Gabonetako loteriak 2.772 milioi euro banatuko ditu aurten saritan
Behin-behineko datuen arabera, EAEn 87,43 eurokoa da batez besteko gastua biztanleko; Nafarroan, aldiz, 58,62 eurokoa. Ikusteko dago Hego Euskal Herriak zortea alde duen, duela bi urte bezala. Zozketa 09:00etan hasiko da, eta ORAIN albiste zerbitzu digitalak zuzenean jarraituko du.
Dena prest dago Madrilgo Errege Antzokian. Argazkia: Europa Press
Gabonen atarian, hemen da zortearekin urtero dugun hitzordua. Urtero legez, abenduaren 22an, astelehenarekin, egingo da Gabonetako Loteriaren Zozketa Berezia. Aurten 2.772 milioi euro banatuko ditu saritan, hots, iaz baino 70 milioi gehiago. Zozketa, ohi bezala, Madrilgo Errege Antzokian egingo dute, 09:00etan hasita.
Behin-behineko datuen arabera, zozketa horretarako 195 eta 39,7 milioi euro dituzte esleituta, hurrenez hurren, Euskal Autonomia Erkidegoan (EAE) eta Nafarroan. Bestela esanda, batez beste 87,43 eta 58,62 euro gastatu dituzte loterian bi autonomia erkidego horietako biztanleek. Kopuru hori aurreikuspen bat da, behin betiko datua saldu ez diren dezimoak itzulitakoan ematen baitute. Foru Erkidegoa da Espainiako Estatuan loterian gutxien xahutzen duen erkidegoetako bat, Estatuko batez bestekoa 76,08 eurokoa baita.
Zoria aldeko izatea espero dute euskal herritarrek, gastatutakoaren zati bat bederen berreskuratzeko. Iaz, sari potoloak ez zuen Hego Euskal Herria bisitatu nahi izan, baina gainerako sariek 43 milioi euro utzi zituzten.
Lehen saria, sari potoloa, 4 milioi eurokoa da serieko (400.000 euro dezimoko); bigarren saria 1,25 milioi eurokoa da (125.000 euro dezimoko), eta hirugarrena, berriz, 500.000 eurokoa (50.000 euro dezimoko). Halaber, bi laugarren sari (200.000 euro serieko eta 20.000 euro dezimoko) izango dira, eta baita zortzi bosgarren sari (60.000 euro serieko eta 6.000 euro dezimoko) ere.
40.000 euroko edo hortik beherako saria jasotzen dutenek ez dute zergarik ordaindu beharko. Hortik gorako sariaren % 20 Ogasunari eman beharko diote. Hori dela eta, sari nagusiarekin egokitutako dezimo bat duenak 328.000 euro kobratuko ditu; bigarren saria duenak, 108.000 euro, eta hirugarrenak, 48.000 euro.
Sari potoloa 40 bat aldiz jausi da Hego Euskal Herrian
Gabonetako loteriaren zozketa bereziaren lehen saria 40 aldiz erori da Euskadiko eta Nafarroako administrazioetan. Bilbo izan da hiriburu zorionekoena, sari nagusia 16 aldiz saldu baita Bizkaiko hiriburuan: 1814an, 1908an, 1933an, 1937an, 1955ean, 1957an, 1960an, 1963an, 1970ean, 1986an, 2012an, 2018an, 2020an, 2022an eta 2023an. Gabonetako sari nagusiak 14 milioi euro baino gehiago utzi zituen duela bi urte Bizkaiko hiriburuan.
Donostian, 8 aldiz tokatu da: 1888an, 1910ean, 1920an, 1975ean, 1986an, 2003an, 2018an eta 2023an. Iruñean, sei urtetan saldu dute lehen saria: 1829an, 1853an, 1974an, 2018an eta 2022an. Gasteizen, berriz, zortea aurka dute, birritan baino ez baita erori: 1830ean eta 2006an.
Zure interesekoa izan daiteke
Euria gorabehera, giro ederrarekin ospatu dute San Tomas Bilbon eta Donostian
Negu giroa nagusitu da, baina horrek ez ditu bisitariak kikildu, eta milaka pertsona ibili dira hara eta hona Bizkaiko eta Gipuzkoako hiriburuetan barrena.
51 urteko gizonezko bat hil da A-1 autobian, Agurain parean izandako istripu batean
Kamioi batek eta auto batek talka egin dute, Irungo noranzkoan. Autoan zihoan beste pertsona, 59 urteko gizasemea, Txagorritxuko Ospitalera eraman dute.
Emakume baten gorpua agertu da Barakaldoko etxebizitza batean, "indarkeria zantzuekin"
Emakumearen senideek Ertzaintzari jakinarazi diotenez, konorterik gabe aurkitu dute bere etxean goizean. Bertaratu ostean, heriotza baieztatu eta ikerketa abiatu du Ertzaintzak gertatua argitzeko.
Jaurlaritzak Neguko Bidezaintza Plana aktibatu du, mendateen egoera bertatik behera jarraitzeko
Jarraipen eta informazio fasea martxan jarrita, elurra kentzeko 215 makina, ibilgailu astunak erretiratzeko 7 garabi eta 130 laguntza-ibilgailu izango dira behar denerako prest.
Milaka lagun Bilboko San Tomas azokan
Euriak eta neguko giroak ez ditu herritarrak kikildu eta milaka lagun gerturatu da Areatzara azoka bereziaz gozatzera.
Gaur goizaldean Bilbon izan den tiroketa bat ikertzen ari da Ertzaintza
Gaueko aisialdirako lokal baten inguruan izan da, eta tiroen egilea bilatzen ari dira.
Jende asko Donostian San Tomas eguneko ferian, goizeko aterrunea aprobetxatuz
Talogileak etengabe ari dira lanean goizean goizetik, eta bertako produktuen saltokiek ere aukera paregabea eskaintzen dute gabonen atariko jai honetan sabelak gozatzeko.
A-1 errepidea itxita egongo da hainbat egunez Iruraiz-Gaunan, Irungo noranzkoan, kamioi batek su hartu ondoren
Suteak kalteak eragin zituen asfaltoan, eta konpondu egin behar dute. Trafikoa A-3100 errepidetik bideratzen ari dira, Agurainera iritsi baino lehentxeago atzera autobian sartzeko.
Harrera jendetsua egin diete Baionan Olentzerori eta Mari Domingiri
Ohiturari jarraikiz, Errobi ibaian barrena traineruz heldu dira Lapurdiko hiriburura. Opariak ez ezik, euskara eta itxaropena ere ekarriko dituztela azpimarratu dute biek ala biek.