Arartekoak Segurtasun Sailari galdetu dio zergatik hasi den atxilotuen jatorriaren berri ematen
Bingen Zupiria Segurtasun sailburuak azaldu zuen irizpidea aldatzea erabaki zela, atxilotuen jatorriariaren inguruan Eusko Legebiltzarrean eskuineko alderdiak egiten ari ziren "presio izugarriaren" ondorioz.
Ertzaintzak atxilotzen dituen pertsonen jatorria jakinarazten zergatik hasi den galdetu dio Arartekoak Eusko Jaurlaritzako Segurtasun Sailari.
Azken urteotako irizpidea aldatu, eta joan den urritik, Segurtasun Saileko prentsa zerbitzuak atxilotuen jatorria zein den esaten du. Estatu espainiarrean polizia bakarra da hori egiten duena.
Orain hamar urte baino gehiago, Arartekoak bere gomendioetako batean, honakoa esan zuen: polizien prentsa-oharrek ekidin egin beharko lukete jatorriari buruzko datuak ematea, baldin eta informazio hori ez bada beharrezkoa albistea ulertzeko. Herriaren defendatzailearen iritziz, atxilotuen jatorria zabaltzeak ez du laguntzen atzerriko pertsonen gizarteratzean; estereotipoak eta aurreiritziak areagotzen ditu, eta kolektibo jakin batzuei buruzko ikuspegi okerra zabaltzen du.
Halaber, gomendio hori zabaldu zuenean, Arartekoak gogora ekarri zuen Europar Kontseiluko Arrazakeriaren Aurkako Batzordearen irizpidea ere hori bera zela: ustezko delitugileen arraza, erlijio edota nazionalitateari buruzko informaziorik ez zabaltzea gomendatzen du Europak. Ordutik, Ertzaintzak bere prentsa-oharretan ez zuen atxilotuen jatorriari buruzko informazioa zabaltzen.
Joan den urriaren 22an eman zituen Bingen Zupiria Segurtasun sailburuak irizpide aldaketari buruzko azalpenak. Bere hitzetan, PP eta Vox Eusko Legebiltzarrean atxilotuen jatorria zabaltzeko egiten ari diren "presio izugarriaren" ondotik hartu dute erabakia. "Azkenean, hobe da gauzak diren moduan azaltzea, estigmatizatu gabe, eskuin muturrarekin ika-mikan ibili beharrean. Datu hauek ere, Euskadiko delinkuentziaren egoeraren erakusle dira", esan zuen.
Erantzuna jasotzen duenean, egoera aztertu eta zein urrats eman erabakiko du Arartekoak.
Zure interesekoa izan daiteke
Berbaz eta kantuz eman diote hauspoa euskarari euskalgintzako hainbat eragilek
Aktore, musikari zein bertsolariak igo dira oholtza gainera euskararen aldeko ekitaldian, eta ikuskizun musikatua eskaini dute Gorka Urbizuk, Maia Ibarnek eta Gontzal Mendibilek, besteak beste. Ane Labaka eta Sustrai Colina bertsolariak ere izan dira taula gainean. Txalo zaparrada batekin eta kantuan bukatu dute aldarrikapen artean abiatu den hitzordua.
Milaka lagun bildu ditu Euskalgintzaren Kontseiluak Bilbon, euskararen aldeko pizkundearen akuilu izan daitezen
Euskararen aldeko pizkunde berri baten premia gizarteratzea eta hizkuntza-politiketan jauzia emateko adostasun soziopolitikoa bultzatzea helburu duen ekitaldia egin dute Bilbao Arenan. 2026ko ekainaren 13rako hitzordua ere jarri dute euskaltzaleek.
23 urteko emakume bat desagertu da Donostian, eta Ertzaintzak ikerketa zabaldu du
Asteazkenean ikusi zuten azkenekoz, Gabon gauean, eta familiak ostiralean aurkeztu zuen salaketa.
Bost urte dira COVID-19aren aurkako lehen txertoak jarri zituztenetik
Bizkaian txertoa jaso zuen lehen emakumea eta txertoa jarri zion erizaina elkartu ditu EITBk, bosgarren urteurrenean. Ikusmina, beldurra, itxaropena eta mesfidantza agerikoak ziren orduan, bizitzen ari ginenarekin zerbait historikoa baitzen. Txertoak iritsita, egoera hobetzen joan zen. Une haiek gogoratu dituzte Begoñak, Itxasok eta Jorgek.
Animaliarik gabeko azoka egin dute Elgoibarren, dermatosi nodularraren ondoriozko debekua berriro ezarri ondoren
Dermatosi nodularrak kezka sortzen jarraitzen du lehen sektorean. Euskal Herrian ez da oraingoz kasurik atzeman, baina Frantzian kasuak ugaritzen ari direla eta, prebentzio modura, ferietan abereak azaltzea debekatu dute berriro. Eta neurri hori betetzen lehen azoka, Elgoibarko Gabon Zaharrekoa izan da.
Espetxeratu egin dute Azkoitian Gabon gauean sexu-erasoa egiten saiatzeagatik atxilotutako gizona
Guardiako epailearen aurrean deklaratu ondoren, epaileak badaezpada espetxeratzeko agindu zuen, sexu-eraso saiakera egotzita.
Idurre Eskisabel: “Euskarak larrialdi linguistikoan jarraituko du ezer egiten ez bada, baina badu irtenbidea”
Euskarak gaur egun bizi duen larrialdi linguistikoa gorabehera, Idurre Eskisabel Euskalgintzaren Kontseiluko idazkari nagusiak azpimarratu du egoerak irtenbidea duela. Euskararekiko atxikimendu soziala funtsezko faktorea dela nabarmendu du, baina norbanakoaren konpromisoa ezinbestekoa den arren, berez ez dela nahikoa eta erantzun estruktural eta politika publiko sendoak behar direla azpimarratu du.
Coruñako aireportua zabaldu dute, pistan basurde bat ikusi ostean hainbat orduz itxita egon eta gero
Madrildik eta Milandik abiatu eta Galiziako aireportuan lur hartu behar zuten bi hegaldi beste aireportu batzuetara bideratu dituzte, eta beste bi aireratzeko baimena noiz emango zain geratu dira.
Behe-lainoak zaildu egin du aireko trafikoa Loiun, eta sei hegaldi desbideratu dituzte
Bost hegaldi Santanderrera desbideratu dituzte, Loiu-Barajas konexio bat bertan behera geratu da, eta atzerapenak izan dira beste hiru hegalditan.
Arrasaten erositako txartel bati egokitu zaio Euromillonesen 54 milioi euroko saria
Txartela Arrasateko 66455 loteria administrazioko bulegoan saldu zuten, Musakola auzoko Eroski merkataritza zentroan.