Bullyinga egiten duten ikasleak ikastetxetik kanporatuko dituzte Nafarroan
Bizikidetzari buruzko Foru Dekretu berriak tratu txarren edo indarkeriaren kasu larrietan ikasleak eskolatik kanporatzea ere aurreikusten du. Neurriaren helburua da biktimak babestea eta haien ongizate emozionala bermatzea.
Bullyinga edo ziberjazarpena egiten duten ikasleak erasoa izan den eskolatik kanporatu egingo dituzte Nafarroan. Modu berean, eraso matxisten edota bestelako tratu txarren egileak ere zentrotik bidaliko dituzte. Hau da, erasotzaileak beste zentro batera lekualdatuko dituzte, biktimak babesteko.
Hala dago jasota, Nafarroako Gobernuko Hezkuntza Departamentuak landu duen Bizikidetzari buruzko Foru Dekretu berriaren proiektuan. Gaur igorri dute Foru Gobernuaren Gardentasun Atarira, ekarpenak jasotzeko, eta 2010etik indarrean dagoen dekretua ordezkatuko du.
Ikastetxeetan elkarbizitza sendotzea eta biktimak babestea da helburua, eta horretarako neurri berriak jasotzen ditu dekretuak. Besteak beste, biktimen ongizate emozionala bermatu nahi, ingurune seguru bat eskainiz.
Hainbat baldintza hartuko dira kontuan jazarleak eskola batetik bestera lekualdatzeko: sare berdineko eskola izatea eta hizkuntza eredu bera mantentzea lehenetsiko dira, besteak beste.
Salbuespenak ere egongo dira, eta beste zentro batera aldatzeak ikaslearen eskolatze baldintza egokiak bermatzen ez baditu, beste neurri batzuk hartzeko aukera ere egongo da, zentro berean mantenduta: hala nola, hamabost egunez etxera bidaltzeko aukera egongo da. Eta erasotzaileak adinez nagusiak direnean, berriz, matrikula baliogabetu ahal izango diote.
Aurreneko aldiz, dekretu berriak buru osasuna kontuan hartu du, eskolako bizikidetza neurtzeko aldagaien artean.
Iazko azaroan Nafarroan egindako azterlan baten arabera, eskola jazarpen kasuak % 6 hazi ziren Foru Erkidegoko eskoletan, 2022-2023 ikasturteko datuekin alderatuta. Joan den astean bertan, 17 urteko neska batek beste buruaz beste egin zuen Cintruenigon, eta haren familiak eskola-jazarpenarekin lotu zuen heriotza.
Zure interesekoa izan daiteke
?fmt=webp-alpha&qlt=80)
Aske gelditu dira Vito Quilesen ekitaldi baten harira izandako istiluengatik atxilotutako 28 pertsonak
Horietako hamaseiri desordena publikoaren delitua leporatu diete. Gainerako hamabiei, horrez gainera, agintaritzaren agenteen aurkako atentatua ere egotzi diete.
Eutanasia-eskaerak % 61 igo dira Euskadin, eta prozesuaren batez besteko iraupena 39,4 egunera jaitsi da
Ostegun honetan argitaratutako urteko txostenaren arabera, 2025ean 107 eskaera onartu ziren, 78 prestazio gauzatu ziren eta 31 pertsona hil ziren prozesua bukatu baino lehen.
Hiru pertsona ikertu dituzte Bizkaian, genero-indarkeriaren biktima baten datuak lortzeko guardia zibilena egiteagatik
Ikertuetako batek harreman sentimentala zuen emakumearekin, eta harekin bizi zen Barakaldon.
Gizon bat atxilotu dute Donostian, Egia auzoan izandako sexu-erasoaren egilea delakoan
Donostiako Udaleko Bozeramaileen Batzordeak elkarretaratzea deitu du biharko, 11:45ean, Alderdi Ederreko lorategietan.
Foruzaingoko lankideek minean bat egin eta babesa eman diete hildako bost agenteen familiei
Foruzainen hil-kapera izango da gaur Iruñeko San Alberto beilatokian. Etengabea da bertan goizean goizetik, senide, lagun eta lankideen joan-etorria. Istripuan zauritutako kamioiko gidariari sendagiria eman diote, baina shock egoeran dago.
Gasteizko Fournier lantegi zaharrean bizi ziren hiru lagun aterarazi dituzte, inguru horretan astebetean egin den bigarren kaleratzean
Ertzaintzak eta Gasteizko Udaltzaingoak, epailearen aginduz, Heraclio Fournier kaleko industria-nabean zeuden hiru pertsona aterarazi dituzte, baldintza eskasak eta segurtasun falta argudiatuta.
"Bizi Natura" saioaren unerik onenak: 2026ko ekainaren 3a, asteazkena
Oraingo honetan, Bizi Naturaren kamerek katagorrien, flamenkoen, txorien janlekuen, orkatzen eta abarren irudiak eskaini dizkigute.
Ibar auziko epaileak beste hilabete bat eman dio fiskalari lekuko berri bati buruzko erabakia har dezan
Pablo Ibarren defentsaren arabera, lekukoak erailketak egin zituzten bi pertsonak identifikatu zituen, eta horrek errugabetu egingo luke Ibar.
Minutu bateko isilune hunkigarria Nafarroako Parlamentuan, hildako bost foruzainen omenez
Gaurko saioaren hasieran, Unai Hualde Ganberako presidenteak Bozeramaileen Batzordean goizeko lehen orduan onartutako adierazpen instituzionala irakurri du, gertaerak eragindako "mina eta atsekabea" erakusten duen testua. Hildako bost foruzainak omentzeko Nafarroako Gobernuak zein Foruzaingoak antolatutako ekitaldi instituzionalekin bat egin du Ganberak.
Euskal Herriko mediku eta pediatrek pantailek arrisku larriak dakartzatela ohartarazi dute, eta ikasgeletan mugikorrik ez izatea eskatu
Altxa Burua mugimenduarekin batera, sendagileek eta pediatrek txosten bateratua plazaratu dute, lehenengoz. Lan horretan, pantailen aurrean denbora luzez egoteak adingabeengan dakarren eragin negatiboa aztertu dute; alde batetik, buru osasuna aipatu dute: loaren nahasmenduak, antsietatea... Bestetik, erabilera gehiegizkoak obesitatea, ikusmen-arazoak eta hizkuntzaren atzerapenak eragin ditzakeela ohartarazi dute.