21.000 etxebizitza egingo dituzte Gasteizen, eta zabalkundea hiriaren erdigunean izango da
HAPO berrian, etxebizitzak zaharberritzeko laguntzak emango dira eta beheko solairuetako lokalak etxebizitza bihurtzeko atea ireki da, betiere bizigarritasun-baldintza zorrotzak betetzen badituzte. Gainera, besteak beste, Europa Jauregia eta Hornidura Merkatuaren eraikinen goiko solairuetan ostalaritzarako establezimenduak ezartzea ahalbidetuko da eta industrialdeetako arauak malgutuko dira.
Gasteizko Udalaren Osoko Bilkurak gaur onartuko du behin betiko Hiri Antolamenduko Plan Orokor (HAPO) berria, etorkizunean hiria handitzeko jarraibideak ezarriko dituen testua. Planak 21.148 etxebizitza eraikitzea ahalbidetuko du, eta horietatik % 75 tasatuak eta babestuak izango dira, hiri-perimetroa handitu gabe etxebizitza-eskaerari erantzuteko.
HAPO berriak hiriaren barnealderanzko hazkundearen aldeko apustua egiten du, hiri-ehunean jada integratuta dauden lurzoruak berroneratuz. Eredu horrek populazioa dentsifikatzea eta dauden espazioak berrerabiltzea bilatzen du, aurreko hamarkadetan nagusi izan den periferiarako hedapenaren aurrean.
Sustapen berriez gain, planak etxebizitzak birgaitzea bultzatuko du, eta beheko solairuetako lokalak etxebizitza bihurtzeko aukera zabaltzen du, betiere bizigarritasun-baldintza zorrotzak betetzen badituzte. Hirigunean sustapen berriak aurreikusten dira Ospitaleko plazan, Lovainan eta Renfeko geltokiaren aurreko orubeetan.
Dokumentuak beste esparru batzuetan ere ekarriko ditu aldaketak. Besteak beste, Europa Jauregia eta Hornidura Merkatuko teilatupeetan ostalaritzarako establezimenduak ezartze baimenduko da, eta industrialdeetako arauak malgutuko dira. Eremu horretan, Basquevolt eta Mercedes enpresak handitzeko aukera aurreikusten du planak.
Hala ere, Arabako Foru Aldundiak eta enpresaburuen elkarteek uste dute HAPOa labur geratzen dela industria-lurzoruaren plangintzan, baita indarrean sartu aurretik ere, hirian instalatzeko interesa duten enpresa berrien beharrei erantzuteko.
Euskadiko Alderdi Sozialistako, EAJko eta Elkarrekin udal taldeen babesa du plan berriak, eta osoko bilkuran onartu egingo dute, behin betiko.
Zure interesekoa izan daiteke
Insaustik airean utzi du 2030eko Munduko Futbol Txapelketarako Donostiaren hautagaitza: “Zer ekarriko duen aztertu egin behar da”
Alkateak “zuhur eta zorrotz” aztertu nahi du ekitaldiak ekonomian, logistikan eta gizartean izango duen eragina; PSE-EEk, berriz, Donostiaren hautagaitza irmoago babestea eskatu du.
Maialen Mazonen hilketagatik akusatutako gizonak deklaratzeari uko egin dio epaiketan
“Uste dut ondoezik nagoela eta ezin dudala deklaratu”, azaldu dio epaileari. Akusatuak deklaraziorik ez egitea erabaki du, epaiketako etenaldi batean defentsarekin hitz egin ostean.
Honako hauek dira Euskadiko bizitegi-larrialdiari erantzuteko gaurtik indarrean diren premiazko neurriak
Etxebizitzaren arloko politika publikoak merkatuaren errealitate berrira egokitzea bilatzen du Eusko Jaurlaritzak onartutako dekretuak, estaldurak eta laguntzak handituz, tresnak malgutuz eta gaur egun etxebizitza duina eta egokia lortzeko zailtasun handiagoak dituztenei "modu azkarragoan eta eraginkorragoan" erantzuteko. Gainera, etxebizitza babesturako eta alokairu publikorako higiezinen-parkea handitzeko neurriak aurreikusten ditu.
Isabel Aaiun, Boney M, Ojete Calor eta Shinova taldeek kontzertuak eskainiko dituzte 2026ko sanferminetan
Nafarroako hiriburuko Udalak aurtengo sanferminetan kontzertuak eskainiko dituzten artistetako batzuk ezagutzera eman ditu.
Gizon bat atxilotu dute Arrasateko ikasle-egoitza batean emakume bati sexu-erasoa egitea leporatuta
Ustezko bortxaketa joan den otsailean gertatu zen Arrasateko ikasle-egoitza batean, eta 22 urteko emakumeak ostiralean jarri zuen salaketa. Mondragon Unibertsitateak oharra zabaldu du gaur goizean, ikasle eta langileen artean bortxaketaren berri emateko, eta elkarretaratzeak deitu ditu eguerdiko 12:00etarako, unibertsitateko campus guztietan.
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitzaren prezioa tasatzea da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestua eskuratzeko baremoen gainetik dago, baina merkatu libreko prezioen azpitik".
Bi-30 errepidea normal antzean, auto-istripu batek Leioako errepidean eta Txorierriko igarobidean hainbat kilometrotako auto-ilarak eragin ostean
Hainbat ibilgailuk talka egin dute Bi-30 errepidean, eta horren ondorioz 3 pertsona artatu behar izan dituzte.
Babes ofizialeko etxebizitzen salerosketan egiten diren iruzurrekin amaitu nahi du Eusko Jaurlaritzak
Denis Itxaso sailburuaren hitzetan, oso zabalduta dago babes ofizialeko etxebizitzak iruzurrez saltzea, eta ezkutuan erosleari gainbalioa eskatzea. Babes ofizialeko etxeak espekulazioaren aurka egiteko sortu zirela defendatu du, eta praktika horien aurka gogor egingo dutela jakinarazi du.
40 urteko gizon bat atxilotu dute, Gasteizen, bikotekideari eta taberna bateko arduradunari erasotzeagatik
Gertaera joan den larunbat gauean izan zen, Oto etorbideko ostalaritza-establezimendu batean.
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).