United Airlinesek Bilbo eta New York arteko hegaldi zuzenak eskainiko ditu irailaren 23ra arte
Konpainiak hiru hegaldi eskainiko ditu astean Loiuko eta Newmarkeko aireportuen artean. Zerbitzua joan den udan jarri zen martxan lehen aldiz, eta 14.400 bidaiari baino gehiago jaso zituen 2025ean.
United Airlines konpainiako hegazkin bat, Bilboko aireportuan.
United Airlinesek Bilbo eta Newark/New York arteko zuzeneko lotura berreskuratu du uda honetan, eta astean hiru hegaldi eskainiko ditu. Hegaldiak maiatzaren 31n hasi dira, eta irailaren 23ra arte egongo dira martxan.
Konpainiak jakinarazi duenez, hegaldiak Loiuko aireportutik 12:30ean abiatuko dira asteazkenetan, ostiraletan eta igandeetan. Bestalde, New Yorketik Bilbora doazen hegaldiak astearteetan, ostegunetan eta larunbatetan irtengo dira, 10:45ean, eta irailaren 22ra arte emango dute zerbitzua.
United da Bilbo eta Estatu Batuak zuzenean lotzen dituen airelinea bakarra, eta iazko udan 14.400 bidaiarik baino gehiagok erabili zituzten konpainiak eskainitako 100 hegaldiak.
Testuinguru horretan, Bilboko aireportuko zuzendari Iván Grandek pozik hartu du United Airlines uda honetan Euskadira itzuli izana: "2025ean hasitako harremanak urte luzez irautea espero dugu", adierazi du.
Zure interesekoa izan daiteke
Baldintzak, epeak eta nola eman izena Osakidetzako EPEko azterketetan
Eskainitako 41 kategorietako batean izena emateko gida, pausoz pauso.
Global Sumud Euskal Herriak kereila kriminala aurkeztu du Ertzaintzaren eta Zupiriaren aurka, Loiuko jarduketa "basatiagatik"
Global Sumud Flotillaren euskal ordezkaritzak kereila kriminala aurkeztu du astearte honetan Loiun aktibisten ongietorrian aritu ziren ertzainen, polizia-dispositiboa zuzendu zuten buruzagien eta Bingen Zupiria Segurtasun sailburuaren aurka, hainbat delitu egotzita; besteak beste, legez kanpoko atxiloketa, lesioak eta gorroto-delitua, Bilboko aireportuan ontzidiko aktibistei egindako harreran izandako istiluen ondorioz. Hala iragarri dute Euskal Herriko Global Sumud Flotilla ordezkatzen duten Haizea Ziluaga eta Iker Sarriegi abokatuek, Bilboko epaitegiaren atarian.
Espainiako Gobernuak Estatutu Markoaren erreforma onartu du, medikuen oposizioa gorabehera
Onarpena ia lau urteko negoziazioen ondoren iritsi da; medikuen sindikatuek aurka jarraitzen dute eta grebarako deialdiari eutsi diote.
Zortzi kilometrorainoko auto-ilarak N-1 errepidean, Villabona parean izandako istripu baten ondorioz
Bi ibilgailuk istripua izan dute eta ondorioz errei bat itxi dute Lasarte-Oriara bidean.
Eusko Jaurlaritzak umeak 4 urte izan arte luzatuko du seme-alabako hilean 200 euroko laguntza unibertsala
Dekretuak, halaber, zabaldu egin ditu guraso bakarreko familiei ematen zaizkien laguntzak, 4 eta 7 urte arteko haurren gurasoei emango dizkie, hilean 100 eurokoak.
Lekeitioko Udalak errekurritu egingo du EAEko Auzitegi Nagusiak aparkalekuei buruz emandako ebazpena
Uda honetan, egungo araudia aplikatzen jarraituko du, inguruko udalerrietako bizilagunek TAOaren gune berdean aparkatzeko aukera izan dezaten; ez, ordea, turistek zein herrian bigarren etxebizitza dutenek.
Ertzaintza 46 urteko gizon baten heriotza ikertzen ari da, Mundakan
Gorpuak kolpeak ditu. Autopsiaren emaitzaren zain, hipotesi guztiak zabalik ditu Ertzaintzak.
Albiste izango dira: Unibertsitatera Sartzeko Probak Hego Euskal Herrian, Osakidetzaren EPErako izen-ematea irekita eta Bilbok eta Donostiak bat egin dute Munduko Txapelketarako
Gaurkoan Orain-en albiste izango direnen laburpena, bi hitzetan.
Osakidetzaren EPErako izen-ematea ireki da, eta probak datorren udazkenean egingo dira
2026an zehar, Osakidetzak 5.425 plaza eskainiko ditu eta bigarren fasean eskaera egiteko epea ekainaren 29ko 14:00ak arte egongo da zabalik.