Gizon bat atxilotu dute Alacanten emakume bat hiltzea leporatuta
41 urteko beste gizon bat ere atxilotu dute, ustezko hiltzaileari biktimaren gorpua aldamenetik kentzen lagundu omen ziolako. Dirudienez, urriaren hasieran gertatu zen hilketa matxista hori.
38 urteko gizon bat atxilotu dute Alacant hirian bikotekidea hiltzea egotzita. Biktimaren —Madrilgo 37 urteko emakume bat— gorpuaren egoera ikusita, hilketa aspaldi gertatu zela ondorioztatu dute, ikerketako iturriek jakinarazi dutenez.
41 urteko beste gizon bat ere atxilotu dute, ustezko hiltzaileari biktimaren gorpua aldamenetik kentzen lagundu omen ziolako. Genero-indarkeriaren aurka lanean ari den Espainiako Gobernuaren Ordezkaritzak hasiera-hasieratik esan du indarkeria matxistarekin lotutako krimen gisa ari direla ikertzen.
Polizia Nazionalak bere gain hartu du Alacanteko epaitegi batek sekretutzat jo duen hilketa argitzeko ikerketa. Auzitegi Medikuntzako Institutuak datozen orduotan egingo du autopsia.
Emakumearen hilketa urriko lehen egunetan gertatu zela uste dute, baina hirugarren pertsona batek segurtasun indarrei gertatutakoaren berri eman arte ez dute aurkitu emakumearen hilotza.
Hilketa matxista izan dela berretsiz gero, aurten Espainiako Estatuan genero-indarkeriak eraildako 33. emakumea izango litzateke, eta 2003tik matxismoak hil duen 1.327.a.
Zure interesekoa izan daiteke
Santurtzi eta Barakaldo arteko aldirietako tren zerbitzua eten dute matxura baten ondorioz
Santurtzitik Barakaldora edo Barakaldotik Santurtzira doazen tren guztiek Desertu-Barakaldo geltokitik hasi eta amaituko dute ibilbidea, eta autobus zerbitzua izango dute helmugara iristeko.
Gipuzkoako lehen Ostalaritza Eskola izango da 2027tik aurrera
Euskadiko laugarren ostalaritza-eskola izango litzateke, Leioa, Galdakao eta Gamarrako eskolekin batera. Hezkuntza Saila Donostiako Udalarekin lanean ari da kokapenerako.
Gutxienez bi kilometroko auto-ilarak N-1 errepidean, Andoainen, kamioi baten matxuragatik
Kamioi baten matxurak eragina izan du N-1eko trafikoan, Gasteizko noranzkoan, eta zirkulazio motela eragiten ari da lehen orduan.
Gaur hasiko da Euskadin 2026-2027 ikasturterako aurrematrikulazio epea
Otsailaren 13ra arte egongo da zabalik aurrematrikula egiteko epea. Derrigorrez egin behar dute bi urteko ikasgeletako ikasleek, baita ikastetxe batera lehen aldiz sartzen direnek edo hizkuntza-eredua aldatu nahi dutenek ere.
Gizon batek bikotekidea hil du Pontevedran eta bere buruaz beste egin du ondoren, atxilotu aurretik
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen aritu da arratsalde osoan, entregatu zedin, baina bere buruaz beste egin du azkenean.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.