38 urteko gizon bat hil da Burgin, auto-istripuz

38 urteko gizon bat hil da bart NA-137 errepidean, Burgin (Nafarroa), auto-istripu batean.

Foruzaingoak jakinarazi duenez, ezbeharra 03:56an gertatu da, eta, ondorioz, autoko gidaria hil egin da.

Autoa bidetik atera da eta eraikin baten kontra jo du. Oraindik ez da argitu zerk eragin duen istripua.

Zangoza eta Iruñeko foruzainak istripuaren tokira joan direnerako, 38 urteko gizona (Burgiko bizilaguna) hilda zegoen.

Foruzaingoak ikerketa abiatu du, ezbeharraren nondik norakoak argitzeko.