Irunen ustez lapurreta saiakera egin eta bere burua uretara bota duen gizon baten bila ari dira Bidasoa ibaian
Gertakaria bart jazo da, Gipuzkoako udalerrian. Herritar batek bi gizon ikusi ditu ibilgailuak garbitzeko gune batean lapurreta egiten, eta ertzainak heldu direnean, horietako batek uretara egin du salto; bestea, 31 urteko gizasemea, atxilotu egin dute.
Larrialdi zerbitzuak Irunen uretara salto egin duen gizon baten bila ari dira Bidasoa ibaian. Gipuzkoako udalerri horretan ustez lapurreta saiakera egin duen pertsonetako bat omen da, eta Ertzaintzak harrapatuko zuela ikusita, uretara bota du bere burua Behobiako zubiaren eta Faisaien uhartearen artean. Salto egin ostean, desagertu egin da.
Gertakariaren berri izan eta berehala aktibatu dituzte larrialdi baliabideak. Suhiltzaileak, Gurutze Gorria eta Irungo Herritarren Babeserako baliabideak bertaratu dira. Azken egunotako euriteak tarteko, Bidasoa ibaia oso hazita dator eta ikuspen eskasa dago. Hori dela eta, Itsas Salbamenduak Helimer helikopteroa bidali du, miaketa airetik egiteko.
Gertakariak 01:34an hasi dira Irunen. Pertsona batek Ertzaintzari jakinarazi dio bi gizon diru-kutxak indarrez irekitzen ari zirela ibilgailuak garbitzeko gune batean, gasolina zerbitzugune batetik gertu.
Ertzaintzaren patruilak bertaratu direnean, ustezko bi egileak korrika ateratzen ikusi dituzte. Horietako batek Bidasoa ibaira salto egin du eta desagertu egin da. Bestea, 31 urteko gizona, atxilotu egin dute, indarra erabiliz lapurreta egiten saiatzea egotzita. Gainera, prebentziozko miaketa batean, 100 gramo haxix atzeman dizkiote, eta, hori dela eta, osasun publikoaren aurkako ustezko delitu batengatik ere ikertuko dute.
Ertzaintzak Ipar Euskal Herriko agintariei ere eman die abisua, Polizia eta Aduana Lankidetzarako Hendaiako Zentroaren bidez.
Zure interesekoa izan daiteke
Nafarroako Erribera da gaur arretagune: Ega eta Ebro larrialdi aurreko egoeran daude uholde arriskuagatik
Bi ibai horien emariak gertutik ari dira zaintzen Andosilla eta Castejon parean; izan ere, Ebroko Konfederazio Hidrografikoaren esanetan, arratsaldean harrapatuko du Ebrok bere maila gorena. Gainera, bigarren mailako bost errepide daude itxita, ibaiek gainezka egin baitute.
Iruinkokoak hankaz gora jarri ditu Alde Zaharreko kaleak
Euskal inauterietako ekitaldia egin dute berriro gaur Iruñeko Alde Zaharreko kaleetan.
Gizon baten bila ari dira Irunen, Bidasoa ibaira erori ostean
Irunen uretara erori den gizon baten bila ari dira igande goizean larrialdietarako zerbitzuak. Bidasoa ibaiak emari handia du, azken egunotako prezipitazio handiengatik.
Haur Minbiziaren Eguna da gaur, adingabeei erasaten dien gaixotasunaren larriaz ohartarazteko eguna
Osakidetzak 60-70 minbizi kasu berri diagnostikatzen ditu urtero 19 urtetik beherakoen artean; Nafarroan, 20 bat kasu artatzen dituzte. Haur minbiziadunen familien elkarteek hainbat jarduera egingo dituzte gaur gaixotasuna bistaratzeko eta kontzientziak pizteko.
Eguraldiak ez du mozorroen festa zapuztu, eta askok aterpea bilatu dute inauteriez gozatzeko
Denboralearen eraginez aldaketak egin behar izan dituzte hainbat tokitan, baina herritar asko inauterietan parte hartzera atera dira kalera.
Bilboko eta Donostiako konpartsen larunbat arratsaldeko desfileak bertan behera, denboraleagatik
Euri eta haizea dela eta, Bilboko Udalak bertan behera utzi ditu larunbat honetako hainbat ekitaldi baina gaueko desfileari eustea erabaki dute. Donostian, hasi eta gutxira erabaki dute desfilea bertan behera uztea.
Uribarri Ganboako urtegia husten hasi dira, bere edukieraren % 86ra iritsi ostean
17:30ean hasi dira Bilbo eta Gasteiz urez hornitzen dituen urtegia husten. Hain zuzen ere, segunduko 15 metro kubo ur botatzen ari da Zadorra ibaira.
Atzerapenak izan dira Laudio eta Ugao arteko tren zerbitzuan, zuhaitz bat trenbidera erori delako
Adifek jakinarazi duenez, gutxienez 30 minutuko atzerapenak izan dira arratsaldean.
Zuhaitz eroriak, lur-jausiak eta ur-putzuak EAEko errepideetan, denboralearen ondorioz
Bigarren mailako errepide askotan, luizi txikiak izan dira eta ur-putzuak sortu dira nonahi. Legution, Kanpezun eta Astegietan ur putzu handiak daudela ohartarazi du Ertzaintzak, eta N-634 errepidean kontuz gidatzea gomendatu du, luizi batek arazoak sortu dituelako zirkulazioan, Zarautz eta Getaria artean.