Iberiak zibererasoa jasan du, eta bezeroen datu pertsonalak arriskuan daude
Izen-abizenak, posta elektronikoa, telefonoa eta Iberia Club txartelaren zenbakia dira erasoaren bitartez lapur ditzaketen datu pertsonalak.
Iberiak Datuak Babesteko Agentziaren eta INCIBEren aurrean salatu du hirugarren batek, baimenik gabe, enpresaren kudeaketarako gordailuan sartzea lortu duela. Gertakari horrek bezeroen datu pertsonal jakin batzuen konfidentzialtasuna arriskuan jarri du.
Konpainiak dio kudeaketa sistema horretan dagoen informazioa mugatua dela eta, beraz, hegaldiak salbu daudela.
Iberiak jakinarazi duenez, aurretiazko ikerketaren arabera, baliteke Iberia Club txarteleko datuak, bezeroen izen-abizenak, posta elektronikoa, telefonoa eta identifikazio-zenbakia eskuratu izana.
Airelineak adierazi duenez , "ez dute ordainbideen datu osorik edo erabilgarririk lortu, ezta Iberiaren kontuetan sartzeko gakorik ere".
Halaber, etorkizuneko hegaldietarako erreserba-kode batzuk lapurtu dituzte. Airelineak azpimarratu duenez, "oraingoz, datu horiekin iruzurrezko jardueraren bat egin denik ez dago jasota".
Iberia kalteak jasan dituzten bezeroei gertatutakoa jakinarazten ari zaie eta segurtasun-neurri gehigarriak ezarri ditu. Horrez gain, Iberiaren izenean egiten den edozein komunikazioren edo aldaketaren aurrean arreta berezia jartzeko gomendatzen diete bezeroei.
Horrela, edozein susmo edo anomalia sumatuz gero, +34 900 111 500 telefono-zenbakia jarri dute bezeroen eskura susmo edo anomalia horiek jakinarazteko eta ahalik eta azkarren kudeatzeko asmoz.
Iberiak barkamena eskatu du erasoak bezeroei eragindako arazoengatik, eta ziurtatu du eskura dituzten balialbide guztiak martxan jartzen ari direla "gertakariaren ondorioak arintzeko eta etorkizunean berriro ez gertatzeko".
Zure interesekoa izan daiteke
75 urteko euskal herritar bat hil da Errioxan, bere autoa AP-68 errepidetik aterata
Istripua astelehen goizean gertatu da, Errioxako San Asensio herrian. Gizonaren ibilgailua errepidetik atera da.
Bruce Springsteen, Jose Luis Rebordinos eta Karlos Arguiñano, Urrezko Danborra irabazteko 56 hautagaien artean
Behin betiko zerrenda eskuan, Donostiako Udaleko Bozeramaileen batzordeak astearte honetan bilera egingo du. Batzorde horrek gehienez 3 hautagai aukeratuko ditu, baina hautagai batek gehiengo berezia lortuko balu —hau da, udalbatzaren ordezkaritza ponderatuaren hiru herenak— Urrezko Danborraren irabazlea zuzenean izendatuko du.
Eskolak bertan behera utzi dituzte EHUren Leioako campusean, ur-sarean matxura izan da eta
12:00etatik aurrera, Leioako campuseko ikastegi eta eraikinetako jarduera guztiak eten dira. Mozketak ez du eraginik izango kiroldegian ezta Zientzia Parkeko eraikinetan ere; eraikin horietan ohiko jarduerarekin jarraitu ahal izango da. Errektoreordetzak jakinarazi du konponketa-lanetan ari direla eta hornidura "ahalik eta lasterren" berrezartzea aurreikusten dela.
Saaki, Euskadin ospitaleratutako haurren beldurra baretzeko robot berria
Bioaraba Osasun Ikerketa Institutuak, Vital Fundazioarekin lankidetzan, SAAKI proiektua aurkeztu du. Unitree G1 EDU robota Txagorritxun izango da, ospitaleratutako haurren esperientzia teknologia eta enpatia bidez hobetzeko.
Arartekoak dei egin du "emakumeak eta neskak kosifikatzea eta merkantilizatzea" galaraz dezagun
Astearte honetan Emakumeen aurkako Indarkeria Desagerrarazteko Mundu Eguna dela eta egindako adierazpen instituzionalean, EAEko Defentsa Erakundeak salatu du indarkeria matxistak "urtero errugabeen bizitzak kentzen" jarraitzen duela, eta "indarkeria hori zuzenean nozitzen duten emakumeen osotasun fisiko eta moralaren eta duintasunaren kontra eraso egiten" duela.
Miren Elgarresta (Emakunde): "Salaketak icebergaren punta dira, horren azpian badago indarkeria matxista normalizatu bat, oso orokortua"
Emakumeen aurkako indarkeria desagerrarazteko egunaren bezperan, Miren Elgarresta Emakunderen zuzendariak urteko lehen 10 hilabeteetako salaketen gainean hitz egin du, Euskadi Irratian. Horren esanetan, Ertzaintzak argitaratutako datuak bat datoz emakumeen aurkako indarkeriari buruzko inkestan Emakundek bildutako emaitzekin.
Gizon bat hil da Abartzuzan, lan-istripuz
Ezbeharra herriko elikagai-enpresa batetik gertu dagoen landa-bide batean gertatu da. Kamioi batek 49 urteko langilea harrapatu du.
Bost autoren arteko istripu batek sei kilometro arteko ilarak sortu ditu N-1ean, Iruran, Irungo norabidean
Bost ibilgailuk elkar jo dute N-1 errepidean, Irura parean. Istripuaren ondorioz, bost pertsona zauritu dira, eta ospitalera eraman behar izan dituzte.
Albiste izango dira: Save the Childrenen txostena, Jordi Pujolen aurkako epaiketa eta Ukrainarako bake akordioa
Gaurkoan Orain-en albiste izango direnen laburpena, bi hitzetan.