Gidabaimena 17 urtetik aurrera atera ahal izango da
Hori bai, esperientzia duen heldu batekin joan beharko dute adinez nagusi izan arte. Europak gaur onartu du gidabaimenen inguruko araudi berria, eta adinarena da aldaketa nagusienetako bat. Orain, estatu kideek hiru urtera arteko epea izango dute, bakoitzak bere legedira egokitzeko.
Europako Parlamentuak, gaur, argi berdea eman dio 17 urtetik aurrera gidabaimena atera ahal izatea ahalbidetzen duen araudiari. Hori bai, adinez nagusi izan arte, esperientzia duen heldu batekin gidatu beharko dute.
Joan den martxoan adostu zuten Europako Kontseiluak eta Parlamentuak gidabaimenaren inguruko araudia, eta gaur, onartuta geratu da. Orain, EBko Agerkari Ofizialean argitaratzen denetik, estatu kideek hiru urtera arteko epea izango dute, araudia bakoitzak bere legedira egokitzeko, eta beste urte bat, ezartzen hasteko.
Adina aurreratzearena da aldaketa deigarrienetakoa, baina badira beste batzuk ere. Orain arte ez bezala, araudi berri honekin, arau-hauste larri baten ondorioz gidabaimena galtzen duen gidariak EB osoan galduko du. Orain arte, estatu bakar batean bakarrik kentzen zitzaion baimena.
Bestalde, aurrerantzean, 18 urteko pertsonek kamioiak gidatzeko baimena atera ahal izango dute (C kategoriakoa), eta 21ekoek, autobusen gidabaimena (D kategoriakoa). Horretarako, jarduerako profesionalerako agiria izango beharko dute. Neurri honekin, azken urteotan langileak aurkitzeko arazoak dituen garraiolarien sektorera gazteak erakarri nahi ditu EBk.
Badira beste berritasun batzuk ere: gidabaimenak 15 urteko balioa izango du, oro har, nahiz eta estatu bakoitzak 10 urtera murriztu ahalko duen epe hori, eta 2030ean gidabaimen digitala lehenetsiko da. Halaber, gidari berrientzako probaldia luzatu egingo da, eta bi urtez bete beharko dituzte baldintza gogorragoak.
Araudia bost urte barru berrikustea ere onartu du du Europar Batasunak.
Zure interesekoa izan daiteke
Eguzkia, emozioa eta Raimundo Sarriegiren doinuak, haur danborradako protagonistak
Guztira, 4.630 haur dabiltza Donostiako erdiguneko kaleetan, hiriko egun handian. Argoitz Echezortu San Jose Danbor Nagusiak du aurten 45 konpainiak zuzentzeko ardura.
Kordobako tren istripuaren ondoren albiste faltsuak zabaldu dira sareetan
Beste tragedia batzuetan gertatu izan den bezala, hainbat erabiltzailek adimen artifiziala erabiliz sortutako irudi eta bideoak eta informazio faltsua zabaldu dituzte.
Albistea izango dira: tren istripua Kordoban, San Sebastian eguna eta Trumpen lehen urteurrena presidente gisa
Gaurkoan albiste izango direnen laburpena, bi hitzetan.
San Sebastian martxa hunkigarria bandera igoeran, Xabier Anduaga tenorrarekin eta Donostiako Orfeoiarekin
Donostiako banderaren igoerak hasiera eman dio aurten 100 urte betetzen dituen danborrada tradizionalari, eta 24 orduko etenik gabeko festa utziko du Gipuzkoako hiriburuan. Donostiarrentzat ezinbesteko hitzorduan, Xabier Anduaga tenorrak San Sebastian martxa interpretatu du. Jon Isaustik, bere aldetik, alkate gisa egin duen lehen igoera izan da. Gaztelubideko danborrada, beste danborrada batzuetako ehun kide baino gehiagorekin batera, Konstituzio plazan bildu da, Donostiako danborrada tradizionalari hasiera emateko.
Euskadik 340 milioi bideratuko ditu 2030era arte Lanbide Heziketa inklusiboagoa izan eta enpresarekin konektatuagoa egon dadin
Lanbide Heziketa esparruko Euskadi 2030 Estrategiak bost ardatz ditu eta 20 helburu estrategiko eta 37 ekintza dakartza. Euskadin, gaur egun, 51.600 ikasle daude izena emanda Lanbide Heziketan, eta matrikulazioen kopurua % 33 igo da azken hamar urteetan.
Adamuzeko tren istripuan zer gertatu den jakin egingo dela azpimarratu du Sanchezek
Espainiako Gobernuko presidenteak Estatuaren babesa adierazi die Kordobako tren istripuaren biktimei, eta tragediari emandako erantzunean batasun instituzionala nabarmendu du.
Zer dakigu Kordobako tren istripuari buruz? Zer dago argitzeko?
Ordu gutxi batzuk baino ez dira igaro Adamuzen zorigaiztoko tren istripua jazo denetik. Argitu gabeko arrazoiak direla eta, bart, abiadura handiko tren bat errailetik atera da, eta kontrako noranzkoan zihoan Renferen tren bat bidetik aterarazi du. Horiek dira, oraingoz, baieztatuta dauden datuak.
Zer dakigu Kordoban istripua izan duen Iryo tren-konpainiari buruz?
Iryo konpainia italiar-espainiarra abiadura handiko tren-operadore pribatu handiena da eta 2022ko azaroan hasi zuen jarduna Espainian. Astean 400 zerbitzu baino gehiago eskaintzen ditu, hiru korridore handitan banatuta: ipar-ekialdea (Madril-Zaragoza-Bartzelona-Tarragona.), hegoaldeko korridorea (Madril-Kordoba-Sevilla/Malaga) eta Levanteko korridorea (Madril-Cuenca-Valentzia/Alacant/Albacete/Murtzia).
Renferen ustez, giza akatsak eta gehiegizko abiadurak ez dute tren istripua eragin
Alex Fernandez Heredia konpainiako presidenteak azaldu duenez, "arraroa" da istripua gertatu den modua, eta "gertatutakoaren inguruan espekulatzea orain okerrena izango litzateke".
Herri Nortek sexu-erasoak gaitzetsi ditu eta ikerketan lagunduko duela ziurtatu du
Athleticen zale taldeak komunikatu bat atera du, sare sozialetan hainbat testigantza argitaratu ondoren eta arduradun politikoek gertatutakoa argitzeko eta biktimak babesteko eskatu ondoren.