala iragarri dute Euskal Herriko Global Sumud Flotilla ordezkatzen duten Haizea Ziluaga eta Iker Sarriegi abokatuek, Bilboko epaitegiaren atarian.
Espainiako Gobernuak Estatutu Markoaren erreforma onartu du, medikuen oposizioa gorabehera
Onarpena ia lau urteko negoziazioen ondoren iritsi da; medikuen sindikatuek aurka jarraitzen dute eta grebarako deialdiari eutsi diote.
Zortzi kilometrorainoko auto-ilarak N-1 errepidean, Villabona parean izandako istripu baten ondorioz
Bi ibilgailuk istripua izan dute eta ondorioz errei bat itxi dute Lasarte-Oriara bidean.