Hornidura arazorik izango al da Euskal Herriko gasolindegietan? Larritzeko arrazoirik ez, zerbitzuguneen arabera
Auto gehiago ibili dira azken egunotan gasolindegietan eta zenbait arazo izan dira hornidurarekin.
Gasolindegi baten irudia. Argazkia: EITB Media
Azken egunotan, auto gehiago ibili dira gasolindegietan, prezioak nabarmen igoko diren beldur. Gasolindegi batzuk, gainera, erregairik gabe geratu dira. Bizkaiko Zerbitzuguneen Elkartetik, ordea, lasaitasun mezua zabaldu nahi izan dute eta ez dute aurreikusten hornidura arazorik.
Egoera horren adibide Bermeon bizi izan da azken orduetan: gasolina-hornidurarik gabe geratu dira, eta zenbait gidarik ezin izan dute erregaia hartu.
Zerbitzuguneek, baina, ez dute larritasuna piztu nahi izan eta lasaitasun mezu bat zabaldu dute. Nuria Lekue Bizkaiko Zerbitzuguneen Elkarteko presidenteak adierazi du ez dela hornidura-gabeziarik egongo, Radio Euskadin azpimarratu duenez. Estatuan erreserba nahikoak daudela azpimarratu du Lekuek.
Hornidura-gabezia mailan arazorik aurreikusten ez bada ere, erregaien prezioaren igoera nabarmena da.
Brent petrolio upelak % 2 baino zertxobait gehiago egin du gora asteazken honetako irekieran, eta % 12tik gorako errebalorizazioa pilatu du azken hiru egunetan, joan den larunbatean AEBek eta Israelek Iranen aurkako eraso militar bateratua abiatu ostean.
Testuinguru geopolitikoa zaildu da azken egunotan. Petrolio-ontziek eta merkataritza-ontziek gero eta arazo handiagoak dituzte Ormuzeko itsasartea zeharkatzeko, eta hortik munduko petrolioaren bosten bat igarotzen da. Gainera, gasaren prezioak gora egiten jarraitzen du, eta igoera azpimarragarri hori Euskal Herriko etxeetan sumatuko da.
Zure interesekoa izan daiteke
Bilarko (Araba) neska bat zainketa intentsiboetako unitatean dago, Santanderreko istripuaren ondorioz
Gaztea, Bilarrekoa, larri dago Marqués de Valdecilla Unibertsitate Ospitalean.
Barakaldoko bi gazte eta Balmasedako bat, Santanderreko istripuan hildakoen artean
Espainiako Gobernuak Kantabrian duen Ordezkaritzak jakinarazi duenez, bost hildakoak Barakaldoko (Bizkaia) 19 urteko bi neska, Balmasedako (Bizkaia) 21 urteko mutil bat, Igollo de Camargoko (Kantabria) 22 urteko beste gazte bat eta Almeriako (20 urte) beste bat dira. Atzotik ospitalean dagoen neska, berriz, Bilarrekoa (Araba) da eta 19 urte ditu.
Albiste izango dira: Gau erabakigarria Anoetan, Ekialde Hurbileko gatazka eta tolosar baten gorpuaren agerpena Parisen
Gaur Orain-en albiste izango direnen laburpena, bi hitzetan.
Ibilaldiaren aurtengo kanta aurkeztu dute, “Hiri Kiribili Bil”
Kirikiño Bilboko ikastolak antolatu du Bizkaiko ikastolen aldeko aurtengo jaia. Kantua Aiora Renteriak (Zea Mays), Unai Madariagak (Ezezez) eta Txopet hirukoteak konposatu eta interpretatu dute.
Auto-ilarak Arrontegiko zubian, Getxorako noranzkoan, istripu arin baten ondorioz
Errei bat itxi behar izan dute, eta arazoak sortzen ari dira eskuinaldeko sarbide nagusietako batean.
Gizon tolosar baten gorpua aurkitu dute Parisko etxebizitza batean, zatituta
Etxe jabea atxilotu dute hilketaren egilea delakoan, eta Fiskaltzak ikerketa abiatu du hilketagatik.
Gau erabakigarria Anoetan: Realaren eta Athleticen arteko bigarren finalerdia, zuzenean kirolakeitb.eus-en, ETB1en eta ETB Onen
Euskadi Irratiak eta Radio Euskadik ere eskainiko dute zuzenean Kopako derbi erabakigarria. Donostian final handietako giroa dago.
Bost pertsona hil dira Santanderren, itsas ondoko egurrezko pasabide bat hondoratuta
Orain arte zabaldutako informazioaren arabera, beste pertsona bat desagertuta dago, eta bat bizirik ateratzea lortu dute. Kantabriako lanbide heziketako zentro bateko ikasle talde bat zen.
Errenteriako Udalak 25 plazako lan-eskaintza bat etenarazi du, euskara eskakizunaren aurkako helegite baten ondoren
Udal administrazioko postuetarako eskaintza azaroan zabaldu zen, eta eskakizunen artean, C1 euskara maila zehaztuta zegoen lanpostu guztietan.