Bergarako ganadutegi batek abelburu guztiak hil egin beharko ditu, tuberkulosi kasu bat atzeman dutelako
Europako araudia oso zorrotza da, eta % 1eko intzidentzia gaindituz gero ganadutegiko animalia guztiak hiltzera behartzen du, eta horixe gertatu da Bergarako Zezenak ganadutegian.
Bergarako Zezenak ganadutegiak bere abelburu guztiak, 90 buru, sakrifikatu egin beharko ditu, tuberkulosi kasu bat atzeman dutelako, sare sozialetan jakinarazi duenez.
Europar Batasuneko araudia oso zorrotza da horretan eta % 1eko intzidentzia gaindituz gero ukuiluko animalia guztiak hiltzera behartzen du, eta horixe bera gertatu da Bergarako Zezenak ganadutegian.
Urte askotako lana dago atzean, eta 20 urtez landutako genetika da akabatu beharko dutena.
Ganadutegi horretako animaliak oso ezagunak dira, jaietako sokamutur eta errekortari saioetarako zezenak eta bigantxak dituelako.
Aurten Gipuzkoan hauteman den bigarren behi tuberkulosi agerraldia da. Pasa den otsailean, Debako Saka ganadutegiak abelburu guztiak, 160 buru, sakrifikatu behar izan zituen tuberkulosi agerraldi baten ondorioz.
Bestalde, beste gaixotasun batek (dermatosi nodular kutsakorra) kezka eragiten jarraitzen du abeltzaintza sektorean, oraingoz Euskal Herrian kasurik agertu ez bada ere. Testuinguru horretan, behin-behinean, ganadu-azokak bertan behera gelditu dira zazpi lurraldeetan.
Iñigo Almorza (Bergarako Zezenak)
Iñigo Almorza Bergarako Zezenak ganadutegiko kidearen arabera, "ez da bidezkoa, ez da justua, ez da zuzena" positibo bakar batekin abelburu guztiak hil behar izatea, eta kritikatu du ganadutegiak "begiz jota" daudela.
Euskadi Irratian egin dioten elkarrizketan azaldu duenez, konpentsazio ekonomikoek 30 abelburu erosteko balioko die, besterik ez; gaur egun, 90 dituzte. Edozein kasutan, galdu den genetika "ez da sekura ere errekuperatuko".
Azkenik, jasotako babesa eskertu du.
Zure interesekoa izan daiteke
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Korrikako antolatzaileen ustez, Errenteriako lan deialdi publikoan gertatu dena "mugarria" izan da. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.