Hiru urteko kartzela-zigorra ezarri diote adingabeen zentro bateko hezitzaile bati, Gipuzkoan tutoretzapeko neskato bati eraso egiteagatik
Erruztatuak gertaerak aitortu ditu, eta akusazioek bere zigor eskaera hamaika urtetik hirura jaistea onartu dute.
Adingabeen egoitza bateko hezitzaile bati hiru urteko kartzela-zigorra ezarri diote, 2019 eta 2022 urteen artean, Gipuzkoako Foru Aldundiaren tutoretzapean dagoen babesik gabeko neskato bati sexu-erasoa egiteagatik, neskatoak 13 eta 14 urte bitartean zituenean.
Hasiera batean, Fiskaltzak hamaika urteko espetxe zigorra eskatzen zuen gizon horrentzat, baina astelehen honetan, Gipuzkoako Auzitegiko Lehen Sekzioan izan den epaiketa hasi baino lehentxeago, defentsak, akusazio partikularrak, biktimak, eta Fiskaltzak adostasun akordio bat lortu dute.
Akordio horren bidez, erruztatuak gertaerak aitortu ditu, eta akusazioek bere zigor eskaera jaistea onartu dute, behin-behineko ondorioak aldatu eta bidegabeko luzapenen aringarria aplikatu ostean.
Hori horrela, biktimak, gaur egun adinez nagusia, ez du ahozko bistan deklaraziorik egin beharrik izan.
Aipatutako espetxe zigorraz gain, erruztatuak 16.000 euroko kalte-ordaina eman beharko dio kaltetuari, jasandako kalte moralengatik, eta hamabi urtez ezingo da berarekin hurbildu ezta komunikatu ere. Era berean, kartzelatik ateratzen dutenean, zazpi urte eman beharko ditu zaintzapeko askatasunean.
Horrez gain, bost urteko gaitasungabetzea ezarri diote, adingabeekin harremana duen edozein jarduera edo lanbidetan aritzeko, bost urtez.
Fiskaltzaren akusazio idatziak jasotzen duenez, gertakaria aipatutako babes zentroan jazo zen, Aian, non auzipetuak, "asmo ludikoarekin jokatuz", adingabeaz abusatu baitzuen "hezitzaile karguak ematen zion nagusitasun baldintzaz baliatuz".
Modu horretan, gizonak neskatoarekin zuen harreman ona aprobetxatu zuen bere alde intimoetako argazkiak ateratzeko eskatzeko, bere mugikorra uztearen truke, janari edo diru gehiago emateko.
Auzipetuak neskari ukituak ere egin zizkion behin baino gehiagotan.
Fiskaltzaren testuak zehazten duenez, gainera, noizbait gizonezkoak adingabeari zentrotik ihes egiten lagundu zion, eta beste bitan hezitzailearen etxean lo egitera iritsi zen, ohe bereizietan, hura ihes eginda zegoen bitartean.
Zure interesekoa izan daiteke
Zortzi arrantzale eta saregile bat omendu dituzte, bizi osoa itsasoari eskaintzeagatik
Gaztetatik sakrifizio handiko lana egin duten zortzi arrantzale eta saregile baten aldeko omenaldia egin dute gaur Donostian. Gipuzkoan itsasoan lan egin duten 310 lagunek erretiroa hartu dute, eta guztien omenez eman dituzte sariak.
Donostiako Udala akusazio partikular izango da hirian delituak behin eta berriz egiten dituztenen aurkako auzietan
Jon Insasuti Donostiako alkateak esan du delinkuentziaren aurkako borroka lehentasunetako bat dutela, eta akusazio partikular izateko asmoa beste urrats bat dela. Hori bai, zehazteko dago zein kasutan emango lukeen Donostiako Udalak pausu hori.
Bost lagun atxilotu dituzte Nafarroan, bizileku-baimenak manipulatzeko sare bateko kide direlakoan
Guardia Zibilak desegindako ustezko erakunde kriminalak bizileku- eta lan-baimenak lortzeko prozesua manipulatzen zuen, diru-truk. Talde kriminaleko kide izatea, Administrazio Publikoaren aurka egitea eta immigrazio irregularra bultzatzea leporatzen zaie.
Perez Iglesias: “Milioi bat pertsona baino gehiago mugituko dira eklipsea ikusiko den inguruetara, eta hori aurreikusi egin behar da”
Juan Ignacio Perez Iglesias Zientzia, Unibertsitate eta Berrikuntzako sailburua Radio Euskadiko Boulevard saioan izan da eta, besteak beste, abuztuaren 12an Euskal Herrian ikusi ahal izango den eguzki-eklipseaz mintzatu da. Sailburuak gomendatu du jendea “oinez edo garraio publikoan joatea eklipsea ikustera”, joan-etorriek trafikoan eragin oso handia izango dutelako. Halaber, eklipsea segurtasunez ikusteko aholku zientifikoei jarraitzeko beharra azpimarratu du, eta lehen neurri gisa homologatutako eklipse-betaurrekoak erabiltzea gomendatu du.
Samina nagusi da Erronkarin, herriko hiru bizilagun Ezka ibaian itota hil ostean
Asteazken arratsaldean emakume bat eta horren bi seme adingabe hil ziren Ezka ibaian itota, eta hiru dolu-egun ezarri dituzte herrian.
Eutanasia legezko izango da Ipar Euskal Herrian ere, Frantziako Parlamentuak heriotza lagundua izateko eskubidea onartu du eta
Orain arte, 2016an onartutako Claeys-Leonetti legeak gaixotasun terminala eta bizi-pronostiko laburra zuten pertsonentzako sedazio sakon eta jarraitua ahalbidetzen zuen. Aurrez ere Asanblea Nazionalak hiru aldiz onartu zuen lege-proiektua, baina atzera bota izan du hori gehiengo kontserbadorea duen Senatuak. Hainbat aldaketa eta erreforma eginda, oraingo bozketa behin betikoa izan da.
Sutea izan da Monteagudon, ardo-upelak egiten dituen enpresa batean
Asteazken arratsaldean piztutako suteak ez du zauriturik eragin; bai, ordea, kalte handiak, garrek nabe bat suntsitu baitute. Suhiltzaileek lanean jarraitzen dute sutea inguruko larreetara ez hedatzeko; bitartean, sutea zerk eragin duen argitzeko ikerketa abiatu du Foruzaingoak.
Emakume bat eta haren bi seme adingabe itota hil dira Ezka ibaian, Erronkarin
Gaur arratsaldean izan da ezbeharra, presa baten alboan bainurako egokituta dagoen leku batean. Guardia Zibilak ikerketa zabaldu du, gertatutakoa argitzeko.
Lehertu da festa Baionan: Leon Erregeak bost eguneko jaia piztu du!
Jaia ofizialki lehertu da Baionan, gaur arratsaldeko 17:00etan, herriko etxeko plazan bildutako milaka pertsonaen oihuekin batera. Gakoak Marie Darrieussecq idazleak, Maya Lauqué telebista-aurkezleak eta Jean-Claude Tellechea sukaldariak jaurti dituzte, Pantxoa eta Peio abeslarien musika lagun dutela.
Bilboko Udalak metro karratuko 10 euroko zerga ezarriko du hutsik dauden etxebizitzen gainean
Udalak 2027tik aurrera ezarriko du neurria, eta ordenantza bat izapidetuko du erabili gabe dauden 1.565 etxebizitza alokairu-merkatura bideratzeko.