Heriotza Zigorraren aurkako mobilizazioak EAEko zazpi hiritan, zigor "krudel eta anker" horri amaiera emateko eskatzeko
Amnistia Internazionalak dio heriotza-zigorra "gainbeheran" dagoela, baina ezin dela "lasaitu", eta abolizio unibertsala eskau du. 1.518 pertsona exekutatu zituzten 15 herrialdetan 2024an. Bilbon, Donostian, Gasteizen, Leioan, Portugaleten, Santurtzin eta Barakaldon eraikin esanguratsuak argiztatuko dituzte deialdiarekin bat eginez.
EAEko zazpi udalerrik bat egin dute igande honetan, Amnistia Internazionalek deituta, Heriotza Zigorraren aurkako "Bizitzaren aldeko hiriak" Nazioarteko Jardunaldiarekin, eta hiriko eraikin ezagunak argiztatuko dituzte "zigor krudel eta anker" honen kontra.
Gasteizen, udaletxea gorriz argiztatuko den lekuan, elkarretaratzea egin da 13:00etatik 14:30era Urrezko Zeledonen plazan. Bertan, txalapartak lagunduta, sinadurak bildu dira eta aurtengo kanpainaren manifestua irakurri dute.
Bilbon, Alde Zaharreko Yhon Jauregia argiztatuko da, 18:00etatik 20:30era. Eguerdian, manifestua irakurri dute eta heriotza-zigorraren aurkako performancea egin dute. 2024an munduan izandako exekuzioei buruzko informazioa zabaldu dute eta Bilboko Musika Kontserbatorioko ikasleen musika-emanaldia izan da.
Donostian, Amnistia Internazionaleko ekintzaileek elkarretaratzea egin dute, 12:00etan, udaletxearen aurrean, Alderdi-Ederren, eta, ondoren, heriotza-zigorraren aurkako mezua Santa Maria elizako harmailetara, Konstituzio plazara eta Gipuzkoa plazara eraman dute.
Portugaleten, Santurtzin, Barakaldon eta Leioan ere izan dira mobilizazioak. Iluntzean, Portugaleten Pando Aizia argiztatuko da; Santurtzin, Dorretxea, Barakaldon, Erlojuaren Dorrea eta Leioan, Sakoneta kiroldegiaren fatxada.
Itziar Medrano Amnistia Internazionaleko bozeramaileak Gasteizen gogorarazi duenez, nahiz eta Espainian "zorionez, heriotza-zigorrik ez dagoen", herrialde batzuetan "edozein gauzagatik hiltzen dute jendea". "Iran da horietako bat", esan du, "baina Txina eta Estatu Batuak ez dira atzean geratzen; Txina, batez ere", salatu du Medranok. Hala, gaurko mobilizazioek kontzientziazioan eta salaketan lagundu nahi dutela nabarmendu du: "Mundua alda daiteke, baina ez du bakarrik egingo, horregatik gaude hemen".
2024ean, azken hamarkadako exekuzioen kopuru altuena izan zen, Amnistia Internazionalaren Txosten Globalaren arabera. Gutxienez 1.518 pertsona exekutatu zituzten 15 herrialdetan, eta hori "Txinan, Vietnamen eta Ipar Korean hil ahal izan zituzten milaka pertsonen datuak jakin gabe, zenbaki horiek Estatu sekretua baitira oraindik lurralde horietan", ohartarazi du Medranok. Zenbaki horiek kontuan hartuta, % 32ko igoera izan zuten exekuzioek 2023ko datuekin alderatuta.
Amnistia Internazionalak azpimarratu du, zorionez, gaur egun 144 herrialdek indargabetu dute heriotza-zigorra beren legedietan edo praktikan, hau da, munduko herrialdeen bi heren baino gehiagok.
"Heriotza-zigorrak Giza Eskubideen Deklarazio Unibertsalean aldarrikatzen den bizitzeko eskubidea urratzen du, eta zigor krudel eta ankerra da", gaineratu du Medranok. Amaitzeko, exekuzioak erabat eteteko eta heriotza-zigorra mundu osoan indargabetzeko beharrezko pausoak emateko eskatu die mundu osoko gobernuei.
Zure interesekoa izan daiteke
Normaltasuna AP-8an, Irunen, Baionarako noranzkoan zazpi kilometrorainoko auto-ilarak sortu ostean
A-1 errepidean ere, 2 kilometro inguruko ilarak izan dira N-622 errepideko lotunearen parean, Irungo noranzkoan.
Hernani eta Errenteriako alkateek "politika eraginkorrak" eskatu dituzte etxegabeen arazoari aurre egiteko, "protagonismoen gainetik"
Gainera, Donostiako alkateak datorren ostegunerako Donostialdeko udalekin deitu duen bilerara joango direla iragarri dute.
Txupinera eta pregoilaria: "Jendearen maitasuna Bilbo bezain handia izan da"
Txupinera eta pregoilaria, pregoilaria eta txupinera, elkarrekin egoten dira ia 24 orduz, eta agenda bete-betea izaten dute egunero. Gaur ere indarrez hasi dute eguna: gosari lasai bat lehenengo, komunikabideekin elkarrizketak gero, eta lehiaketa gastronomikora joan dira ondoren. Musika, herri kirolak eta bertako jakiak izan dira protagonista bilbotarren egunean.
Zuzenean: 'Agur Marijaia'
Marijaia errez agurtuko dute Bilboko Aste Nagusia. Ohikoa denez, jaien amaierako ikuskizun piroteknikoa, "Agur Marijaia", itsasadarrean egingo da, udaletxeko zubiaren eta Mesedeetako zubiaren artean.
Haize aldaketek eta su jauziek sutea egonkortzea zaildu dute El Salerren
270 langile baino gehiago ari dira sugarren aurka borrokan, aireko 10 baliabide eta lurreko 40 ibilgailuren laguntzarekin. Sutearen ondorioz, inguruko bizilagunak eta kanpinak hustu behar izan zituzten, eta oraindik ezin izan dira itzuli. Valentzia hiriburua, Devesa-Albufera parke naturala eta hiriburuaren hegoaldeko hainbat auzo eta herri lotzen dituen CV-500 errepideak itxita jarraitzen du.
Kalu itsasora itzuli da, bost hilabeteko zaintzaren ostean
Martxoan Donostiako kostaldean erreskatatutako kareta dortoka gaur goizean askatu dute, kostaldetik bi miliatara, Aquariumean zaindu ondoren.
Hiru pertsona atxilotu dituzte Bergaran estortsioa eta legez kanpoko atxiloketa egotzita
Ertzaintzako agenteek bi gizon eta emakume bat atxilotu zituzten ostegun arratsaldean, legez kanpoko atxiloketa eta herritar baten estortsioa egotzita. Diru kantitate bat eskatzen zioten biktimari.
47 urteko emakume bat hil dute Isla Cristinan (Huelva) eta haren bikotekidea atxilotu dute
Guardia Zibilak 08:50ean jaso du abisua. Agenteek biktimaren gorpua aurkitu dute, arma zuriz egindako zauri ugari zituela, Punta del Caiman hondartzan. Emakumearen bikotekidea, gizonezkoa, atxilotu egin dute, krimenaren egilea delakoan.
Ilargi-eklipse partzialak irudi ederrak utzi ditu Euskal Herrian eta munduan zehar
Ilargi-eklipse partziala ikusi ahal izan da bart gauean eta goizaldean munduko leku askotan, besteak beste, Euskal Herrian. Gurean, 06:12an izan da eklipsearen puntu gorena, Lurraren itzalak Ilargiaren azaleraren % 93 estali duenean.
17 atxilotu eta 42 salaketa Bilboko jaietako seigarren egunean
Atxiloketetako bat genero-indarkeriagatik izan da. Jaietako egun handiaren bezperan jende asko ibili da Bilboko kaleetan.