Aita Marik bere 17. misio humanitarioa abiatu du Mediterraneoan
Itsas Salbamendu Humanitarioa elkartearen arabera, neguan migrante gutxiagok erabiltzen dituzte Mediterraneoko itsasbideak, baina erabiltzen dituztenek haien burua gehiago arriskatzen dute.
Aita Mari erreskate-ontziak bere 17. misio humanitarioa abiatu du Mediterraneo itsasoan, aurtengo azkena. Saguntuko (Valentzia) portutik itsasoratu da gaur arratsaldean.
Itsas Salbamendu Humanitarioa gobernuz kanpoko erakundeak esan duenez, "munduko itsasbide arriskutsuenetakoa" da Mediterraneoa. "Neguan migrante gutxiagok erabiltzen dituzte Mediterraneoko itsabideak, baina erabiltzen dituztenek haien burua gehiago arriskatzen dute", zehaztu dute.
Orain hamar urte ibilbidea hasi zuenetik, Aita Marik 1.500 pertsona migratzaile baino gehiago erreskatatu ditu Mediterraneoan. Horiei, 2017an Maydayterraneo ekimenarekin elkarlanean erreskatatutako 1.000 pertsona inguru gehitu behar zaizkie.
Itsas Salbamendu Humanitarioko kideek adierazi dutenez, Europar Batasuneko itun berriarekin, hainbat herrialdetako mafiek "inpunitate osoa" dute, "pertsonen salerosketarako".
"Aita Mari, berriz ere, munduko itsasbide arriskutsuenetariko batera abiatu da, hainbat traba dauden arren: Piantedosiko dekretua Italian, eta Europar Batasuneko paktu migratzaile berriak, gobernuz kanpoko erakundeen eta itsasoko egora salatzen duten pertsonen lana oztopatzen saiatuz. Itsasoan arriskuak daude bitartean, guk lanean jarraituko dugu. Bizitza guztiek garrantzia dutelako", azaldu dute erreskate-ontziko arduradunek.
Te puede interesar
Marijaia eta zirkuaren bisita dute gaur Basurtuko Ospitalean, Aste Nagusiko bosgarren egunean
Ekitaldi eta ikuskizunetako teknikariek Bizkaia osoan deitutako grebak baldintzatuko du asteazkeneko programazioa. Jarduera batzuk bertan behera geratu dira jada, eta beste batzuk, berriz, egunaren bilakaeraren zain daude.
Nafarroako Urzainkiko baso-sutea kontrolatutzat jo dute
Gaur gauean, Nabaskoze parkeko suhiltzaileak egongo dira bertan, zaintza-lanak egiten.
Kobre lapurrek 176 hilobi kaltetu dituzte Errenteriako hilerrian
Gurutzeak, argazki-markoak eta bestelako apaingarriak eraman dituzte Errenteriako hilerrian. Azken hilabetean bitan izan dira lapurretak eta oraingoan 4 salaketa daude, momentuz. Udalaren arabera, nahiko bideratuta dago kasua eta datozen egunetan guztia argitzea espero dute.
Osasun Publikoak esku hartu du Eibarko taberna batean tortillen kontsumoarekin lotutako salmonelosi-agerraldi baten aurrean
Detektatutako 29 kasuetatik 25ek osasun-arreta behar izan zuten, eta bederatzi ospitaleratu egin zituzten. Guztiek alta jaso dute jada. Kutsatutako arrautzak Aragoiko ustiategi batekoak dira.
Euskal Herriko urtegien % 48,8 dago beteta, abuztuan ohi baino ia 6 puntu gutxiago
Uztailaren hasieratik, urtegietan bildutako ura azken 20 urteetako batezbestekoaren azpitik dago, eta alde hori astez aste handitzen joan da.
Hondarribiko Alarde tradizionalak "jarrerak polarizatzea eta herritarrak haserretzea" leporatu dio Udalari
HAOSE elkarteak dio otsailean utzi zuela konponbidea bilatzea helburu zuen prozesua, "gardentasun faltagatik eta prozesuarekiko leialtasun faltagatik", eta uste du Udalak orain argitaratutako komunikatuaren helburua dela alarde ez parekidearen defendatzaileak "deslegitimizatzea".
Espainiako Gobernuak bere gain hartu du Ceutako krisiaren kudeaketan aginte bakarra
Espainiako Gobernuak "historian aurrenekoz" deklaratu du Segurtasun Nazionalaren interes egoera eta migrazio krisiari eman beharreko erantzuna koordinatzeko aginte bakarra hartu du. Angel Victor Torres Lurralde Politikako eta Memoria Demokratikoko ministroak zuzenduko du egitura.
Patata-tortilla usaina eta festa giroa Bilbon, Aste Nagusiaren laugarren egunean
Gaur goizean, Areatzako patata-tortilla lehiaketak 400 parte-hartzaile baino gehiago bildu ditu; herritar eta konpartsakideak zartagina eskuan aritu dira euren trebezia erakusten. Gainera, eguerdian, ohikoa den moduan, bilbainadak entzun dira Pergolan, Los Chimberos taldearen eskutik.
Nafarroak frankismoaren biktimen memoria berreskuratu du "Objektuen memoria" erakusketan
Erakusketak Nafarroako hobi komunetan egindako prospekzio eta hobitik ateratze lanetan berreskuratutako objektuak biltzen ditu, frankismoaren errepresioaren biktimen historia eta memoria herritarren esku jartzeko. Iruñeko Alde Zaharreko Rozalejo Markesaren Jauregi berrituan dago ikusgai.
Gizon bat atxilotu dute Gasteizen, genero indarkeria egotzita, bikotekidearekin eztabaida bat izan ostean
Udaltzainak etxebizitza batera joan ziren, eta borroka batekin bateragarriak ziren zantzuak ikusi zituzten.