Euria gorabehera, giro ederrarekin ari dira ospatzen San Tomas Bilbon eta Donostian
Negu giroa nagusitu da, baina horrek ez ditu bisitariak kikildu, eta milaka pertsona dabiltza, hara eta hona, Bizkaiko eta Gipuzkoako hiriburuetan barrena.
Donostiako Konstituzio Plaza, gainezka, gaur goizean. Argazkia: EFE
Taloak txistorrarekin, baratzeko produktuak eta, batez ere, giro ona. Osagai horiek dira nagusi gaur Bilbon eta Donostian, San Tomas eguneko azokan.
Bizkaiko hiriburuan, goizean goizetik, euria da azokaren beste protagonistetako bat. Eguraldiak, baina, ez ditu bisitariak uxatu, eta milaka dira aterkia eskuan hartuta bertaratutakoak.
Donostian, aldiz, ateri abiatu da eguna, baina eguerdi aldera, euritara jo du aroak. Eguraldia gorabehera, Poxpolin, ia 400 kiloko duroc arrazako txerrama mistoa, jaun eta jabe da Konstituzio Plazan.
Gipuzkoako hiriburuan egingo den azokara joaten direnek, salmenta postuez gozatzeaz gain, gustu eta adin guztietarako jarduerak izango dituzte guztien gozamenerako. Donostia Kultura Festak elkarteak, hainbat elkarte eta erakunderekin elkarlanean, landa-produktuak, Donostialdeko eztia, txorimaloak, txistorra eta euskal jantzi tradizionalak ezagutzera emateko lehiaketa ugari programatu ditu gaurko.
Bilboko 76. San Tomas Azokak tradizioa eta gastronomia iraunkortasun eta elkartasun balioekin uztartuko ditu.
BBK-k, Bilboko Udalak eta Bisubi Bizkaiko Sukaldarien Bilkura Fundazioak lurraldeko nekazaritza sektorearekin duten hitzorduaren xehetasunak eman dituzte ostegunean. Aurten ere 100.000 bat bisitari espero dituzte egunean zehar.
Aterkiak nagusi Bilboko San Tomas azokan. Argazkia: EFE
243 postu paratu dituzte Areatzan, eta 20:00ak arte izango dira zabalik. Horien artean, 166 saltokitan baserriko produktuak salduko dituzte, 117 saltokitan ekoizleen produktuak izango dira salgai, eta 12 txosna izango dira San Tomas eguneko gastronomia- eta jai-eskaintza osatzen.
Gainera, BBK Klima proiektuak parte hartzeko dinamika bat jarriko du abian aurten, hondakinak zuzen kudeatzea sustatzeko eta ekitaldi efiziente, jasangarri eta ingurumenari begira garbiagoa izateko.
Zure interesekoa izan daiteke
Gaur goizaldean Bilbon izan den tiroketa bat ikertzen ari da Ertzaintza
Gaueko aisialdirako lokal baten inguruan izan da, eta tiroen egilea bilatzen ari dira orain.
Jende asko Donostian San Tomas eguneko ferian, goizeko aterrunea aprobetxatuz
Talogileak etengabe ari dira lanean goizean goizetik, eta bertako produktuen saltokiek ere aukera paregabea eskaintzen dute gabonen atariko jai honetan sabelak gozatzeko.
A-1 errepidea itxita egongo da hainbat egunez Iruraiz-Gaunan, Irungo noranzkoan, kamioi batek su hartu ondoren
Suteak kalteak eragin zituen asfaltoan, eta konpondu egin behar dute. Trafikoa A-3100 errepidetik bideratzen ari dira, Agurainera iritsi baino lehentxeago atzera autobian sartzeko.
Harrera jendetsua egin diete Baionan Olentzerori eta Mari Domingiri
Ohiturari jarraikiz, Errobi ibaian barrena traineruz heldu dira Lapurdiko hiriburura. Opariak ez ezik, euskara eta itxaropena ere ekarriko dituztela azpimarratu dute biek ala biek.
Negu astronomikoa igande honetan hasiko da eta bi eklipse izango ditu
Urtaro berria abenduaren 21eko 16:03an hasi eta martxoaren 20an amaituko da, udaberria hastearekin batera. Eklipseak ez dira Euskal Herritik ikusgai izango.
Bizileku irtenbide bat eskatu dute Gasteizen asilo bila dauden Maliko pertsonentzat
Gaur egin duten protestako bozeramaileetako batek manifestu bat irakurri du, eta gogorarazi du maliar horiek gerratik eta pobreziatik ihes egiteko atera zirela beren herrialdetik, eta itxaron egin behar dutela asilo eskaera izapidetzeko, "gehienetan, urteak atzeratzen direlako gestioak".
Ireki dute berriro AP-1 errepidea, kamioi baten istripuagatik itxita egon ostean
Kamioi batek su hartu du AP-1 errepidean, Iruraiz-Gaunan (Araba), eta errepidea itxi behar izan dute Irungo noranzkoan.
Hemen da San Tomas, urteko feria nagusia
Bilbok eta Donostiak urteko azokarik garrantzitsuenetako bat ospatuko dute igande honetan. Aterkia ezinbestekoa izango da egunean zehar, fronte batek prezipitazioak utziko baititu.
Gabonetako azokak, bogan: zergatik dute horrenbeste arrakasta?
Gabonetako merkatuak ugaldu egin dira eta tokiko testuingurura egokitu dira. Nola azaltzen da boom hori eta zer esaten digu Gabonetako tradizioen eta erritualen eraldaketari buruz? Hainbat aditu eta profesionalekin hitz egin dugu eta jendearen iritzia jaso dugu.