Hiru euskal herritar hil dira elur-jausi baten ondorioz Panticosan
Elur-jausia mendiko eskiatzaileentzako eremu ezagun batean gertatu da, eta emakume bat zauritu da, hipotermia arinarekin.
Guardia Zibilaren Mendiko Erreskate eta Esku-hartze Taldeek Pico Tablato mendiaren (Panticosako bainuetxea, Huesca) mendebaldeko aurpegian izandako elur-jausi baten ondorioz hil diren hiru pertsonaren gorpuak atera dituzte, iraupen-eskia egiten den eremu batean.
Guardia Zibileko iturriek EFEri baieztatu diotenez, laugarren pertsona bat dago zaurituta, baina ez dute zehaztu zein egoeratan dagoen, nahiz eta aurretik Aragoiko Gobernuko iturriek jakinarazi duten hipotermia arina duen emakume bat dela.
Gertakariaren abisua 13:00ak aldera izan da, orduan deitu dute Aragoiko 112 zenbakira. Ondorioz, Jacako eta Panticosako GREIM eta Huescako aire-unitatea aktibatu dituzte.
Jorge Azcon Aragoiko Gobernuko presidenteak ere agenda bertan behera uzteko erabakiaren berri eman du X sare sozialaren bidez, "mendiko istripuaren berri tragikoek hunkituta".
Aragoiko mendizaleen arabera, mendiko eskia gustuko dutenak asko ibiltzen dira gertakariaren eremuan, 1.000 metroko malda baitago.
Estatuko Meteorologia Agentziak (Aemet) elur-jausiak izateko arriskuari eusten dio eremu horretan, bostetik biko mailan.
Zure interesekoa izan daiteke
Osasun Ituneko neurrien ia erdia 2026an ezarriko direla aurreikusi du Eusko Jaurlaritzak
Alberto Martinez buru duen Sailak nabarmendu du, datorren urtea gako izango dela Itunean adostutako neurriak garatzeko.
Hauek izan dira gizarte arloko urteko albiste nagusiak
Euskal Herriko kaleak Palestinaren aldeko konpromisoz eta elkartasunez bete dira aurten. Vueltako protestek, urriko grebak eta Euskal Selekzioaren eta Palestinaren arteko partidaren irudiek munduari bira eman diote.
Emakume bat kamioi batek harrapatuta hil da NA-134 errepidean, Azagran
11:38an gertatu da istripua eta, hildakoa, 59 urtekoa, San Adriango bizilaguna zen. Guardia Zibilak bere gain hartu du istripuaren inguruko ikerketa.
Martinez sailburuaren esanetan, gripea erritmo "onean" doa beheraka Euskadin, nahiz eta Gabonetako jaien ostean gorakada "puntuala" egon daitekeen
Osasun sailburuak baieztatu du kasua kopurua hirugarren astez jarraian ari dela jaisten, eta hala jarraituko duela espero du, baina ohartarazi du oraindik "data arriskutsuak" direla. Martinez pozik agertu da, halaber, herritarrek eta osasun-profesionalek txertaketari emandako "ezohiko erantzunagatik".
EHUko Ikasle Kontseiluak eskubide gehiago eta kontziliaziorako eta euskaraz ikasteko bermeak eskatu ditu
Ikasleen organoak txosten bat helarazi dio EHUko idazkari nagusiari, unibertsitateko estatutu berrietarako hainbat proposamenekin, ikasleek Klaustroan duten ordezkaritza indartzea, besteak beste.
Bizi-itxaropena igo egin da EAEn 2024an, eta maximo historikoetara iritsi da: 81,7 urte, gizonek, eta 87 urte, emakumeek
Jaiotza-tasa 1,17 haurrekoa da, eta ama izateko batez besteko adina, 33,4 urtekoa.
Auto batek eta anbulantzia batek istripua izan dute Etxebarri parean, eta auto-ilara luzeak eragin ditu
Istripua 09:30ean gertatu da eta BI-634 errepidea itxi behar izan dute Bilborako noranzkoan. Ondorioz, auto-ilara handiak sortu dira bi noranzkoetan. Ezbeharrean hiru pertsona zauritu dira, anbulantzian zeuden bi osasun-langile eta autoaren gidaria, eta horietako bi Galdakaoko Ospitalera eraman dituzte.
Abiadura-muga orduko 50 kilometrotan baino gehiagotan gainditzea delitua da gaurtik Ipar Euskal Herrian
Orain arte, Frantzia osoan abiadura-muga hori gaindituz gero, 1.500 eurorainoko isuna jaso zezakeen gidariak, eta gidabaimeneko sei puntu galdu. Aurretik gisa horretarako arau-hausteren bat aurretik eginda bazuen soilik bihurtzen zen delitu.
Ibilgailuek derrigorrezko dute gaurtik ingurumen-bereizgarria Iruñeko Alde Zaharrean sartzeko
0, Eco, C eta B etiketak dituzten ibilgailuak sartu ahalko dira, baimendutako ibilgailuez gain. Arau horiek ez betetzea arau-hauste larritzat hartuko da, eta 200 euroko isuna ezarriko dute (100 euro, berehala ordainduz gero).